មណ្ឌលគិរី ÷ នៅព្រឹកថ្ងៃទី ២៩ ខែកញ្ញា ឆ្នាំ ២០២១ លោក ចាន់ រតនា អនុប្រធានស.ស.យ.កខេត្ត និងលោក ស៊ាង សឿនអនុប្រធានប្រចាំការស.ស.យ.កខេត្ត តំណាងលោក ឈឹម កាន ប្រធានស.ស.យ.ក ខេត្ត បានអញ្ជើញចុះសួរសុខទុក្ខនិងនាំយកសម្ភារ ថវិកា ឧបត្ថម្ភដល់ក្រុមការងារស្ម័គ្រចិត្តស.ស.យ.កស្រុក-ឃុំ ដែលបានចូលរួមសម្របសម្រួលក្នុងយុទ្ធនាការចាក់វ៉ាក់សាំងការពារជំងឺកូវីដ-១៩ នៅស្រុកកោះញែក ។ លោក ចាន់ រតនា បានឲ្យដឹងថា ដោយទទួលបានការណែនាំពីលោកប្រធានស.ស.យ.ក ខេត្ត ដើម្បីលើកទឹកចិត្តដល់បងប្អូន សមាជិក សមាជិកា ស.ស.យ.កស្រុក ឃុំ ដែលស្ម័គ្រចិត្តចូលរួមរៀបចំដំណើរការចាក់វ៉ាក់សាំងជូនប្រជាពលរដ្ឋ និងពន្លឿនការងារនេះឱ្យមានប្រសិទ្ធភាពខ្ពស់ ឯកឧត្ដម ហ៊ុន ម៉ានីប្រធានសហភាពសហព័ន្ធយុវជនកម្ពុជា តាមរយៈក្រុមការងារស.ស.យ.កខេត្ត បានឧបត្ថម្ភគាំទ្រដល់សកម្មភាពរបស់យុវជនស.ស.យ.ក ដែលបានលះបង់កំលាំងកាយចិត្ត និងពេលវេលា ដើម្បីចូលរួមសម្របសម្រួលការងារចាក់សាំងជូនប្រជាពលរដ្ឋឲ្យដំណើរការទៅរលូន ដោយការឧបត្ថម្ភនោះរួមមាន÷ ម៉ាស់ចំនួន១០០០ សន្លឹក ស្រោមដៃ២០០គូ ទឹកសុទ្ធ១០យួ ទឹកសុទ្ធហាយតិច ១លីត្រ ៥កេស ទឹកក្រូច ១០យួរ អាល់កុល ៦០លីត្រ ផ្ទាំងបដាផ្សព្បផ្សាយចំនួន ៩ផ្ទាំង និង ថវិកា ២ លានរៀល ៕
ព័ត៌មានគួរចាប់អារម្មណ៍
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()
វីដែអូ
ចំនួនអ្នកទស្សនា