ម៉ាល់ឌីវ៖ កម្ពុជា និងម៉ាល់ឌីវ ចុះអនុស្សរណៈនៃការយោគយល់គ្នាស្តីពី «ការពង្រឹងកិច្ចសហប្រតិបត្តិការលើវិស័យទេសចរណ៍» ដើម្បីជំរុញផ្នែកវិស័យទេសចរណ៍រវាងប្រទេសទាំងពីរកាន់តែប្រសើរឡើង។នាយករដ្ឋមន្ត្រីកម្ពុជា សម្តេចតេជោ ហ៊ុន សែន បានលើកឡើងក្នុងសន្និសីទសារព័ត៌មានជាមួយប្រធានាធិបតីម៉ាល់ឌីវ នៅថ្ងៃទី១៦ ខែមករា ឆ្នាំ២០២៣ ដូច្នេះថា៖ «ការជំរុញកិច្ចសហប្រតិបត្តិការក្នុងវិស័យទេសចរណ៍ មិនគ្រាន់តែប្រជាជនកម្ពុជាមកកាន់ម៉ាល់ឌីវ ប្រជាជនមកកាន់កម្ពុជាប៉ុណ្ណោះទេ ប៉ុន្តែផ្តោតការយកចិត្តទុកដាក់ទៅលើអ្នកដែលទៅទស្សនកិច្ចនៅកម្ពុជាលើប្រាង្គប្រាសាទនានា ប៉ុន្តែបន្ទាប់ទៅគេអាចទៅម៉ាល់ឌីវដើម្បីងូតទឹក និងលំហែកាយនៅមាត់សមុទ្រ»។សម្តេចតេជោ បានលើកឡើងថា ប្រទេសទាំងពីរនឹងបង្កើតកញ្ចប់ទេសចរណ៍រួមគ្នា ដោយប្រទេសទាំងពីរមានកិច្ចព្រមព្រៀងគ្នាលើការលើកលែងការស្នើសុំទិដ្ឋាការ Visa លើអ្នកកាន់លិខិតឆ្លងដែនការទូត ផ្លូវការ និងធម្មតា។ សម្តេចពិតជាចាប់អារម្មណ៍វិស័យទេសចរណ៍នៅម៉ាល់ឌីវ ក្រោយពីសម្តេចបានទៅដល់ប្រទេសម៉ាល់ឌីវ និងបានសម្រាកលំហែកាយមុជទឹកសមុទ្រដ៏ស្រស់ថ្លាក្នុងប្រទេសមួយនេះ។សម្តេចបានកោតសរសើរដល់ប្រធានាធិបតីម៉ាល់ឌីវដែលបានកសាងប្រទេសមួយនេះឱ្យក្លាយជាមហាសាគរដ៏ទាក់ទាញ។ សម្តេចតេជោ បានថ្លែងដូច្នេះថា៖«នៅម៉ាល់ឌីវជាចំណុចដែលខ្ញុំគួរតែនិយាយថា ជាភាពអស្ចារ្យនៅក្នុងមហាសមុទ្រសាគររបស់មហាសមុទ្រឥណ្ឌា ដែលមានមជ្ឈមណ្ឌលទេសចរណ៍ដ៏គួរឱ្យទាក់ទាញបំផុត»។ក្រៅពីចុះកិច្ច MOU គ្នាលើវិស័យទេសចរណ៍ ប្រទេសទាំងពីរក៏នឹងមានកិច្ចព្រមព្រៀងគ្នាលើផ្នែកសេដ្ឋកិច្ច សុខាភិបាល និងចុះអនុស្សរណៈនៃការយោគយល់គ្នា ស្ដីពីកិច្ចពិគ្រោះយោបល់ទ្វេភាគីរវាង ក្រសួងការបរទេស នៃសាធារណរដ្ឋម៉ាល់ឌីវ ជាមួយក្រសួងការបរទេស និងសហប្រតិបត្តិការអន្តរជាតិនៃកម្ពុជា៕
ព័ត៌មានគួរចាប់អារម្មណ៍
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()
វីដែអូ
ចំនួនអ្នកទស្សនា