ថ្ងៃព្រហស្បតិ៍ ទី០៣ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
សម្តេចតេជោបញ្ជាឲ្យក្រសួងកសិកម្ម និងអាជ្ញាធរខេត្ត ពិនិត្យមើលឡើងវិញដើម្បីការពារជីវិតផ្សោតទឹកសាប
Mon,02 January 2023 (Time 09:48 AM)
ដោយ ៖ (ចំនួនអ្នកអាន: 268នាក់)

ខេត្តក្រចេះ ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាដល់ក្រសួងកសិកម្ម និងអាជ្ញាធរខេត្តក្រចេះ ស្ទឹងត្រែង រៀបចំធ្វើយ៉ាងណាការពារជីវិតសត្វផ្សោតទឹកសាបពីការគំរាមកំហែង បន្ទាប់ពីឃើញមានសត្វផ្សោតស្លាប់ជាបន្តបន្ទាប់ដោយសារសកម្មភាពរបស់មនុស្ស។

ថ្លែងក្នុងពិធីបើកការដ្ឋានសាងសង់ស្ពានកាត់ទន្លេមេគង្គក្នុងខេត្តក្រចេះ ព្រឹកថ្ងៃទី២ ខែមករា ឆ្នាំ២០២៣ សម្ដេចតេជោ ហ៊ុន សែន បានបញ្ជាឱ្យរៀបចំតំបន់ស្នូលអចិន្ត្រៃយ៍ និងតំបន់ស្នូលមិនអចិន្ត្រៃយ៍ ដោយបោះពោង ដាក់យុថ្កា កំណត់ទីតាំងការពារមិនឱ្យប្រជាជនចូលទៅនេសាទដើម្បីការពារជីវិតសត្វផ្សោតពីការគំរាមកំហែង។ សម្ដេចតេជោថា៖ «ត្រូវតែមានការរៀបរយឱ្យបានល្អ។ ក្រសួងកសិកម្មត្រូវយកចិត្តទុកដាក់រៀបចំធ្វើយ៉ាងមិច អ្នកដែលនៅផ្ទាល់គឺអាជ្ញាធរ ត្រូវធានាសត្វផ្សោតមិនត្រូវបានជាប់មង ឬការរំខានដល់វារកស៊ី»។ ទន្ទឹមនោះ សម្ដេចបានស្នើដល់ពលរដ្ឋត្រូវចូលរួមការពារ និងមិនចូលទៅនេសាទតំបន់ការពារនេះនោះទេ។

គួរឱ្យដឹងដែរថា ត្រឹមតែរយៈពេលមួយសប្ដាហ៍ប៉ុណ្ណោះ ចាប់ពីថ្ងៃទី១៨ ដល់ថ្ងៃទី២៤ ខែធ្នូ សត្វផ្សោតដល់ទៅ ៣ក្បាលបានស្លាប់ ដោយក្នុងនោះសាកសពសត្វផ្សោតឈ្មោលពេញវ័យមួយក្បាល ត្រូវបានគេប្រទះឃើញអណ្តែតតាមទឹកទន្លេ ក្បែរអន្លង់កោះដំបង ត្រង់ទីតាំងព្រំប្រទល់រវាងខេត្តក្រចេះ និងខេត្តស្ទឹងត្រែង កាលពីថ្ងៃទី១៨ធ្នូ និង២ក្បាលទៀតប្រទះឃើញស្លាប់អណ្ដែតតាមទឹកនៅក្នុងខេត្តក្រចេះ ដោយសារតែជាប់មងនេសាទ និងសន្ទូចរនង ដែលសត្វផ្សោតទាំង៣ក្បាលដែលស្លាប់នោះ សុទ្ធតែជាផ្សោតដែលកំពុងពេញវ័យបន្តពូជ។

ការស្លាប់ជាបន្តបន្ទាប់ធ្វើឱ្យមានការអំពាវនាវដើម្បីការពារសត្វដែលជិតផុតពូជប្រភេទនេះ ខណៈ៣ឆ្នាំចុងក្រោយនេះ មានសត្វផ្សោតសរុបចំនួន ២៩ក្បាលបានស្លាប់ ខណៈឆ្នាំ២០២២ សត្វផ្សោតសរុបចំនួន ១១ក្បាលបានស្លាប់បាត់បង់ជីវិត៕

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()

ព័ត៌មានគួរចាប់អារម្មណ៍

កុំភ្លេចចូលរួម​! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ​ ()

ព័ត៌មានគួរចាប់អារម្មណ៍

កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()

វីដែអូ

ចំនួនអ្នកទស្សនា

ថ្ងៃនេះ :
2059 នាក់
ម្សិលមិញ :
1033 នាក់
សប្តាហ៍នេះ :
5852 នាក់
ខែនេះ :
29310 នាក់
3 ខែនេះ :
113598 នាក់
សរុប :
1095027 នាក់