ខេត្តកំពង់ធំ ប្រកាសរកឃើញអ្នកជំងឺកូវីដ ចំនួន២០នាក់ និងជាសះស្បើយ២០នាក់
ខេត្តកំពង់ធំ ៖ រដ្ឋបាលខេត្តកំពង់ធំ បានចេញសេចក្តីប្រកាសព័ត៌មាន បញ្ជាក់ពីការរកឃើញអ្នកវិជ្ជមានជំងឺកូវីដ១៩ ចំនួន ២០នាក់ថ្មីបន្ថែមទៀត តាមរយៈការធ្វើតេស្តរហ័ស នៅថ្ងៃទី០៥ ខែកញ្ញា ឆ្នាំ២០២១ ខណៈអ្នកជាសះស្បើយមានចំនួន២០នាក់ផងដែរ។
ដើម្បីចូលរួមទប់ស្កាត់ការរីករាលដាលនៃជំងឺកូវីដ១៩ បន្ថែមទៀត រដ្ឋបាលខេត្តសូមអំពាវនាវដល់អ្នកដែលធ្លាប់ប្រាស្រ័យទាក់ទងជាមួយអ្នកវិជ្ជមានខាងលើ សូមរួសរាន់ទំនាក់ទំនងទៅអាជ្ញាធរ ឬមណ្ឌលសុខភាពដែលនៅកៀកបំផុតដើម្បីពិនិត្យសុខភាព និងធ្វើចត្តាឡីស័ក រយៈពេល ១៤ថ្ងៃឱ្យបានត្រឹមត្រូវ៕
