ថ្ងៃព្រហស្បតិ៍ ទី០៣ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
លោក សាន់ ដារិទ្ធិ ដឹកនាំក្រុមការងារ ចុះពិនិត្យការរៀបចំប្រទីប នៅទំនប់សែនសុខដុម និងទំនប់សែនមនោរម្យ ដើម្បីត្រៀបបណ្តែតនៅក្នុងព្រះរាជពិធីបុណ្យអុំទូក
Thu,23 November 2023 (Time 09:35 PM)
ដោយ ៖ (ចំនួនអ្នកអាន: 186នាក់)

មណ្ឌលគិរី៖ ដោយមានការណែនាំពីឯកឧត្តម អភិបាលខេត្តមណ្ឌលគិរី នាព្រឹកថ្ងៃទី២៣ ខែវិច្ឆិកានេះ លោក សាន់ ដារិទ្ធិ អភិបាលរងខេត្តមណ្ឌលគិរី ដឹកនាំក្រុមការងារចុះពិនិត្យការរៀបចំប្រទីប នៅទំនប់សែនសុខដុម និងទំនប់សែនមនោរម្យ ដើម្បីត្រៀបបណ្តែតនៅក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក រយៈពេល ៣ថ្ងៃ ចាប់ពីថ្ងៃទី២៦ ២៧ ២៨ ខែវិច្ឆិកា ឆ្នាំ២០២៣។
លោក សាន់ ដារិទ្ធិ អភិបាលរងខេត្តមណ្ឌលគិរី បានមានប្រសាសន៍ថា ការរៀបចំបណ្តែតប្រទីបនេះ ជាប្រវត្តសាស្រ្តថ្មី សម្រាប់ខេត្តមណ្ឌលគិរី ដែលឯកឧត្តម ថង សាវុន អភិបាលខេត្ត បានរៀបចំនៅក្នុងព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុកនេះ នៅទំនប់សែនសុខដុម និងទំនប់សែនមនោរម្យ។ លោក បន្ថែមថា ក្នុងព្រឹត្តិការណ៍នោះដែរ រដ្ឋបាលខេត្ត បានសហការជាមួយមន្ទីរអង្គភាព និងកងកម្លាំងប្រដាប់អាវុធទាំងបី រួមទាំងវិស័យឯកជន រៀបចំប្រឡងចម្រៀង យុវជនសំនៀងឯក ប្រឡងសម្រស់បវរនារីឯកវ័យចំណាស់ ការដាក់តាំងពិព័ណ៌ផលិតផលចម្រុះ ការប្រគុំតន្ត្រីរាំលេងកំសាន្ត និងមានព្រឹត្តិការណ៍ជាច្រើនទៀត។ លោក បញ្ជាក់ថា សម្រាប់នៅតាមបណ្តាស្រុក ជាពិសេស ស្រុកកោះញែក ក៏មានការរៀបចំពិធីប្រណាំងទូក ង ខ្នាតតូច លក្ខណៈប្រពៃណី នៅក្នុងព្រះរាជពិធីបុណ្យអុំទូកនោះដែរ ដើម្បីឲ្យប្រជាពលរដ្ឋចូលរួមទស្សនាយ៉ាងសប្បាយរីករាយ។ លោក បន្ថែមថា សម្រាប់ខេត្តមណ្ឌលគិរី បានរៀបចំសន្តិសុខ សណ្តាប់ធ្នាប់ នៅតាមគោលដៅសំខាន់ៗ និងតាមរមណីយដ្ឋាន និងកន្លែងរៀបចំព្រឹត្តិការណ៍ ដើម្បីរក្សា ការពារ សុវត្ថិភាពជូនប្រជាពលរដ្ឋ និងភ្ញៀវទេសចរ។
លោក អភិបាលរងខេត្ត បានសំណូមពរដល់ភ្ញៀវទេសចរ និងប្រជាពលរដ្ឋទាំងអស់ ត្រូវចូលរួមសំអាតអនាម័យបរិស្ថាន ព្រោះទីក្រុងស្អាត ផ្តើមចេញពីយើងទាំងអស់គ្នា ហើយក៏សូមឲ្យយុវជនទាំងអស់ ត្រូវចូលរួមគោរពច្បាប់ចរាចរណ៍ និងចៀសឲ្យផុតពីគ្រឿងឧបាយមុខផ្សេងៗ ជាពិសេស គ្រឿងញៀន៕

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()

ព័ត៌មានគួរចាប់អារម្មណ៍

កុំភ្លេចចូលរួម​! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ​ ()

ព័ត៌មានគួរចាប់អារម្មណ៍

កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()

វីដែអូ

ចំនួនអ្នកទស្សនា

ថ្ងៃនេះ :
885 នាក់
ម្សិលមិញ :
1033 នាក់
សប្តាហ៍នេះ :
4678 នាក់
ខែនេះ :
28136 នាក់
3 ខែនេះ :
112424 នាក់
សរុប :
1093853 នាក់