KNP

ថ្ងៃសុក្រ ទី១៧ ខែឧសភា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

អភិបាលខេត្តកំពតអញ្ជើញជួបជាមួយប្រជាពលរដ្ឋចំនួន ៧នាក់ តំណាងឲ្យប្រជាពលរដ្ឋ ១៤ គ្រួសារ ដែលមានបញ្ហាដីធ្លីនៅ ឃុំល្អាង ស្រុកដងទង់ **|**

អភិបាលខេត្តកំពតអញ្ជើញជួបជាមួយប្រជាពលរដ្ឋចំនួន ៧នាក់ តំណាងឲ្យប្រជាពលរដ្ឋ ១៤ គ្រួសារ ដែលមានបញ្ហាដីធ្លីនៅ ឃុំល្អាង ស្រុកដងទង់

រសៀល ថ្ងៃអង្គារ ទី៣១ ខែសីហា ឆ្នាំ២០២១ ឯកឧត្តម ជាវ តាយ អភិបាលនៃគណៈអភិបាលខេត្តអញ្ជើញជួបជាមួយប្រជាពលរដ្ឋចំនួន ៧នាក់ តំណាងឲ្យប្រជាពលរដ្ឋ ១៤ គ្រួសារ ដែលមានបញ្ហាដីធ្លីនៅតំបន់ខាងក្រោយចំការ ម៉ៃសាក់ ភូមិដំណាក់អំពិល ឃុំល្អាង ស្រុកដងទង់ ដែលកន្លងមកខណ្ឌរដ្ឋបាលព្រៃឈើកំពត បានដាក់ពាក្យបណ្ដឹងទៅតុលាការ អំពីការកាប់រានដីព្រៃខុសច្បាប់ និងបានឃាត់ខ្លួន ប្រជាពលរដ្ឋ ០១នាក់ផងដែរ។

ក្រោយពីស្តាប់របាយការណ៍របស់នាយខណ្ឌរដ្ឋបាលព្រៃឈើកំពត និងសំណូមពររបស់ប្រជាពលរដ្ឋ ឯកឧត្តមអភិបាលខេត្ត បានទទួលយកសំណូមពររបស់ប្រជាពលរដ្ឋដោយ៖
-រៀបចំក្រុមការងារចុះពិនិត្យទីតាំងជាក់ស្ដែង
-ស្នើសុំប្រជាពលរដ្ឋទាំងអស់ឈប់បន្តកាប់រានដីព្រៃខុសច្បាប់
-ប្រជាពលរដ្ឋទាំង ១៤គ្រួសារ អាចថែទាំនិងប្រមូលផលដំណាំរបស់ខ្លួនដែលមានស្រាប់បាន។

ចំពោះប្រជាពលរដ្ឋ ០១រូប ដែលតុលាការបានឃាត់ខ្លួនឯកឧត្តម អភិបាលខេត្ត បានស្នើទៅព្រះរាជអាជ្ញាអមសាលាដំបូងខេត្ត លើកលែងការចោទប្រកាន់ដោយធ្វើកិច្ចសន្យាប្រគល់ដីជូនរដ្ឋវិញ៕