នាព្រឹកថ្ងៃចន្ទទី២៧ ខែកញ្ញា ឆ្នាំ២០២១ នេះ ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង អមដំណើរដោយលោកប្រធានមន្ទីរអប់រំ យុវជន និងកីឡាខេត្ត លោកប្រធានមន្ទីរសុខាភិបាល នៃរដ្ឋបាលខេត្ត លោកប្រធានមន្ទីរសាធារណការ និងដឹកជញ្ជូនខេត្ត លោកអភិបាលស្រុក អភិបាលក្រុង លោកនាយក លោកគ្រូ អ្នកគ្រូ និងមន្ត្រីពាក់ព័ន្ធមួយចំនួនទៀត បានអញ្ជើញចុះពិនិត្យដំណើរការចូលរៀនវិញ របស់សិស្សានុសិស្សនៅវិទ្យាល័យ ហ៊ុន សែន ស្វាយជ្រំ ស្រុកស្វាយជ្រំ និងវិទ្យាល័យ ហ៊ុន សែន ចេក ក្រុងស្វាយរៀង។ ក្នុងឱកាសនោះ ឯកឧត្តមអភិបាលខេត្ត បានមានប្រសាសន៍ផ្ដាំផ្ញើដល់លោកគ្រូ អ្នកគ្រូ និងសិស្សានុសិស្សទាំងអស់ឲ្យមានការយកចិត្តទុកដាក់ខ្ពស់អំពីបញ្ហាសុខភាព ដោយត្រូវអនុវត្តឲ្យបានខ្ជាប់ខ្ជួននូវវិធានការ "៣ការពារ ៣ កុំ" ជាពិសេសត្រូវចេះការពារខ្លួនឯងរៀងៗខ្លួនពីជំងឺកូវីដ-១៩។ ក្នុងករណីបេីមានអាការមិនស្រួល ឬមានរោគសញ្ញាសង្ស័យ ត្រូវ ប្រញាប់រាយការណ៍ទៅឲ្យលោកគ្រូ អ្នកគ្រូ ដើម្បីយកសំណាកធ្វើតេស្តរកមេរោគកូវីដ-១៩ និងធ្វេីការព្យាបាលឲ្យបានទាន់ពេលវេលា ដេីម្បីទប់ស្កាត់កុំឲ្យឆ្លងរាលរីកដាលទៅអ្នកដទៃទៀត។ គួររម្លឹកថា រដ្ឋបាលខេត្តស្វាយរៀង បានសិក្សា និងវាយតម្លៃពីកម្រិតហានិភ័យដែលអាចរៀបចំបើកសាលាឲ្យសិស្សានុសិស្ស ចូលរៀនឡេីងវិញបាន ចាប់ពីថ្ងៃទី២៧ ខែកញ្ញា ឆ្នាំ២០២១នេះ ក្នុងចំណោម ៦៥សាលា ក្នុងភូមិសាស្ត្រខេត្តស្វាយរៀង ត្រូវបានអនុញ្ញាតឲ្យបេីកដំណេីការចំនួន ៦១សាលា រួមមានអនុវិទ្យាល័យ ៤៧សាលា និងវិទ្យាល័យ ១៤សាលា ក្នុងនោះ៖+ក្រុងស្វាយរៀង ៖ ២សាលា- អនុវិទ្យាល័យ ១សាលា បើកថ្នាក់ទី ៩- វិទ្យាល័យ ១ សាលា បើកថ្នាក់ទី ៩និង១២+ក្រុងបាវិត៖ សរុប ៤សាលា- អនុវិទ្យាល័យ ២សាលា បើកថ្នាក់ទី ៩- វិទ្យាល័យ ២សាលា បើកថ្នាក់ទី ៩និង១២+ស្រុករមាសហែក៖ ១៣សាលា- អនុវិទ្យាល័យ ១២សាលា បើកថ្នាក់ទី ៧ដល់៩- វិទ្យាល័យ ១ សាលា បើកថ្នាក់ទី ៧ដល់១២+ស្រុកស្វាយទាប៖ សរុប ៨សាលា- អនុវិទ្យាល័យ ៦សាលា បើកថ្នាក់ទី ៩- វិទ្យាល័យ ២សាលា បើកថ្នាក់ទី ៩និង១២+ស្រុកកំពង់រោទិ៍៖ សរុប ១១សាលា- អនុវិទ្យាល័យ ៩សាលា បើកថ្នាក់ទី ៩- វិទ្យាល័យ ២សាលា បើកថ្នាក់ទី ៩និង១២+ស្រុកចន្រ្ទា៖ សរុប ៦សាលា- អនុវិទ្យាល័យ ៥សាលា បើកថ្នាក់ទី ៩- វិទ្យាល័យ ១សាលា បើកថ្នាក់ទី ៩និង១២+ស្រុកស្វាយជ្រំ ១៤សាលា- អនុវិទ្យាល័យ ០៩សាលា បើកថ្នាក់ទី ៧ដល់៩- វិទ្យាល័យ ៥សាលា បើកថ្នាក់ទី ៧ដល់១២+ស្រុករំដួល៖ សរុប ៣សាលា- អនុវិទ្យាល័យ ៣សាលា បើកថ្នាក់ទី ៩៕
ព័ត៌មានគួរចាប់អារម្មណ៍
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
កុំភ្លេចចូលរួម! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ()
កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()
វីដែអូ
ចំនួនអ្នកទស្សនា