ថ្ងៃអង្គារ៍ ទី០៤ ខែតុលា ឆ្នាំ២០២២
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
សមិទ្ធផលថ្មីក្នុងខេត្តមណ្ឌលគិរីនឹងចេញជារូបរាងនៅពេលឆាប់ៗ ក្នុងការជួយលើកកម្ពស់សោភណ្ឌភាពឲ្យកាន់តែមានភាពទាក់ទាញ
Mon,29 August 2022 (Time 03:23 PM)
ដោយ ៖ (ចំនួនអ្នកអាន: 76នាក់)

ខេត្តមណ្ឌលគិរី ៖ ដើម្បីឲ្យខេត្តមណ្ឌលគិរី ប្រែមុខមាត់ថ្មី នឹងកាន់តែមានភាពទាក់ទាញសម្រាប់ភ្ញៀវទេសចរជាតិ អន្តរជាតិ ដែលមកទស្សនាកំសាន្ត មានការកើនឡើងជារៀងរាល់ឆ្នាំ នាព្រឹកថ្ងៃទី២៨ ខែសីហា ឆ្នាំ២០២២ ឯកឧត្តម ថង សាវុន អភិបាលខេត្តមណ្ឌលគិរី បានអញ្ជើញក្នុងពិធីបើកការដ្ឋាន និងបញ្ចុះបឋមសិលាសាងសង់រង្វង់មូល “រូបសំណាក់ដំរី ” នៅភូមិចំការតែ សង្កាត់ស្ពានមានជ័យ ក្បែរវិមានឯករាជ្យ និងសាងសង់រូបសំណាក់ដំរី ក្រុងសែនមនោរម្យ សូមស្វាគមន៍ ស្ថិតនៅក្រៅក្រុង លើកំណាត់ផ្លូវជាតិលេខ ៧៦A ដើម្បីបញ្ចៀសគ្រោះថ្នាក់ចរាចរណ៍ នឹងលើកកម្ពស់សោភ័ណភាព ជាពិសេស ជាការរំលឹកពីប្រវត្តិសាស្ត្រ របស់បងប្អូនជនជាតិដើមភាគតិច។

ឯកឧត្តម ថង សាវុន អភិបាលខេត្ត បានឲ្យដឹងថា ការសាងសង់រង្វង់មូលរូបសំណាក់ដំរី និងរូបសំណាក់ដំរី ក្រុងសែនមនោរម្យ សូមស្វាគមន៍ នាពេលនេះ ធ្វើឡើងក្នុងគោលបំណង ដើម្បីចូលរួមបង្កើននូវសមិទ្ធផលបន្ថែមរបស់ខេត្តមណ្ឌលគិរី ក្នុងការរៀបចំសណ្ដាប់ ធ្នាប់សាធារណៈ បញ្ចៀសគ្រោះថ្នាក់ចរាចរណ៍ ធានាសុវត្ថិភាព ក្នុងការធ្វើដំណើរ របស់ប្រជាពលរដ្ឋ ក៏ដូចជាភ្ញៀវទេសចរ ជាពិសេស ដើម្បីលើកកម្ពស់សោភ័ណភាព ខេត្តមណ្ឌលគិរី ឲ្យមានការរីកចម្រើន។ ឯកឧត្តមបញ្ជាក់ថា សមិទ្ធផល ដែលនឹងចេញជារូបរាងនាពេលខាងមុខ ពិតជាឆ្លុះបង្ហាញយ៉ាងច្បាស់ ក្រោមការដឹកនាំប្រកបដោយគតិបណ្ឌិតរបស់សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានដឹកនាំឲ្យប្រទេស មានសុខសន្តិភាព និងមានការរីកចម្រើនលើគ្រប់វិស័យ។

ឯកឧត្តម បញ្ជាក់បន្ថែមថា រាជរដ្ឋាភិបាលកម្ពុជា បានកំណត់យកខេត្តមណ្ឌលគិរី ជាតំបន់ប៉ូលសេដ្ឋកិច្ចទី៤ បន្ទាប់ពីរាជធានីភ្នំពេញ តំបន់ឆ្នេរ និងតំបន់សៀបរាប ក្នុងចក្ខុវិស័យនៃផែនការមេ សម្រាប់អភិវឌ្ឍន៍វិស័យទេសចរណ៍ខេត្តមណ្ឌលគិរី។ ទន្ទឹមនោះ ឯកឧត្តម អភិបាលខេត្ត ក៏បានណែនាំ និងជំរុញដល់មន្ទីរអង្គភាព និងវិស័យឯកជន រួមទាំងប្រជាពលរដ្ឋទាំងអស់ ត្រូវចូលរួមសហការគ្នា សាងសង់រង្វង់មូលរូបសំណាក់ដំរី និងរូបសំណាក់ដំរី ក្រុងសែនមនោរម្យ សូមស្វាគមន៍នេះ ឲ្យទទួលបានជោគជ័យ ដើម្បីទុកឲ្យកូនចៅជំនាន់ក្រោយ ហើយចូលរួមសាងសង់ និងអភិវឌ្ឍន៍ខេត្តមណ្ឌលគិរី ឲ្យកាន់តែមានការរីកចម្រើនបន្ថែមទៀត។ បន្ថែមលើសនេះ ក៏សូមឲ្យមន្រ្តីជំនាញទាំងអស់ ត្រូវយកចិត្តទុកដាក់បម្រើសេវាសាធារណៈ ជូនប្រជាពលរដ្ឋប្រកបដោយគុណភាព តម្លាភាព និងប្រសិទ្ធភាព និងបន្តចូលរួមអនុវត្តនូវវិធានការរបស់ក្រសួងសុខាភិបាល ៣កុំ និង៣ការពារ ដើម្បីបង្ការ ទប់ស្កាត់ ការឆ្លងរាលដាលនៃជំងឺកូវីដ-១៩។

