សមាគមសហព័ន្ធអ្នកសារព័ត៌មានកម្ពុជាអង្កេតការពិតស្នើរដ្ឋមន្រ្តីក្រសួងព័ត៌មានជួយរក្សារអភិរក្សឈ្មោះកាសែតពីឆ្នាំ១៩៩៣-២០២១
ភ្នំពេញ ៖ សមាគមសហព័ន្ធអ្នកសារព័ត៌មានកម្ពុជាអង្កេតការពិត (FCJOT) បានចេញលិខិតមួយច្បាប់គោរពជូន ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ដែលមានកម្មវត្ថុ ស្នើសុំជួយរក្សាអភិរក្សឈ្មោះកាសែតក្នុងអំឡុងឆ្នាំ១៩៩៣ មកដល់ឆ្នាំ២០២១ ដើម្បីអភិរក្សទុកជាប្រវត្តិនៃការតស៊ូដើម្បីលិទ្ធិប្រជាធិបតេយ្យ នៃការការពារសន្តិសុខសង្គម និងការអភិវឌ្ឍន៍ ក្នុងភាពស្មុគស្មាញរបស់ប្រទេសកម្ពុជា។
យោងតាមខ្លឹមសារនៃលិខិតលេខ ០០៧/២១ស.អ.ក.អ ចុះថ្ងៃទី២៤ ខែកញ្ញា ឆ្នាំ២០២១ របស់ FCJOT ដែលបានគោរពជូនឯកឧត្ដម ខៀវ កាញារីទ្ធ រដ្ឋមន្ត្រីក្រសួងព័ត៌មានបានគូសបញ្ជាក់ថា កាសែតក្នុងអំឡុងឆ្នាំ៩៩៣ ជាច្រើនបានសំណូមពរដល់ឯកឧត្តមរដ្ឋមន្ត្រីក្រសួងព័ត៌មានមេត្តាសជួយរក្សាឈ្មោះកាសែតអំឡុងឆ្នាំ១៩៩៣ មកដល់ឆ្នាំ២០២១ ដើម្បីអភិរក្សទុកជាប្រវត្តិនៃការតស៊ូដើម្បីលិទ្ធិប្រជាធិបតេយ្យ នៃការការពារសន្តិសុខសង្គម និងការអភិវឌ្ឍន៍ក្នុងភាពស្មុគស្មាញរបស់ប្រទេសកម្ពុជា។
ខ្លឹមសារនៃលិខិតបញ្ជាក់ថា ការថែរក្សាអភិរក្សទុកនេះ ៖
ទី១ – គឺផ្តល់ឲ្យឈ្មោះកាសែតមានគេហទំព័រជាកាសែត។
ទី២ – គឺផ្តល់ឱកាសឲ្យអ្នកកាសែតងាយស្រួលបន្តសុពលភាព (អាជ្ញាប័ណ្ណ) ឬមានការលំបាកក្នុងការបន្តសុពលភាព (អាជ្ញាប័ណ្ណ) ដើម្បីផ្តល់ក្នុងការលើកទឹកចិត្តដល់អ្នកកាសែត។
ទី៣ – គឺកំណត់ពន្ធដារជា៣ប្រភេទ
– អ្នកកាសែត និងអ្នកសារព័ត៌មានគេហទំព័រ ត្រូវបញ្ជាក់កម្មសិទ្ធិបញ្ញាតម្លៃអាចទទួលយកបាន។
– សារព័ត៌មានគេហទំព័រដែលមានសកម្មភាព នៃការផ្សព្វផ្សាយពាណិជ្ជកម្មត្រូវយកពន្ធដារនៃការចេញផ្សាយ។
– កាសែត និងសារព័ត៌មានគេហទំព័រជាពាណិជ្ជកម្មខ្នាតធំ ត្រូវយកពន្ធដារ ដែលរដ្ឋកំណត់ ដើម្បីយកពន្ធដាទៅសម្រួលដល់អ្នកកាសែត និងអ្នកសារព័ត៌មានគេហទំព័រក្នុងការខ្វះខាត។
