ថ្ងៃអង្គារ៍ ទី០៤ ខែតុលា ឆ្នាំ២០២២
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
អភិបាលរងខេត្តមណ្ឌលគិរី ៖ ការអភិវឌ្ឍយុវជនគឺជាការងារអាទិភាពក្នុងការអភិវឌ្ឍប្រទេសជាតិ និងកសាងសន្តិភាព
Tue,16 August 2022 (Time 07:24 AM)
ដោយ ៖ (ចំនួនអ្នកអាន: 73នាក់)

ខេត្តមណ្ឌលគិរី ៖ លោក ឈឹម កាន អភិបាលរង នៃគណៈអភិបាលខេត្តមណ្ឌលគិរីបានថ្លែងថា ការអភិវឌ្ឍយុវជនគឺជាការងារអាទិភាពក្នុងការអភិវឌ្ឍប្រទេសជាតិ និងកសាងសន្តិភាព ពីព្រោះយុវជនគឺជា ទំពាំងស្នងឫស្សី ដែលចាំបាច់ត្រូវមានការអភិវឌ្ឍទាំងកាយសម្បទា ចំណេះដឹង បញ្ញាស្មារតីដើម្បីក្លាយខ្លួនជាធនធាន មនុស្សប្រកបដោយគុណវុឌ្ឍក្នុងការចូលរួមចំណែកអភិវឌ្ឍជាតិឱ្យបានរុងរឿង ថ្កើងថ្កាន។

លោកថ្លែងបែបនេះ ក្នុងឱកាសអញ្ជើញជាអធិបតីក្នុងទិវាអន្តរជាតិសម្រាប់យុវជន ១២ សីហា ឆ្នាំ២០២២ ខួបលើកទី២៣ ក្រោមប្រធានបទ ” សាមគ្គីភាពអន្តរជំនាន់ ” នាព្រឹកថ្ងៃទី១៥ ខែសីហា ឆ្នាំ២០២២នេះ។ លោកបញ្ជាក់ថា យុវជនត្រូវតែមានមោទនភាពជាតិ និងខិតខំប្រឹងប្រែងអភិវឌ្ឍសមត្ថភាពខ្លួន និងចូលរួមការងារសង្គមដោយចាប់ផ្តើមចេញពីខ្លួនឯងជាមុន។ ម៉្យាងទៀត យុវជនកម្ពុជា គឺជាធនធានគន្លឹះ និងមានតម្លៃបំផុតសម្រាប់ការចូលរួមអភិវឌ្ឍសេដ្ឋកិច្ច សង្គម វប្បធម៌ បរិស្ថាន និងជាកម្លាំងចលករដ៏សំខាន់ ដើម្បីរក្សាបាននូវកំណើនសេដ្ឋកិច្ចជាតិផ្ទះនៅពេលបច្ចុប្បន្ន និងអនាគត។

លោក ឈឹម កាន អភិបាលរងខេត្ត មានប្រសាសន៍ថា គំនិតផ្តួចផ្តើមដំបូងនៃការប្រារព្ធ ទិវាអន្តរជាតិសម្រាប់យុវជន បានស្នើឡើងនៅឆ្នាំ១៩៩១ ដោយក្រុមយុវជនជួបប្រជុំគ្នា នៅទីក្រុងវីយែន (Vienne) ប្រទេសអូទ្រីស នៅក្នុងសម័យប្រជុំជាលើកដំបូងនៃ “ទិវាយុវជនពិភព លោក” រៀបចំឡើងដោយអង្គការសហប្រជាជាតិ និងបានប្រកាសទទួលស្គាល់ និងគាំទ្រមូលនិធិសម្រាប់យុវជន នៃអង្គការសហប្រជា ជាតិ ព្រមទាំងបង្កើតបានភាពជាដៃគូជាអង្គការអន្តរជាតិសម្រាប់យុវជននានាជុំវិញពិភពលោក។

ជាមួយគ្នានេះ លោក ឈឹម កាន ក៏បានលើកទឹកចិត្តដល់សិស្សានុសិស្ស ត្រូវខិតខំប្រឹងប្រែងរៀនសូត្រ គោរពច្បាប់ចរាចរណ៍ ចេះស្រលាញ់បរិស្ថាន និងជៀសឱ្យឆ្ងាយពីគ្រឿងញៀន ត្រូវធ្វើជាយុវជនគំរូ ជាសិស្សល្អ កូនល្អ ពលរដ្ឋល្អ ត្រូវថែរក្សាសុខភាពឱ្យបានល្អ ពិសេសការពារខ្លួនពីជំងឺកូវីដ១៩ តាមរយៈការអនុវត្តវិធានការការពារ និងការចាក់វ៉ាក់សាំងដុសបន្តបន្ទាប់តាមការណែនាំរបស់ក្រសួងសុខាភិបាល។

