ថ្ងៃច័ន្ទ ទី០៤ ខែកក្កដា ឆ្នាំ២០២២
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
លោក ស សុខា៖ លំហរបេសកកម្មរបស់អង្គការសមាគមនៅកម្ពុជា ពិតជាមានភាពទូលំទូលាយ និងសម្បូរបែប
Wed,08 June 2022 (Time 05:51 PM)
ដោយ ៖ (ចំនួនអ្នកអាន: 67នាក់)

(ភ្នំពេញ)៖ លោក ស សុខា រដ្ឋលេខាធិការក្រសួងអប់រំ យុវជន និងកីឡា និងជាប្រធានកិត្តិយសសមាគមសម្ព័ន្ធសារព័ត៌មានឯករាជ្យ នៅរសៀលថ្ងៃទី៨ ខែមិថុនា ឆ្នាំ២០២២ បានអញ្ជើញជាគណៈអធិបតីក្នុងពិធីចុះអនុស្សរណៈ នៃការយោគយល់គ្នារវាងសមាគមសម្ព័ន្ធសារព័ត៌មានឯករាជ្យ និងអង្គការ សមាគមក្រៅរដ្ឋាភិបាល ចំនួន៩ នៅសណ្ឋាគារ សុខាភ្នំពេញ។

ជាង៣ខែក្រោយក្រសួងមហាផ្ទៃ ប្រកាសទទួលស្គាល់សមាគមសម្ព័ន្ធអ្នកសារព័ត៌មានឯករាជ្យ ហៅកាត់ថា IPA បានឈានដល់ការចុះអនុស្សរណៈនៃការយោគយល់គ្នា ដើម្បីពង្រឹងកិច្ចសហប្រតិបត្តិការជាមួយបណ្ដាអង្គការ និងសមាគមក្រៅរដ្ឋាភិបាលចំនួន៩នៅកម្ពុជា។

នាឱកាសនោះដែរលោក ស សុខា បានថ្លែងថា លំហរបេសកកម្មរបស់អង្គការសមាគមនៅកម្ពុជា ពិតជាមានភាពទូលំទូលាយ និងសម្បូរបែប។ លោករដ្ឋលេខាធិការ ក៏បានសម្ដែងការចាប់អារម្មណ៍ចំពោះសមាគម និងអង្គការក្រៅ រដ្ឋាភិបាលមួយចំនួនជាដៃគូរបស់ IPA ដែលបានធ្វើបេសកម្មពាក់ព័ន្ធនឹងការជំរុញការលើកកម្ពស់វិស័យអប់រំ វិស័យសេដ្ឋកិច្ច និងកសិកម្មជាមួយរាជរដ្ឋាភិបាល។

លោក ទូច វណ្ណៈ ប្រធានសមាគមសម្ព័ន្ធអ្នកសារព័ត៌មានឯករាជ្យ បានឱ្យដឹងថា អង្គការ និងសមាគមដែលចុះអនុស្សារណៈយោគយល់គ្នាជាមួយ IPA នាឱកាសនោះរួមមាន៖ អង្គការលើកកំពស់ជីវភាពកសិករ, សមាគមពិធីករ ពិធីការិនីកម្ពុជា, អង្គការអភិវឌ្ឍកសិកម្មធម្មជាតិកម្ពុជា, សមាគមនិស្សិត សិស្សខេត្តព្រៃវែង, អង្គការវិទ្យាស្ថានសបីអភិវឌ្ឍយុវជន, សមាគមទ្រទ្រង់កសិកម្មធម្មជាតិកម្ពុជា, អង្គការសង្គ្រោះបម្រើក្តីសង្ឃឹមពិភពលោក, អង្គការអភិវឌ្ឍសមត្ថភាពយុវជនកម្ពុជា និងអង្គការត្បូងទទឹមកម្ពុជា។

