ខេត្តក្រចេះបន្តរកឃើញអ្នកវិជ្ជមានកូវីដ-១៩ ចំនួន៧នាក់ថ្មីបន្ថែមទៀត និងជាសះស្បើយចំនួន៧នាក់
ខេត្តក្រចេះ ៖ រដ្ឋបាលខេត្តក្រចេះ នារសៀលថ្ងៃអាទិត្យ ១៣រោច ខែស្រាពណ៍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី០៥ ខែកញ្ញា ឆ្នាំ២០២១ បានចេញសេចក្តីប្រកាសជូនដំណឹងស្តីពីការបន្តរកឃើញអ្នកជំងឺកូវីដ-១៩ ចំនួន៧នាក់ថ្មីបន្ថែមទៀត តាមរយៈការធ្វើតេស្តរហ័ស (Repid Test ) ខណៈក្នុងថ្ងៃដដែលនេះ មានករណីជាសះស្បើយចំនួន០៧នាក់ផងដែរ។
ក្នុងបរិបទនេះ អាជ្ញាធរខេត្តក្រចេះសូមអំពាវនាវចំពោះបងប្អូនដែលបានប្រាស្រ័យទាក់ទងជាមួយអ្នកមានជំងឺកូវីដ-១៩ ដោយផ្ទាល់ និងដោយប្រយោលក្តី សូមអញ្ជើញមកជួបគ្រូពេទ្យ ដើម្បីពិនិត្យសុខភាព និងយកសំណាកធ្វើតេស្តរកមេរោគកូវីដ-១៩ ហើយបន្តធ្វើ ចត្តាឡីស័កឲ្យបានត្រឹមត្រូវតាមការណែនាំរបស់គ្រូពេទ្យ។
ជាថ្មីម្តងទៀត អាជ្ញាធរខេត្តសូមក្រើនរម្លឹកដល់ពុក ម៉ែ បងប្អូនមេត្តាបង្កើនការប្រុងប្រយ័ត្នខ្ពស់ បំផុតអំពីមេរោគចម្លងដ៏កាចសាហាវនេះ ដោយបន្តចូលរួមទាំងអស់គ្នាអនុវត្តន៍វិធានរបស់រាជរដ្ឋាភិបាលឲ្យបានខ្ជាប់ខ្ជួនបំផុតនូវ «៣ការពារ ៣កុំ» និងការណែនាំផ្សេងៗទៀតពីក្រសួងសុខាភិបាល ដើម្បីកាត់ផ្តាច់ខ្សែចម្លងនៃមេរោគដ៏កាចសាហាវនេះ នៅក្នុងសហគមន៍ និងក្នុងគ្រួសារយើង៕
