KNP

ថ្ងៃសុក្រ ទី១៩ ខែមេសា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

សមាគមរាជសីហ៍ សាខាខេត្តតាកែវ បាននាំយកកូនឈេីប្រណិត ចំនួន៣៤០ដេីម ដាំ នៅវត្តបាណានុគ្រោះ និង វត្តជើងគួន **|**

សមាគមរាជសីហ៍ សាខាខេត្តតាកែវ បាននាំយកកូនឈេីប្រណិត ចំនួន៣៤០ដេីម ដាំ នៅវត្តបាណានុគ្រោះ និង វត្តជើងគួន

តាកែវ៖ ដោយមានការណែនាំពី លោក ស៊ូម សារឿន ប្រធានសមាគមរាជសីហ៍ ថ្ងៃអាទិត្យ ទី១៩ ខែកញ្ញា ឆ្នាំ ២០២១ លោក ទេព វណ្ណហេង ប្រធានសាខាខេត្តតាកែវ ចូលរួមដោយ លោក ថាំង ប៊ុនសុង អនុប្រធានចលនាអប់រំផ្សព្វផ្សាយ និងសមាជិករាជសីហ៍ ព្រមទំាង ព្រះគ្រូចៅអធិការ អាជ្ញាធរមូលដ្ឋាន លោកគ្រូ អ្នកគ្រូ និងសិស្សានុសិស្ស បានរួមគ្នាដាំកូនឈេីប្រណិតចំនួន២៤០ដេីម ក្នុងបរិវេណវត្តបាណានុគ្រោះ ស្ថិតនៅភូមិប៉ាណា ឃុំសិង្ហ ស្រុកសំរោង និងចំនួន១០០ដើម នៅវត្តធម្មធារ ហៅជើងគួន ស្ថិតក្នុងឃុំជើងគួន ស្រុកសំរោង ខេត្តតាកែវ។

ថ្លែងក្នុងពិធីសំណេះសំណាល ព្រះគ្រូ សុខ សែន ព្រះចៅអធិការវត្ត បាណានុគ្រោះ និង ព្រះភិក្ខុកុសលធម្មោ ស៊ន កុសល ព្រះចៅអធិការស្តីទី វត្តធម្មធារ ហៅជើងគួន ព្រមទាំង លោកប្រធានសាខាខេត្ត បានថ្លែងអំណរគុណដល់ អាជ្ញាធរមូលដ្ឋាន លោកគ្រូ អ្នកគ្រូ និងសិស្សានុសិស្សដែលបានចូលរួមដាំ និងផ្តាំផ្ញេីដល់ប្អូនៗរួមគ្នាថែទាំ ទុកជាមរតកសម្រាប់ក្មេងជំនាន់ក្រោយ ។

នៅចុងបញ្ចប់នៃពិធី ព្រះគ្រូចៅអធិការទាំង២វត្តក៏បានថ្លែងអំណរគុណដល់ ឯកឧត្តមប្រធានសមាគម និងថ្នាក់ដឹកនាំ ព្រមទាំងសមាជិក សមាជិកា សមាគមរាជសីហ៍ ដែលបានចាត់តាំង សមាគមរាជសីហ៍សាខាខេត្តតាកែវ ចូលរួមដាំដេីមឈេីនៅវត្តរបស់ព្រះអង្គទាំងទ្វេ។

សូមបញ្ជាក់ថា លោក ទេព វណ្ណហេង ប្រធានសមាគមរាជសីហ៍សាខាខេត្តតាកែវ ទោះបីលោកជាជនពិការ តែលោកតែងសកម្មដឹកនាំសមាជិក ចុះដាំដើមឈើជាច្រើនរយដើមតាមវត្ត សាលារៀន ចុះសំណេះសំណាល សួរសុខទុក្ខ ផ្តល់ជំនួយសង្គ្រោះជូនជនក្រីក្រ ជនរងគ្រោះផ្សេងៗ សង់ផ្ទះជូនជនក្រីក្រ ធ្វើបុណ្យ ដាក់ទាន ប្រគេនទេយ្យវត្ថុជូនព្រះសង្ឃជាច្រើនវត្ត ក្នុងមូលដ្ឋានខេត្តតាកែវ៕