លោក ជឿន សារឿន អនុប្រធានមន្ទីរអប់រំយុវជន និងកីឡាខេត្តមណ្ឌលគិរី បានលើកឡើងថា ដើម្បីចូលរួមក្នុងអភិវឌ្ឍធនធានមនុស្សដែលជាស្នូល នៃយុទ្ធសាស្ត្រអភិវឌ្ឍន៍ជាតិ ក្រសួងអប់រំ យុវជន និងកីឡា បាននិងកំពុងអនុវត្តកម្មវិធីកំណែទម្រង់វិស័យអប់រំ ដោយឈរលើមូលដ្ឋាន សរសរស្ដម្ភចំនួន៥ ៖ (១)ការអនុវត្តផែនការសកម្មភាពគោលនយោបាយគ្រូបង្រៀន (២)ការពិនិត្យឡើងវិញនូវកម្មវិធី សិក្សា សៀវភៅសិក្សាគោល និងការកែលម្អបរិស្ថានសិក្សា (៣)ការដាក់ឱ្យអនុវត្តធិការកិច្ច (៤)ការពង្រឹងរង្វាយតម្លៃការ សិក្សា និង(៥)ការកែទម្រង់ឧត្តមសិក្សា។

សូមជម្រាបថា ពិធីមានការចូលរួមពីលោក លោកស្រី ប្រធាន អនុប្រធានមន្ទីរជុំវិញខេត្ត លោកគ្រូ អ្នកគ្រូ សិស្សានុសិស្សជាច្រើននាក់ នៅសាលប្រជុំមន្ទីអប់រំយុវជន និងកីឡាខេត្តមណ្ឌលគិរី៕

ព័ត៌មានគួរចាប់អារម្មណ៍

(ព្រះសីហនុ)សំណង់ផ្ទះអត់ច្បាប់យ៉ាងធំ ធ្វើលើចំណីឆ្នេរសាធារណៈ ក្នុងភូមិបីសង្កាត់មួយក្រុងព្រះសីហនុខេត្ត្តព្រះសីហនុតើចៅសង្កាត់មួយអញ្ញាធរ័អនុញ្ញាតរឺយ៉ាងណាបានជាគ្មានការអន្តរាគមន៍ណាមួយ ()

ព័ត៌មានគួរចាប់អារម្មណ៍

ឯកឧត្តម នូវ សុខភាព ប្រធានសមាគមមូលនិធិគ្រួសារខ្មែរ បានអញ្ជើញចូលរួមពិធីចុះហត្ថលេខា លើកិច្ចព្រមព្រៀងសហការរវាង កម្មវិធីកម្ពុជាផ្ទះទី២ របស់ខ្ញុំ និងគម្រោងឡាវីស្តាវ័ន្ត ()

ព័ត៌មានគួរចាប់អារម្មណ៍

សមិទ្ធផលថ្មីក្នុងខេត្តមណ្ឌលគិរីនឹងចេញជារូបរាងនៅពេលឆាប់ៗ ក្នុងការជួយលើកកម្ពស់សោភណ្ឌភាពឲ្យកាន់តែមានភាពទាក់ទាញ ()

ព័ត៌មានគួរចាប់អារម្មណ៍

អភិបាលរង នៃគណៈអភិបាលខេត្តមណ្ឌលគិរីចំនួន៥រូប ត្រូវបានប្រកាសចូលកាន់មុខតំណែង ()

ព័ត៌មានគួរចាប់អារម្មណ៍

ឯកឧត្តម ថង សាវុន អញ្ជើញជាអធិបតីក្នុងពិធីបិទវគ្គបណ្ដុះបណ្ដាលគ្រូបង្គោលតម្រង់ទិសក្រុមប្រឹក្សាឃុំ-សង្កាត់ថ្មី អាណត្តិទី ៥ ()

វីដែអូ

ចំនួនអ្នកទស្សនា

ថ្ងៃនេះ :
187 នាក់
ម្សិលមិញ :
771 នាក់
សប្តាហ៍នេះ :
3908 នាក់
ខែនេះ :
21825 នាក់
3 ខែនេះ :
68647 នាក់
សរុប :
307920 នាក់