បើតាមលោក ទូច វណ្ណៈ, អនុស្សរណៈ នៃការយោគយល់គ្នានេះ មានគោលបំណងសហការគ្នាដោយឈរលើស្មារតីភាពជាដៃគូ, ស្វែងរកគម្រោងអភិវឌ្ឍន៍នានាដែលផ្តល់ផលប្រយោជន៍រួម, ចែករំលែកបទពិសោធន៍ ជំនាញវិជ្ជាជីវៈ ធនធានមនុស្សឱ្យគ្នាទៅវិញទៅមក, បំពេញឱ្យគ្នានូវរាល់តម្រូវការចាំបាច់នានាតាមលទ្ធភាព, រក្សាតម្លៃ កិត្តិយស កេរ្តិ៍ឈ្មោះ ផ្លូវច្បាប់ ឱ្យគ្នាទៅវិញទៅមក និងរួមគ្នាធ្វើសកម្មភាពសង្គម មនុស្សធម៌ សាសនា កសិកម្ម អប់រំ កីឡា ដែលជាប្រយោជន៍ដល់ប្រទេសជាតិ។

លោក ស សុខា បានសម្ដែងការកោតសរសើរចំពោះលទ្ធផល នៃការប្រឹងប្រែងរបស់សមាគមសម្ព័ន្ធអ្នកសារព័ត៌មានឯករាជ្យ រហូតឈានដល់ការចុះអនុស្សរណៈនៃការយោគយល់គ្នាជាមួយអង្គការសមាគម ចំនួន៩បន្ថែមទៀត នាថ្ងៃនេះ។ លោកក៏បានថ្លែងអំណរគុណចំពោះអង្គការសមាគមទាំងអស់ រួមទាំងថ្នាក់ដឹកនាំអង្គការសមាគម ដែលបានចូលរួមពង្រឹងសុខសន្តិភាព ស្ថិរភាពជាតិ និងការអភិវឌ្ឍសេដ្ឋកិច្ច និងសង្គម ពិសេសការបង្កាទប់ស្កាត់ការ ឆ្លងរីករាលដាលជំងឺកូវីដ-១៩។

ក្នុងនាមជាប្រធានកិត្តិយសសមាគមសម្ព័ន្ធសារព័ត៌មានឯករាជ្យ លោក ស សុខា បានផ្ដល់អនុសាសន៍ឱ្យភាគីហត្ថលេខី រៀបចំផែនការសកម្មភាព និងកម្មវិធីការងារអោយច្បាស់លាស់ ជាក់លាក់ ដើម្បីងាយស្រួលអនុវត្តការងារ ឱ្យទទួលបានលទ្ធផលតាមការរំពឹងទុក ធានាឱ្យមានធនធានគ្រប់គ្រាន់ ទាំងធនធានមនុស្ស ថវិកា ឧបករណ៍ សម្ភារៈប្រើប្រាស់សំដៅឆ្លើយតបទៅនឹងផែនការសកម្មភាពដែលបានកំណត់។

លោកក៏បានណែនាំឱ្យរៀបចំក្រុមការងារទទួលខុសត្រូវឲ្យបានច្បាស់លាស់ក្នុងការទំនាក់ទំនងផ្តល់ព័ត៌មាន និងធ្វើកិច្ចសហប្រតិបត្តិជាមួយគ្នាឱ្យបានរលូន ឆ្លើយតបទៅនឹងអ្វីដែលដៃគូយើងចង់បាន រៀបចំនិងកំណត់ឱ្យមានការ ប្រជុំផ្លាស់ប្តូរយោបល់ និងវាយតម្លៃទៅលើការអនុវត្តកិច្ចសហប្រតិបត្តិលើអនុស្សរណៈ នៃការយោគយល់គ្នារវាងអង្គការ សមាគម ទាំង១០ អោយបានទៀងទាត់ និងត្រូវបន្តចូលរួមចំណែកឱ្យកាន់តែសកម្មជាមួយរាជរដ្ឋាភិបាល លើកិច្ចការងារសង្គមមនុស្សធម៌ ការលើកកម្ពស់ការងារអប់រំ បរិស្ថាន ធនធានធម្មជាតិ សំដៅបង្កើនការយល់ដឹង និងឈានទៅកាត់បន្ថយភាពក្រីក្រជូនប្រជាពលរដ្ឋ។

