រាជរដ្ឋាភិបាលចេញសេចក្ដីសម្រេចឱ្យមានការប្រឡងជ្រើសរើសនាយទាហានសាជាថ្មីចាប់ពីឆ្នាំ២០២៣នេះទៅ
ភ្នំពេញ ៖ សេចក្ដីសម្រេចរបស់រាជរដ្ឋាភិបាលលេខ ៧៤សសរ បានអនុញ្ញាតឱ្យក្រសួងការពារជាតិ ជ្រើសរើសនិស្សិត សិស្សចំនួន ៦២០នាក់ ចូលបណ្តុះបណ្តាល នាយទាហានសកម្ម ចំនួន២០០នាក់ នៅសាលានាយទាហានសកម្ម និងបណ្តុះបណ្តាលនាយទាហានទ័ពជើងគោក ចំនួន២៥០នាក់ និងនាយទាហានបន្តវេនចំនួន១៧០នាក់ នៅវិទ្យាស្ថានទ័ពជើងគោក ជារៀងរាល់ឆ្នាំ ចាប់ពីឆ្នាំសិក្សា២០២៣នេះតទៅ។
សូមជម្រាបថា ការប្រឡងជ្រើសរើសនាយទាហាន ត្រូវបានអាក់ខានអស់រយៈពេល៣ឆ្នាំ គឺនៅឆ្នាំ២០២០ ឆ្នាំ២០២១ និងឆ្នាំ២០២២ ដោយសារវិបតិ្តសកលជំងឺកូវីដ-១៩៕