ខេត្តស្វាយរៀង ៖ លោក សុច ពិសី អភិបាល នៃគណៈអភិបាលស្រុកកំពង់រោទិ៍ ខេត្តស្វាយរៀង នៅព្រឹកថ្ងៃទី២២ ខែកញ្ញា ឆ្នាំ២០២១ នេះ បានអញ្ជើញជាអធិបតីនៅក្នុងពិធីបើកការដ្ឋានឲ្យដំណើរសាងសង់គម្រោងកែលម្អផ្លូវដីក្រាលបេតុងអាមេ ប្រវែង៥៤២ម៉ែត្រ កម្រាស់បេតុង០.១៥ម៉ែត្រ ទទឹង៤ម៉ែត្រ ដែលអនុវត្តដោយក្រុមហ៊ុន នូ ប៊ុនថន ដែលបានដេញថ្លៃបានសម្រាប់អនុវត្តរបស់រដ្ឋបាលឃុំព្រៃធំ ស្រុកកំពង់រោទិ៍ ខេត្តស្វាយរៀង។នៅក្នុងកម្មវិធីនេះដែរលោកអភិបាលស្រុកបានណែនាំបងប្អូនប្រជាពលរដ្ឋនៅមូលដ្ឋានឲ្យចេះអនាម័យបន្ថែម និងបន្តតាមការណែនាំរបស់ក្រសួងសុខាភិបាល ព្រមទាំងបាននាំមកនូវអនុសាសន៍ផ្តាំផ្ញើសាកសួរសុខទុក្ខសេចក្តីនឹករលឹករបស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ជូនចំពោះបងប្អូនប្រជាពលរដ្ឋនៅក្នុងមូលដ្ឋានក៏ដូចជាការក្រើនរំលឹកឲ្យបងប្អូននៅមូលដ្ឋានឲ្យចេះការពារ និងធ្វើអនាម័យទើបមានសុខភាពល្អ ជៀសផុតពីជំងឺឆ្លង ជាពិសេសជៀសផុតជំងឺឆ្លងជាសកលបច្ចុប្បន្ននេះ។ក្នុងឱកាសនោះដែរ លោកអភិបាលស្រុកក៏បានចែកសម្ភារអនាម័យជូនបងប្អូនប្រជាពលរដ្ឋចំនួន៥៥នាក់ ដែលបានអញ្ជើញចូលរួមក្នុងអង្គពិធីនេះ ដោយក្នុងម្នាក់ៗទទួលបានម៉ាស់១ប្រអប់ ស្មើនឹង៤០ម៉ាស់ និងអាល់កុល១ដប ស្មើ០.៥០លីត្រ។ បន្ថែមលើនេះលោក អភិបាលស្រុកកំពង់រោទិ៍ក៏បានប្រគេនបច្ឆ័យជូនដល់ព្រះសង្ឃចំនួន២ព្រះអង្គនៅរដូវបុណ្យភ្ជុំបិណ្ឌថ្ងៃទី១ផងដែរ៕
ព័ត៌មានគួរចាប់អារម្មណ៍
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
កុំភ្លេចចូលរួម! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ()
កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()
វីដែអូ
ចំនួនអ្នកទស្សនា