សមាគមសម្ព័ន្ធអ្នកសារព័ត៌មានឯករាជ្យ ហៅកាត់ថា IPA ត្រូវបានបង្កើតឡើងដោយក្រុមបញ្ញាវន្តខ្មែរ ពិសេសអ្នកមានជំនាញ និងអាជីពជាអ្នកសារព័ត៌មាន និងត្រូវបានចុះបញ្ជីដោយក្រសួងមហាផ្ទៃ នៅថ្ងៃទី២៤ ខែមីនា ឆ្នាំ២០២២។ IPA ធ្វើសកម្មភាពផ្ដោតសំខាន់លើវិស័យសារព័ត៌មាន ក្នុងគោលបំណងចងក្រងអង្គភាពសារព័ត៌មាននានជាសម្ព័ន្ធ, ស្វែងរក និងការពារផលប្រយោជន៍នានារបស់អង្គភាពសារព័ត៌មានជាសមាជិក, ចូលរួមលើកកម្ពស់ និងផ្សព្វផ្សាយគោលនយោបាយ និសមិទ្ធផលរាជរដ្ឋាភិបាល ព្រមទាំងរដ្ឋបាលថ្នាក់ក្រោមជាតិ, ចូលរួមសកម្មភាពសង្គម មនុស្សធម៌ និងការពារឯករាជ្យ បូរណភាពទឹកដី និងសន្តិភាព។

សមាគមសម្ព័ន្ធសារព័ត៌មានឯករាជ្យមានលោក ស សុខា ជាប្រធានកិត្តិយស និងមានថ្នាក់ដឹកនាំ សមាជិក សមាជិកាគណៈកម្មាធិការប្រតិបត្តិ ចំនួន ១១៨អង្គ/នាក់ មានអង្គភាពសារព័ត៌មានបំពេញបែបបទជាផ្លូវការ ចំនួន៦អង្គភាព ជាសមាជិក និងអង្គភាពសារព័ត៌មាន ចំនួន២៣អង្គភាព មិនទាន់បំពេញបែបបទជាសមាជិក ដោយមានអ្នកសារព័ត៌មានចំនួន៧៨នាក់ ជាសមាជិក ក្រុមហ៊ុន សហគ្រាស៦ ជាដៃគូសហការ និងនៅថ្ងៃនេះ មានអង្គការសមាគម៩ជាដៃគូសហការ៕

ព័ត៌មានគួរចាប់អារម្មណ៍

គណៈកម្មការរៀបចំការបោះឆ្នោតខេត្តមណ្ឌលគិរី រៀបចំសន្និបាតបូកសរុបលទ្ធផលការងារបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៥ ឆ្នាំ២០២២ ()

ព័ត៌មានគួរចាប់អារម្មណ៍

ការអនុម័តលើសំណើគម្រោងសាងសង់ធ្លាក់ចុះ៦.១ភាគរយ គិតត្រឹមត្រីមាសទី១ឆ្នាំនេះ ()

ព័ត៌មានគួរចាប់អារម្មណ៍

ចិន ថា វិបត្តិ​នៅ​អ៊ុយ​ក្រែ​នកាន់តែ​អូសបន្លាយ​អាក្រក់​ទៅៗ ហើយ​គ្មាន​ទីបញ្ចប់​ បើ​កិច្ចចរចា​មិនកើត​ឡើង​ ()

ព័ត៌មានគួរចាប់អារម្មណ៍

រាជរដ្ឋាភិបាលកម្ពុជា កំណត់យកថ្ងៃអាទិត្យ ទី២៣ ខែកក្កដា ឆ្នាំ២០២៣ ជាថ្ងៃបោះឆ្នោតជ្រើសតាំងតំណាងរាស្ត្រ សម្រាប់នីតិកាលទី៧ នៃរដ្ឋសភា ()

ព័ត៌មានគួរចាប់អារម្មណ៍

មន្ត្រីអនុវត្តច្បាប់ និងអ្នកសារព័ត៌មានជួបពិភាក្សាគ្នាដើម្បីយល់ដឹងឱ្យកាន់តែច្បាស់ពីសិទ្ធិ និងច្បាប់ស្តីពីរបបសារព័ត៌មាន ()

វីដែអូ

ចំនួនអ្នកទស្សនា

ថ្ងៃនេះ :
130 នាក់
ម្សិលមិញ :
553 នាក់
សប្តាហ៍នេះ :
4750 នាក់
ខែនេះ :
23809 នាក់
3 ខែនេះ :
69484 នាក់
សរុប :
238075 នាក់