វ៉ាស៊ីនតោន ៖ សហរដ្ឋអាមេរិក បានស្នើឱ្យក្រុមប្រឹក្សាសន្តិសុខអង្គការសហប្រជាជាតិ (UN) បើកកិច្ចប្រជុំបន្ទាន់មួយនៅថ្ងៃព្រហស្បតិ៍ សប្ដាហ៍នេះ ដើម្បីពិភាក្សាអំពីការបាញ់សាកល្បងនូវមីស៊ីលផ្លោងរយៈចម្ងាយមធ្យមរបស់កូរ៉េខាងជើងនាពេលថ្មីៗ នេះ ខណៈកូរ៉េខាងជើងអះអាងថា ខ្លួនបានបាញ់មីស៊ីលផ្លោងរយៈចម្ងាយមធ្យម Hwasong-12 កាលពីថ្ងៃអាទិត្យ ដោយជំរុញឱ្យរដ្ឋមានអាវុធនុយក្លេអ៊ែរអាចបន្តការសាកល្បងរយៈចម្ងាយឆ្ងាយឡើងវិញ។ការបាញ់បង្ហោះមីស៊ីលរបស់កូរ៉េខាងជើង ទាំងអស់សរុបមានចំនួន ៧ លើកមកហើយក្នុងខែ មករានេះ ខណដែលការបាញ់សាកល្បងនូវមីស៊ីលមានទំហំធំបំផុត គឺជាលើកដំបូង ក្រោយខកខានអស់រយៈពេល ៥ ឆ្នាំ ពោលគឺចាប់តាំងពីឆ្នាំ ២០១៧ មក។ដោយឡែក កិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ (UN) ត្រូវបានគេរំពឹងថា នឹងធ្វើឡើងដោយបិទទ្វារ នៅថ្ងៃព្រហស្បតិ៍ ហើយវាអាស្រ័យលើប្រទេសរុស្ស៊ី ដែលជាប្រធានក្រុមប្រឹក្សា សម្រាប់ខែកុម្ភៈ ដើម្បីបញ្ជាក់ពីពេលវេលា និងកាលបរិច្ឆេទនៃកិច្ចប្រជុំនេះផងដែរ។សូមជម្រាបថា ទីក្រុងវ៉ាស៊ីនតោន បាននឹងកំពុងជំរុញឲ្យមានការដាក់ទណ្ឌកម្មកាន់តែតឹងរ៉ឹងប្រឆាំងទីក្រុងព្យុងយ៉ាង ជុំវិញការបាញ់មីស៊ីលនាពេលថ្មីៗនេះ ខណៈដែល កាលពីពាក់កណ្តាលខែ មករា កន្លងទៅ រដ្ឋបាលរបស់លោក Joe Biden បានដាក់ទណ្ឌកម្មជាលក្ខណៈឯកតោភាគីមួយលើជនជាតិកូរ៉េខាងជើង ៥ នាក់ រុស្ស៊ីម្នាក់ និងក្រុមហ៊ុនរុស្ស៊ី ជុំវិញការជួយជ្រោមជ្រែងលើកម្មវិធីសាកល្បងមីស៊ីលរបស់កូរ៉េខាងជើងនេះ៕
ព័ត៌មានគួរចាប់អារម្មណ៍
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()
វីដែអូ
ចំនួនអ្នកទស្សនា