ហ្សឺណែវ ៖ សំរាមទ្រង់ទ្រាយធំពីបណ្តាមន្ទីរពេទ្យ COVID-19 ទូទាំងពិភពលោក ក្នុងនោះមានដូចជា ឧបករណ៍ធ្វើតេស្ត, សឺរាំង និងសំបកដបវ៉ាក់សាំងដែលប្រើប្រាស់រួច កំពុងតែបង្កការគំរាមកំហែងដល់បរិស្ថាន និងសុខភាពរបស់មនុស្ស។ នេះបើតាមរបាយការណ៍ថ្មីពីអង្គការសុខភាពពិភពលោក (WHO) ដែលដកស្រង់ចេញផ្សាយដោយ ទីភ្នាក់ងារសារព័ត៌មាន Reuters។របាយការណ៍ដដែលគូសបញ្ជាក់ថា ឧបករណ៍វេជ្ជសាស្ត្រមួយចំនួន អាចមានជាប់នូវមេរោគ COVID-19 ក្រោយប្រើប្រាស់រួច ដែលជាហេតុបង្ខំឲ្យក្រុមការងារសុខាភិបាល ធ្វើការដុតកម្ទេចចោល ដើម្បីបំផ្លាញមេរោគទាំងនោះ។ ទន្ទឹមនោះ WHO ក៏បានព្រមានថា សហគមន៍ក្រីក្រ និងមិនបានចាត់ចែងការគ្រប់គ្រងសំរាមវេជ្ជសាស្ត្រទាំងនេះឲ្យបានត្រឹមត្រូវ នោះនឹងបង្កផលប៉ះពាល់ដល់ខ្យល់់អាកាស និងទឹកប្រើប្រាស់។សូមជម្រាបថា គិតត្រឹមខែវិច្ឆិកា ឆ្នាំ២០២១ ឧបករណ៍ការពារខ្លួន (PPE) ពី COVID-19 យ៉ាងហោចណាស់ ៨៧,០០០តោន ត្រូវបានបញ្ជាទិញនៅទូទាំងពិភពលោក ហើយភាគច្រើននៃរបស់របរទាំងអស់នេះ ត្រូវបានគេជឿជាក់ថា បានក្លាយជាសំរាម។ ចំណែកឧបករណ៍ធ្វើតេស្តរក COVID-19 ប្រមាណ ១៤០លានកំផ្លេ ឬស្មើនឹងទម្រង់ ២,៦០០តោន ក៏ត្រូវបានចាត់ទុកថា បានក្លាយជាសំរាមផងដែរ ខណៈសំបកដបវ៉ាក់សាំងប្រមាណជាង ៨ពាន់លានដូស បានក្លាយសំរាមដែលមានទម្រង់ ១៤៤,០០០តោន៕
ព័ត៌មានគួរចាប់អារម្មណ៍
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()
វីដែអូ
ចំនួនអ្នកទស្សនា