សូមបញ្ជាក់ថា ការសាងសង់រង្វង់មូលរូបសំណាក់ដំរីទាំង០២នេះ គឺចំណាយថវិកាសរុបចំនួន៥ម៉ឺនដុល្លារ ដែលជាថវិការបស់ឯកឧត្តម ថង សាវុន អភិបាលខេត្ត និងសប្បុរសជននានា។ ការសាងសង់រង្វង់មូលរូបសំណាក់ដំរី មានទំហំផ្ទៃរង្វង់មូលចំនួន ១២,៦០ ម៉ែត្រ កម្ពស់ដំរី ៦,៦៣ម៉ែត្រ និងកម្ពស់រូបមេទ័ព ៨តឹក និងរូបសំណាក់ដំរី ក្រុងសែនមនោរម្យ សូមស្វាគមន៍ ខឿនមានបណ្តោយ ៧ម៉ែត្រ ទទឹម ៤ម៉ែត្រ កម្ពស់ដំរី ៣,០៦ម៉ែត្រ និងផ្លាក់ទំហំទំហំ១,២៦ម៉ែត្រ និងប្រវែង ៣,៦៩ម៉ែត្រ សាងសង់ដោយក្រុមសិក្សាប្លង់ និងសំណង់ ហង់ ឃីម ។ ហើយការសាងសង់រូបសំណាក់ដំរីទាំងពីរនេះរយៈពេលចំនួន ៤ខែ ដោយគិតចាប់ពីថ្ងៃទី២៨ ខែសីហា ឆ្នាំ២០២២៕

ព័ត៌មានគួរចាប់អារម្មណ៍

(ព្រះសីហនុ)សំណង់ផ្ទះអត់ច្បាប់យ៉ាងធំ ធ្វើលើចំណីឆ្នេរសាធារណៈ ក្នុងភូមិបីសង្កាត់មួយក្រុងព្រះសីហនុខេត្ត្តព្រះសីហនុតើចៅសង្កាត់មួយអញ្ញាធរ័អនុញ្ញាតរឺយ៉ាងណាបានជាគ្មានការអន្តរាគមន៍ណាមួយ ()

ព័ត៌មានគួរចាប់អារម្មណ៍

ឯកឧត្តម នូវ សុខភាព ប្រធានសមាគមមូលនិធិគ្រួសារខ្មែរ បានអញ្ជើញចូលរួមពិធីចុះហត្ថលេខា លើកិច្ចព្រមព្រៀងសហការរវាង កម្មវិធីកម្ពុជាផ្ទះទី២ របស់ខ្ញុំ និងគម្រោងឡាវីស្តាវ័ន្ត ()

ព័ត៌មានគួរចាប់អារម្មណ៍

សមិទ្ធផលថ្មីក្នុងខេត្តមណ្ឌលគិរីនឹងចេញជារូបរាងនៅពេលឆាប់ៗ ក្នុងការជួយលើកកម្ពស់សោភណ្ឌភាពឲ្យកាន់តែមានភាពទាក់ទាញ ()

ព័ត៌មានគួរចាប់អារម្មណ៍

អភិបាលរង នៃគណៈអភិបាលខេត្តមណ្ឌលគិរីចំនួន៥រូប ត្រូវបានប្រកាសចូលកាន់មុខតំណែង ()

ព័ត៌មានគួរចាប់អារម្មណ៍

ឯកឧត្តម ថង សាវុន អញ្ជើញជាអធិបតីក្នុងពិធីបិទវគ្គបណ្ដុះបណ្ដាលគ្រូបង្គោលតម្រង់ទិសក្រុមប្រឹក្សាឃុំ-សង្កាត់ថ្មី អាណត្តិទី ៥ ()

វីដែអូ

ចំនួនអ្នកទស្សនា

ថ្ងៃនេះ :
225 នាក់
ម្សិលមិញ :
771 នាក់
សប្តាហ៍នេះ :
3946 នាក់
ខែនេះ :
21863 នាក់
3 ខែនេះ :
68685 នាក់
សរុប :
307958 នាក់