ប៉ារីស ៖ ប្រធានាធិបតីបារាំងលោក Emmanuel Macron បាននិយាយ បន្ទាប់ពីកិច្ចប្រជុំមួយ កាលពីថ្ងៃច័ន្ទ ជាមួយលោក វ្ល៉ាឌីមៀ ពូទីន របស់រុស្ស៊ី ដែលបានស្នើឱ្យមានវឌ្ឍនភាពមួយចំនួននៅក្នុងកិច្ចចរចាថា ប៉ុន្មានថ្ងៃខាងមុខនេះនឹងមានភាពវិជ្ជមានមួយកើតឡើង ជុំវិញវិបត្តិរុស្ស៊ី-អ៊ុយក្រែន។ទន្ទឹមនោះ លោក ពូទីន បាននិយាយថា កិច្ចប្រជុំកំពូលនៅទីក្រុងមូស្គូលើកដំបូង ដែលលោកបាន ធ្វើឡើងជាមួយមេដឹកនាំលោកខាងលិច ចាប់តាំងពីវិមានក្រឹមឡាំង បានចាប់ផ្តើមប្រមូលផ្តុំកងទ័ពនៅជិតប្រទេសជិតខាងនេះ គឺមានសារសំខាន់ ប៉ុន្តែក៏ព្រមានម្តងហើយម្តងទៀតអំពីការគំរាមកំហែងនៃសង្គ្រាម ប្រសិនបើអ៊ុយក្រែន ក្លាយជាសមាជិករបស់អង្គការណាតូ (NATO) នោះ។ប្រទេសរុស្ស៊ី ដែលកំពុងមានឥទ្ធិពលខ្លាំងនៅអឺរ៉ុបក្រោយសង្គ្រាមត្រជាក់ គឺចង់បានការធានាសន្តិសុខដែលរាប់ទាំងការសន្យាមិនដាក់ពង្រាយកងទ័ពមីស៊ីលជិតព្រំដែនរបស់ខ្លួន និងការពង្រីកផ្នែកមួយចំនួនក្រោយហេដ្ឋារចនាសម្ព័ន្ធយោធារបស់អង្គការណាតូ។ជាមួយគ្នានោះ លោកខាងលិច បានតបទៅវិញថា ការទាមទាររបស់រុស្ស៊ីនេះគឺមិនសមស្របនោះទេ ខណដែលខ្លួនកំពុងរៀបចំកិច្ចពិភាក្សាស្ដីពីការគ្រប់គ្រងអាវុធលើរុស្ស៊ី។សូមជម្រាបថា រុស្ស៊ី ដែលកំពុងគ្រប់គ្រងលើតំបន់ គ្រីមៀ ពីអ៊ុយក្រែន តាំងពីឆ្នាំ ២០១៤ បានផ្ដល់ការគាំទ្រដល់ក្រុមបំបែកខ្លួននៅភាគខាងកើតប្រទេស និងដាក់ពង្រាយកម្លាំងទ័ពប្រហែល ១០ ម៉ឺននាក់នៅតាមព្រំដែនជាមួយអ៊ុយក្រែន ខណដែលរុស្ស៊ី នៅតែអះអាងថា ខ្ខ្លួនគ្មានបំណងចង់បង្កឲ្យមានសង្គ្រាមអ្វីនោះឡើយ គឺគ្រាន់តែចង់បាននូវការធានាសន្តិសុខពីអាមេរិក ប៉ុណ្ណោះ៕
ព័ត៌មានគួរចាប់អារម្មណ៍
រដ្ឋមន្រ្តីបរិស្ថាន៖ ការពង្រឹងការគ្រប់គ្រងធនធានធម្មជាតិនិងបរិស្ថានជាអាទិភាពក្នុងគោលនយោបាយរបស់រាជរដ្ឋាភិបាល ()
សម្តេចធិបតី ហ៊ុន ម៉ាណែត៖ អ្នកសារព័ត៌មានបើផ្សាយខុស ត្រូវហ៊ានកែសម្រួល ()
សម្តេចធិបតី អំពាវនាវអ្នកសារព័ត៌មាន កុំធ្វើអ្វីនាំឱ្យបាត់បង់ឥទ្ធិពល នៃអំណាចទី៤ ()
សម្តេចធិបតី អំពាវនាវដល់អ្នកសារព័ត៌មាន ទាំងអស់រួមគ្នាប្រឆាំងព័ត៌មានក្លែងក្លាយ «Fake News» ()
ព្រះចៅស៊ុលតង់ ព្រះមហាក្សត្រប្រ៊ុយណេ យាងចាកចេញពីរាជធានីភ្នំពេញ បន្ទាប់ពីសោយព្រះក្រយាពេលព្រឹក ជាមួយសម្តេចតេជោ ហ៊ុន សែន និងកូនៗ ()
វីដែអូ
ចំនួនអ្នកទស្សនា