កំណត់ត្រាថ្មីទៀតហើយ! វៀតណាមរកឃើញអ្នកឆ្លងកូវីដ១៩ថ្មីៗរហូតដល់៩៨,៧៦២ករណី និងស្លាប់៨៦នាក់ទៀត
ហាណូយ ៖ ក្រសួងសុខាភិបាលវៀតណាមនៅថ្ងៃអង្គារម្សិលមិញបានប្រកាសរកឃើញករណីឆ្លងថ្មីៗ នៃជំងឺកូវីដ១៩ចំនួន៩៨,៧៦២ ករណីបន្ថែមទៀត និងអ្នកស្លាប់ថ្មីដោយសារជំងឺដ៏កាចសាហាវនេះចំនួន៨៦នាក់ទៀតផងដែរ ក្នុងរយៈពេល២៤ម៉ោងចុងក្រោយនេះ។ នេះបើតាមការចេញផ្សាយ ដោយទីភ្នាក់ងារសារពត៌មាន Viet Nam News។
បើតាមក្រសួងសុខាភិបាលវៀតណាមបញ្ជាក់ថា រដ្ឋធានីហាណូយដែលបច្ចុប្បន្នកំពុងប្រែក្លាយជាចំណុចកណ្តាល នៃការផ្ទុះរីករាលដាលជំងឺនេះ មានករណីឆ្លងថ្មីចំនួន១៣,៣២៣ករណី ខណៈហូជីមិញបានរាយការណ៍ ចំនួន២,០២២ករណី។ ចំណែកខេត្តដែលមានករណីឆ្លងច្រើនដែរនោះគឺរួមមានដូចជា ខេត្តQuảng Ninh មានចំនួន៤,០១១ករណី, ខេត្ត Bắc Ninh ៣,៩៣៣ករណី និងខេត្ត Nghệ An ៣,៨៦៤ករណី។
សូមជម្រាបថា គិតត្រឹមថ្ងៃទី០១ ខែមិនា ឆ្នាំ២០២២នេះ វៀតណាមមានករណីឆ្លងកូវីដ-១៩ សរុបទូទាំងប្រទេសចំនួន៣,៥៥៧,៦២៩ នាក់ ក្នុងនោះអ្នកជំងឺជាសះស្បើយចំនួន ២,៤៧៩,៨៨៣នាក់ ចំណែកអ្នកស្លាប់សរុបនៅត្រឹមចំនួន៤០,៣៣៨នាក់
![]()
![]()
![]()