នៅព្រឹកថ្ងៃទី០៦ ខែកញ្ញា ឆ្នាំ២០២១ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម អមដំណើរដោយឯកឧត្តមអភិបាលរងខេត្ត បានដឹកនាំមន្ត្រីជំនាញ និងអាជ្ញាធរមូលដ្ឋាន អញ្ជើញចុះពិនិត្យមើលទីតាំងថ្មីចំនួន០២កន្លែង សម្រាប់ត្រៀមសាងសង់អាគាររដ្ឋបាលសាលាសង្កាត់កំពង់ចាម និងសាលាសង្កាត់វាលវង់ ក្រុងកំពង់ចាម។ក្នុងឱកាសនៃការចុះពិនិត្យតាំងទាំងពីរកន្លែងខាងលើ ឯកឧត្តម អ៊ុន ចាន់ដា អភិបាលខេត្តកំពង់ចាម បានសម្រេចអនុញ្ញាតឱ្យយកទីតាំងទាំងពីរនេះ ដើម្បីសាងសង់អាគាររដ្ឋបាលសាលាសង្កាត់កំពង់ចាម និងសង្កាត់វាលវង់ នៅឆ្នាំ២០២២ ខាងមុខ។ គួរបញ្ចាក់ថា ដោយសារសាលាសង្កាត់ទាំងពីរកន្លែងខាងលើ បច្ចុប្បន្នពុំទាន់មានអាគាររដ្ឋបាលសមរម្យសម្រាប់បំពេញការងារនៅឡើយ។ រីឯទីធ្លា ក៏តូចចង្អៀត ទើបឯកឧត្តមអភិបាលខេត្ត សម្រេចឱ្យរកទីតាំងថ្មី ដើម្បីធ្វើការសាងសង់អគាររដ្ឋបាលសាលាសង្កាត់ទាំងពីរ ឲ្យស្របទៅតាមស្តង់ដាររបស់ក្រសួងមហាផ្ទៃ ដោយត្រូវចំណាយលើគម្រោងថវិកា របស់រដ្ឋបាលខេត្តកំពង់ចាម ឆ្នាំ២០២២៕
ព័ត៌មានគួរចាប់អារម្មណ៍
អធិការដ្ឋាននគរបាលស្រុកគាស់ក្រឡ បង្ក្រាបករណីក្មេងទំនើងបង្កហិង្សា ឃាត់ខ្លួនចំនួន08នាក់ អនុវត្តតាមច្បាប់ ()
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
វីដែអូ
ចំនួនអ្នកទស្សនា