ភ្នំពេញ៖ សម្តេចតេជោ ហ៊ុន សែន មានប្រសាសន៍ថា គិតត្រឹមថ្ងៃទី២៦ ខែមករា ឆ្នាំ២០២៣នេះ ស៊ីហ្គេម ២០២៣ នៅសល់តែ ៩៩ថ្ងៃទៀតទេ។ កម្ពុជាបានត្រៀមខ្លួនរួចជាស្រេចក្នុងការធ្វើជាម្ចាស់ផ្ទះ នៃព្រឹត្តិការណ៍ការប្រកួត កីឡាអាស៊ីអាគ្នេយ៍លើកទី៣២ ឆ្នាំ២០២៣ (32nd SEA Games) និងអាស៊ានប៉ារ៉ាហ្គេមជាទី១២ (12th ASEAN Para Games)។ក្នុងពិធីប្រគល់សញ្ញាបត្រជូននិស្សិតសាកលវិទ្យាល័យវេស្ទើន ព្រឹកថ្ងៃទី២៦ ខែមករា ឆ្នាំ២០២៣ សម្ដេចតេជោថ្លែងថា សម្ដេចនឹងបន្តរំលឹករាប់ថយក្រោយជាបន្តបន្ទាប់នៅពេលសម្ដេចថ្លែងនៅក្នុងវេទិកាសាធារណៈ។ សម្ដេចថា៖ «ថ្ងៃនេះ៩៩ ថ្ងៃស្អែកពេលខ្ញុំជួបជាមួយនឹងគ្រិស្ដសាសនិក ខ្ញុំនឹងថ្លែងរាប់ថយក្រោយបន្តទៀត»។ការរាប់ថយក្រោយ ១០០ថ្ងៃកាលពីម្សិលមិញក៏មានការជួបជុំប្រតិភូកីឡាកម្ពុជា និងប្រតិភូកីឡាបរទេសមួយចំនួនដែលមកកម្ពុជា ហើយក៏មានការសម្ដែងនៅសិល្បៈនិងផ្ទាំងទស្សនីយភាពជាច្រើនដល់ទាក់ទាញដើម្បីបង្ហាញពីសក្ករានុពលនៃប្រទេសកម្ពុជាក៏ដូចជាកីឡារបស់កម្ពុជាផងដែរ។សូមជម្រាបថា កីឡាស៊ីហ្គេម លើកទី៣២ នៅកម្ពុជា នឹងប្រព្រឹត្ដទៅ ចាប់ពីថ្ងៃទី០៥ ដល់ថ្ងៃទី១៧ ខែឧសភា ឆ្នាំ២០២៣ និងកីឡាអាស៊ានប៉ារ៉ាហ្គេម លើកទី១២ នៅកម្ពុជា ចាប់ផ្ដើមការប្រកួតពីថ្ងៃទី៣-០៩ ខែមិថុនា ឆ្នាំ២០២៣៕
ព័ត៌មានគួរចាប់អារម្មណ៍
រដ្ឋមន្ត្រីក្រសួងព័ត៌មាន ដឹកនាំកិច្ចិភាក្សាលើសេចក្តីព្រាង «ធម្មនុញ្ញវិជ្ជាជីវៈសារព័ត៌មាន» ដែលផ្តោតទៅលើការទទួលខុសត្រូវលើវិជ្ជាជីវៈសារព័ត៌មាន ()
អាជ្ញាធរស្រុកកោះញែក រៀបចំវេទិកាសាធារណៈថ្នាក់ជាតិ ដើម្បីដោះស្រាយបញ្ហាប្រឈម និងតម្រូវការរបស់ប្រជាពលរដ្ឋនៅមូលដ្ឋាន ស្ថិតនៅក្នុងឃុំស្រែហ៊ុយ ()
សម្តេចតេជោ ៖ អ្នកបំផុសព័ត៌មានក្លែងក្លាយ រឿងកាត់ខេត្ត៤ឲ្យវៀតណាម គឺមិនអាចអន់ឱនឲ្យបានទេ ()
សម្តេចតេជោ ៖ ករណីបង្កើតព័ត៌មានក្លែងក្លាយ អំពីការកាត់ខេត្ត៤ឲ្យវៀតណាម គឺបានចាប់ខ្លួន មនុស្ស៣នាក់ហើយ ()
សម្ដេចតេជោស្នើដល់តុលាការឱ្យកាត់ទោសអ្នកដែលប្រឌិតរឿងថាកម្ពុជាកាត់ដីឱ្យវៀតណាមឱ្យដល់កម្រិតអតិប្បរមានៃទោស ()
វីដែអូ
ចំនួនអ្នកទស្សនា