KNP

ថ្ងៃសុក្រ ទី២៦ ខែមេសា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

សម្តេចតេជោ ហ៊ុន សែន មានបំណងចង់ឲ្យចៅទាំងអស់ទទួលបានការសិក្សាទាបបំផុតថ្នាក់អនុបណ្ឌិត **|**

សម្តេចតេជោ ហ៊ុន សែន មានបំណងចង់ឲ្យចៅទាំងអស់ទទួលបានការសិក្សាទាបបំផុតថ្នាក់អនុបណ្ឌិត

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានអបអរទៅដល់ចៅស្រីច្បងរបស់សម្ដេចដែលទទួលបានសញ្ញាបត្រថ្នាក់បរិញ្ញាបត្រ។ ជាមួយនឹងការអបអរនេះសម្ដេចក៏បានលើកឡើងផងដែរថា គោលបំណងរបស់សម្ដេច និងសម្ដេចគតិព្រឹទ្ធបណ្ឌិត គឺចង់ឲ្យចៅៗទទួលបានសញ្ញាបត្រទាបបំផុតត្រឹមថ្នាក់អនុបណ្ឌិត។

សម្ដេចតេជោសរសេរនៅលើហ្វេសបុករបស់សម្ដេចដោយអមនូវរូបទទួលសញ្ញាបត្ររបស់ចៅស្រីថា៖ «ថ្ងៃនេះចៅស្រីច្បងទទួលសញ្ញាបត្រថ្នាក់បរិញ្ញាបត្រជាមួយការអបអរសាទរពីជីដូនជីតា និងក្រុមគ្រួសារ។ មិនទាន់ចប់ទេចៅបរិញ្ញាបត្រជាន់ខ្ពស់ (អនុបណ្ឌិត) ទាបបំផុត និងគោលដៅគឺថ្នាក់បណ្ឌិត។ ការចង់បានរបស់ជីដូនជីតាគឺចៅទាំងអស់ត្រូវតែមានបរិញ្ញាបត្រជាន់ខ្ពស់ទាបបំផុត និងថ្នាក់បណ្ឌិតជាគោលដៅខ្ពស់បំផុត។ នេះជាការកំណត់គោលដៅនៃគ្រួសារដែលសាមីខ្លួនចៅម្នាក់ៗ និងឪពុកម្តាយពួកគេត្រូវខិតខំក្រោមការតម្រង់ទឹសពីខ្ញុំផ្ទាល់ដែលជាមេគ្រួសារ»។

សូមជម្រាបថា បច្ចុប្បន្ននាយករដ្ឋមន្ត្រីកម្ពុជា សម្ដេចតេជោ ហ៊ុន សែន មានបុត្រា បុត្រី ចំនួន ៥នាក់ និងមានចៅបង្កើតចំនួន ២២នាក់៕

ព័ត៌មានគួរចាប់អារម្មណ៍

ថ្នាក់ដឹកនាំខេត្តមណ្ឌលគិរី និងសាខាកាកបាទក្រហមកម្ពុជាខេត្តនាំយកសម្ភារ និងថវិកា ចូលរួមរំលែកទុក្ខគ្រួសារសព៤នាក់ ដែលបានស្លាប់ និងរបួស២នាក់ ដោយសារផ្ទុះគ្រាប់មិនទាន់ផ្ទុះ នៅភូមិស្រែអ៊ី ()