ខេត្តមណ្ឌលគិរី ៖ មន្ទីរសុខាភិបាលនៃរដ្ឋបាលខេត្តមណ្ឌលគិរីសហការជាមួយមជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណកសាស្ត្រ និងអង្គការដៃគូនានា បានប្រារព្ធទិវាជាតិប្រយុទ្ធនឹងជំងឺគ្រុនចាញ់ ក្រោមប្រធានបទ«រួមគ្នាអនុវត្តគន្លងសកម្មភាពថ្មីៗឈានទៅកាត់បន្ថយបន្ទុកជំងឺគ្រុនចាញ់សកល ដើម្បីលើកកម្ពស់សុខុមាលភាព» នៅសាលាស្រុកកែវសីមា ក្រោមមានវត្តមាន លោក យិន សុខឡេង អភិបាលរងស្រុកកែសីមា លោក វេជ្ជបណ្ឌិត ឡេក សុវណ្ណរ័ត្ន តំណាង ប្រធានមន្ទីរសុខាភិបាលខេត្តមណ្ឌលគិរី និងកងកម្លាំងប្រដាប់អាវុធ អង្គការដៃគូនានា រួមទាំងលោកគ្រូអ្នកគ្រូ ប្រជាពលរដ្ឋ និងសិស្សានុសិស្សប្រមាណ២៥០នាក់ ដែលប្រព្រឹត្តទៅនៅសាលាស្រុកកែវសីមា នាព្រឹកថ្ងៃទី២៥ ខែមេសា ឆ្នាំ២០២២។លោក វិជ្ជបណ្ឌិត ឡេក សុវណ្ណរត្ន បានឲ្យដឹងថា ដោយមានការខិតខំប្រឹងប្រែងពីមន្ត្រីជំនាញក្រោមយុទ្ធសាស្ត្ររបស់រាជរដ្ឋាភិបាលនិងក្រសួងសុខាភិបាល ក្នុងការលុបបំបាត់ជំងឺគ្រុនចាញ់ទាំងស្រុងត្រឹមឆ្នាំ២០២៥ឃើញថា ប្រជាពលរដ្ឋមានការយល់ដឹងច្រើន និងបានស្វែងរកសេវាព្យាបាលបានទាន់ពេលវេលា។ អ្វីដែលជាការកត់សម្គាល់ ករណីជំងឺគ្រុនចាញ់ក្នុងឆ្នាំ២០២១កន្លងទៅបានថយចុះ នៅជំងឺប្រភេទគ្រុនចាញ់ P.falciparum ៥៦% បើធៀបឆ្នាំ២០២០ និងP.vivaxកើនឡើង៥៨%។លោកវិជ្ជបណ្ឌិត បន្តថាឆ្នាំ២០២១ ករណីគ្រុនចាញ់បានកើតរាយប៉ាយពេញខេត្តមណ្ឌលគិរី ពិសេសស្រុកកែវសីមាន ដែលមានជំងឺនេះខ្ពស់ជាងគេ កើតលើមនុស្សអាយុចន្លោះពី១៥ទៅ៤៩ឆ្នាំប្រមាណជា៨០%។យោងតាមរបាយការណ៍ក្រសួងសុខាភិបាលកម្ពុជា បានអះអាងថាប្រទេសកម្ពុជាធ្លាប់មានករណីជំងឺគ្រុនចាញ់ជាង១៧ម៉ឺនករណីឈឺ នាទស្សវត្តឆ្នាំ៨០ និងសម្លាប់មនុស្សជិត១ពាន់នាក់។ ឆ្នាំ២០១៨ករណីស្លាប់ដោយជំងឺនេះ លែងមានរហូតដល់បច្ចុប្បន្ន បានន័យថាសម្រចជោគជ័យមុនផែនការឆ្នាំ២០២០។ ឆ្នាំ២០២១ជំងឺគ្រុនចាញ់កើតឡើង៤២៧៩ករណីឈឺ ដែលចំនួនករណីបានបន្តថយចុះ៥៤% បើធៀបឆ្នាំ២០២០ មាន៩២៣៤ករណី។នាពេលកន្លងទៅសម្តេចអគ្គមហាសេនាបតីហ៊ុនសែននាយករដ្ឋមន្ត្រី បានចុះហត្ថលេខាលើអនុក្រិតលេខ១៥៧អនក្រ.បករបស់រាជរដ្ឋាភិបាលកម្ពុជាចុះថ្ងៃទី១៦កញ្ញាឆ្នាំ២០០៩ ស្តីពីទិវាជាតិប្រយុទ្ធប្រឆាំងនឹងជំងឺគ្រុនចាញ់ ថ្ងៃទី២៥ ខែមេសា និងយុទ្ធសាស្ត្រជាតិលុបបំបាត់ជំងឺគ្រុនចាញ់អោយអស់ពីប្រទេសកម្ពុជានៅត្រឹមឆ្នាំ២០២៥ខាងមុខ៕
ព័ត៌មានគួរចាប់អារម្មណ៍
រដ្ឋមន្រ្តីបរិស្ថាន៖ ការពង្រឹងការគ្រប់គ្រងធនធានធម្មជាតិនិងបរិស្ថានជាអាទិភាពក្នុងគោលនយោបាយរបស់រាជរដ្ឋាភិបាល ()
សម្តេចធិបតី ហ៊ុន ម៉ាណែត៖ អ្នកសារព័ត៌មានបើផ្សាយខុស ត្រូវហ៊ានកែសម្រួល ()
សម្តេចធិបតី អំពាវនាវអ្នកសារព័ត៌មាន កុំធ្វើអ្វីនាំឱ្យបាត់បង់ឥទ្ធិពល នៃអំណាចទី៤ ()
សម្តេចធិបតី អំពាវនាវដល់អ្នកសារព័ត៌មាន ទាំងអស់រួមគ្នាប្រឆាំងព័ត៌មានក្លែងក្លាយ «Fake News» ()
ព្រះចៅស៊ុលតង់ ព្រះមហាក្សត្រប្រ៊ុយណេ យាងចាកចេញពីរាជធានីភ្នំពេញ បន្ទាប់ពីសោយព្រះក្រយាពេលព្រឹក ជាមួយសម្តេចតេជោ ហ៊ុន សែន និងកូនៗ ()
វីដែអូ
ចំនួនអ្នកទស្សនា