មូស្គូ ៖ ប្រធានាធិបតីរុស្ស៊ីលោក Vladimir Putin និងប្រធានាធិបតីតួកគីលោក Recep Tayyip Erdogan នឹងជួបពិភាក្សាគ្នាអំពីកិច្ចសហប្រតិបត្តិការបច្ចេកទេសយោធានៅ ក្នុងអំឡុងពេលកិច្ចប្រជុំនៅទីក្រុង Sochi ប្រទេសរុស្ស៊ីនាពេលខាងមុខ។ ព័ត៌មាននេះត្រូវបានប្រកាសដោយលេខាធិការសារព័ត៌មានរបស់ប្រមុខរដ្ឋ Dmitry Peskov ខណៈដែលលោកបានឆ្លើយនឹងសំណួរអ្នកសារព័ត៌មានដែលសួរថា តើលោក Putin និង Erdogan បានពិភាក្សាអំពីកិច្ចសហប្រតិបត្តិការជាមួយក្រុមហ៊ុនផលិតយន្តហោះគ្មានមនុស្សបើក Bayraktar ដែរឬទេ។ប្រភពព័ត៌មានដដែលបញ្ជាក់ថាកិច្ចសហប្រតិបត្តិការបច្ចេកទេសយោធារវាងប្រទេសទាំងពីរ ស្ថិតក្នុងរបៀបវារៈជានិច្ច។ លោកបន្តថា ការពិតដែលអន្តរកម្មរបស់យើងកំពុងអភិវឌ្ឍនៅក្នុងតំបន់ដ៏រសើបបែបនេះ បង្ហាញថា ជាទូទៅ ទំនាក់ទំនងរបស់យើងទាំងមូលគឺស្ថិតក្នុងកម្រិតខ្ពស់បំផុត” ។លោក Peskov បានបញ្ជាក់បន្ថែមថា នៅក្នុងទំនាក់ទំនងនាពេលថ្មីៗនេះ រវាងប្រធានាធិបតីទាំងពីរគឺ ប្រធានបទនៃកិច្ចសហប្រតិបត្តិការបច្ចេកទេសយោធាសំខាន់ណាស់ និងនៅក្នុងរបៀបវរជានិច្ច ។ លោកថា ដូច្នេះ ប្រធានបទនៃកិច្ចសហប្រតិបត្តិការបច្ចេកទេសយោធានឹងត្រូវបានពិភាក្សានៅក្នុងទីក្រុង Sochi” ដោយពិតប្រាកដ។ពាក់ព័ន្ធព័ត៌មាននេះ កាលពីមួយថ្ងៃមុន ទូរទស្សន៍ CNN Türk TV បានរាយការណ៍ថា ប្រធានាធិបតីតួកគីបានទទួលសំណើពីរុស្ស៊ី និង UAE សម្រាប់កិច្ចសហប្រតិបត្តិការជាមួយ Bayraktar ផងដែរ៕
ព័ត៌មានគួរចាប់អារម្មណ៍
អ្នកសារព័ត៌មាននៃកាសែត Le Monde បានស្វែងយល់ពីការពិតនៃការគ្រប់គ្រងធនធានធម្មជាតិនិងបរិស្ថាននៅកម្ពុជា ()
សម្តេចតេជោ អនុញ្ញាតឱ្យឯកអគ្គរដ្ឋទូត នៃសាធារណរដ្ឋប្រជាមានិតប្រជាធិបតេយ្យកូរ៉េ ចូលជួបសម្តែងការគួរសម និងពិភាក្សាការងារ ()
សម្តេចមហាបវរធិបតី ហ៊ុន ម៉ាណែត ដឹកនាំគណៈប្រតិភូអញ្ជើញទៅចូលរួមកិច្ចប្រជុំកំពូលអាស៊ាននៅឡាវ នាសប្តាហ៍ក្រោយ ()
ក្រសួងការបរទេសកម្ពុជា ផ្ញើលិខិតផ្លូវការទៅភាគីវៀតណាមនិងឡាវ បញ្ជាក់ពីការបញ្ចប់ការចូលរួមកិច្ចសហប្រតិបត្តិការ CLV-DTA ()
ក្រុមហ៊ុនហុងដា នឹងបន្តពង្រីកការវិនិយោគរបស់ខ្លួន នៅកម្ពុជា ()
វីដែអូ
ចំនួនអ្នកទស្សនា