ប្រជាពលរដ្ឋរស់នៅភូមិជីក្លប់(កែរពៅ)ចំនួនជាង ៩០ គ្រួសារ បានកើតទុក្ខមិនសុខចិត្ត
មណ្ឌលគីរី នៅឆ្នាំ ២០១១ដែលធ្លាប់អាស្រ័យផលធ្វើស្រែនៅទីនោះ ហើយក៏មានក្រុមបរិស្ថានដេញមិនឲ្យអាស្រ័យផលនៅទីនោះទេ លុះដល់ឆ្នាំ ២០១២ ខាងក្រុមហ៊ុនបានមកចុចយកដីទីនោះ ប្រជាពលរដ្ឋកើតទុក្ខមិនសុខចិត្តក៏ធ្វើការតវ៉ា ហើយខាងក្រុមហ៊ុនក៏បានកាត់ទៅឲ្យប្រជាពលរដ្ឋចំនួន ១៧០ ហិចតា។
និងធ្វើការបែងចែកមួយគ្រួសារបានដីចំនួនកន្លះហិចតាក្បាល ៥០ម បណ្ដោយ១០០ម៉ែត្រ សរុបទាំងអស់ប្រហែល ៥០ ហិត្តា។
ប្រជាពលរដ្ឋបានលើកឡើងថា ដីចំនួន ១៧០ ហិចតាចែកអស់តែ៥០ហិកតាទេ ចុះនៅសល់ ១២០ហិចតាទៀតយកទៅណា..?
តាមការបកស្រាយពីលោក ងើយឃីម មេភូមិជីក្លប់ តាមរយៈទូរស័ព្ចដល់អង្គភាពសារព័ត៌មានយេីងឱ្យដឹងថា
លោកក៏បានរៀបរាប់ដូចដំណើរខាងលើនេះដែរ ហើយក៏បានហៅប្រជាពលរដ្ឋធ្វើការដោះស្រាយរួចម្ដង តែប្រជាពលរដ្ឋមិនសុខចិត្ត ប្រជាពលរដ្ឋបានលើកឡើងថាចែកកន្លែងណាគាត់ត្រូវយកកន្លែងនិងប្រជាពលរដ្ឋនៅភូមិខាងលើ បានយកដីទៅលក់ឱ្យអ្នកផ្សេង គឺដីដែលប្រជាពលរដ្ឋភូមិជីក្លប់កែរពៅ បានទៅឈរតវ៉ា នៅចំណុចឈូសឆាយនេះ លោកមេភូមិបានបន្ត ការដោះស្រាយក្នុងភូមិមិនចប់ ក៏បានបញ្ជូនទៅលោកមេឃុំធ្វើការដោះស្រាយបន្ត រហូតដល់ពេលនេះមិនទាន់បានដោះស្រាយទៀត។
អង្គភាពយើងខ្ញុំបានខលទាក់ទងទៅលោកឆាន ជិន មេឃុំសុខសាន្តទូរសព្ទមិនអាចទំនាក់ទំនងបានទេ។
ប្រជាពលរដ្ឋសូមសំណូមពរ ដល់លោកអភិបាលស្រុកកោះញែកមេត្តាជួយរកយុត្តិធម៌ឲ្យពួកគាត់ផង។
