ខេត្តមណ្ឌលគិរី បន្តរកឃើញអ្នកឆ្លងជំងឺកូវីដ-១៩ ចំនួន២៧នាក់បន្ថែមទៀត
ខេត្តមណ្ឌលគិរី ៖ រដ្ឋបាលខេត្តមណ្ឌលគិរី នាថ្ងៃទី០៨ ខែកញ្ញា ឆ្នាំ២០២១ បានចេញសេចក្តីប្រកាសព័ត៌មានពីការរកឃើញអ្នកជំងឺកូវីដ១៩ ចំនួន ២៧នាក់បន្ថែមទៀត តាមរយៈការធ្វើតេស្តរហ័ស (Rapid Test) ខណៈនៅថ្ងៃដដែលនេះ មានអ្នកជំងឺ១៥៧នាក់បានជាសះស្បើយផងដែរ។
រដ្ឋបាលខេត្តមណ្ឌលគិរី បានឱ្យដឹងថា បច្ចុប្បន្ន អ្នកជំងឺកូវីដទាំង ២៧នាក់នេះ ត្រូវបានបញ្ជូនទៅសម្រាកព្យាបាលនៅមន្ទីពេទ្យបង្អែកខេត្ត និងសម្រាកព្យាបាលតាមស្រុករៀងៗខ្លួន។
ជាមួយគ្នានេះដែរ រដ្ឋបាលខេត្តសូមអំពាវនាវ បង ប្អូន ពុកម៉ែទាំងអស់ដែលបានទំនាក់ទំនង ឬប្រយោលទៅយកសំណាក រកមេរោគ កូវីដ-១៩ តាមការចាត់ចែងរបស់មន្ទីរសុខាភិបាលខេត្ត ហើយធ្វើចត្តាឡីស័កឲ្យបានត្រឹមត្រូវតាមការណែនាំរបស់ក្រុមគ្រូពេទ្យ និងបន្តចូលអនុវត្តឲ្យបានត្រឹមត្រូវនូវវិធានការ របស់រាជរដ្ឋាភិបាល «៣ការពារ ៣កុំ» និងតាមការណែនាំរបស់ក្រសួងសុខាភិបាល៕
