ក្រុមអ្នកសារព័ត៌មាននាំយកអំណោយទៅចែកជូនគ្រួសារដែលមានជីវភាពខ្វះខាត១គ្រួសារនៅឃុំស្រែខ្ទុម ស្រុកកែវសីមា
ខេត្តមណ្ឌលគិរី ៖ ក្រុមអ្នកសារព័ត៌មានជាច្រើនអង្កភាព និងមន្រ្តីរាជការជំវិញខេត្តនាព្រឹកថ្ងៃទី២៦ ខែឧសភា ឆ្នាំ២០២២នេះ បានយកសម្ភារ និងគ្រឿងបរិភោគមួយចំនួនជូនគ្រួសារដែលមានជីវភាពខ្វះខាត ស្ថិតភូមិអូរណា ឃុំស្រែខ្ទុម ស្រុកកែវសីមា ខេត្តមណ្ឌលគិរី។
កម្មវិធីកម្មវិធីមនុស្សធម៌ត្រូវបានផ្តួចផ្តើមឡើងដោយ លោក ផល្លិត ហៅបូរ៉ា អ្នកសារព័ត៌មាន ភ្នំពេញដេលី ដើម្បីគៀងគររកអំណោយចែលជូនដល់គ្រួសារទីទាល់ក្រជួបទុក្ខលំបាក។ គ្រួសារប្អូនស្រីដែលទទួលអំណោយមាន ឪពុកឈ្មោះ គ្រូវ ទ្រើន, ម្ដាយឈ្មោះ ញ៉េវ សេន មានកូនចំនួន៣នាក់រស់នៅភូមិអូរណា ឃុំស្រែខ្ទុម ស្រុកកែវសីមា ខេត្តមណ្ឌលគិរី។
អំណោយដែលចែកជូនរួមមាន ៖ អង្ករ១ការុង ទម្ងន់៣០គីឡូក្រាម, មី១កេស, ទឹកត្រី១យួរ, ទឹកស៊ីអ៊ីវ ១យួរ, ប្រេងឆា១កាដុង ៥លីត្រ, ប៊ីចេង៥កញ្ចប់ ២.៥.គីឡូ, ស្ករស២គីឡូ, ទឹកផ្លែឈើ១កេស, អំបិល ៥កញ្ចប់ ២.៥គីឡូ, ត្រីខ១យួរ, ទឹកសុទ្ធ១០យួរ។ ចំណែកសម្ភារប្រើប្រាស់រួមមាន ៖ សំពត់២, ខោអាវ ២+១, កន្ទេល១, ម៉ុង២, ភួយ២, ស្បែកជើង២គូ និងស្រោមជើង១ដុំ
ក្នុងឱកាស លោក ផល្លិត ហៅបូរ៉ា បានថ្លែងថា ការធ្វើទានបន្ទាប់បន្សំរបស់សប្បុរសជន បន្ទាប់ពីអាជ្ញាធរ តែងតែយកចិត្តដាក់ជួយឧបត្ថមដល់ជនទីទាល់ក្រ ក្រោមការយកចិត្តទុកដាក់របស់រាជរដ្ឋាភិបាល នាសម័យតេជោ សែន បានធ្វើឲ្យប្រជាពលរដ្ឋកាន់តែយល់ច្បាស់អំពីសកម្មភាពខ្មែរជួយខ្មែរ។
ជាមួយគ្នានេះ លោកក៏បានថ្លែងអំណរគុណដល់សប្បុជននានាសប្បុរសជនទាំងអស់ មិនថាទីជិត ទីឆ្ងាយ ដែលមានទឹកចិត្ត សទ្ធាជ្រះថ្លាចូលរួមធ្វើទានជួយដល់ជនទីទាល់ក្រីក្រ ចាស់ជរាគ្មានទីពឹង ងាយរងគ្រោះ ដែលជាជនជាតិខ្មែរដូចគ្នា៕
