ភ្នំពេញ៖ អតីតអនុប្រធានាធិបតីឥណ្ឌូនេស៊ី និងជាប្រធានកាកបាទក្រហមឥណ្ឌូនេស៊ី ប្រធានធាន CAPDI និងជាប្រធានគណៈកម្មាធិការគ្រប់គ្រងវិហារឥស្លាមឥណ្ឌូនេស៊ី លោក Jusuf Kala បានថ្លែងកោតសរសេរដឹកនាំរបស់រដ្ឋាភិបាលកម្ពុជាដែលនាំឱ្យមានភាពចុះសម្រុងនៃសាសនាទាំងអស់នៅកម្ពុជា។ លោកលើកឡើងបែបនេះក្នុងជំនួបជាមួយនាយករដ្ឋមន្ត្រីសម្ដេចតេជោ ហ៊ុន សែន នៅព្រឹកថ្ងៃទី២៨ ខែមីនា ឆ្នាំ២០២៣នេះ។ក្នុងជំនួបនៅវិមានសន្ដិភាពព្រឹកនេះ លោក Jusuf បានថ្លែងថា លោកបាននាំសាសនិកឥស្លាមជាង ១០០នាក់មកចូលរួមស្រាយបួសនៅកម្ពុជា ហើយអ្វីដែលលោកឃើញគឺបញ្ជាក់ថាកម្ពុជាមានភាពសុខុដុមភាព និងសាមគ្គីភាពយ៉ាងល្អបំផុតរវាងសាសនានៅក្នុងព្រះរាជាណាចក្រកម្ពុជា។ជាការឆ្លើយតបនាយករដ្ឋមន្ត្រីសម្ដេចតេជោ ហ៊ុន សែន បានថ្លែងថាកម្ពុជាបានរៀបចំពិធីស្រាយបួសជារៀងរាល់ឆ្នាំ ហើយសាសនានៅកម្ពុជាគឺមានភាពចុះសម្រុងមិនថាសាសនាព្រះពុទ្ធ គ្រីស្ទាន ឬឥស្លាមនោះទេ។ថ្លែងក្នុងពិធីបុណ្យស្រាយបួសកាលពីយប់ថ្ងៃទី២៧ ខែមីនា ឆ្នាំ២០២៣ សម្ដេចតេជោ ហ៊ុន សែន បានថ្លែងថា គ្រប់ជាតិសាសន៍ និងសាសនានៅកម្ពុជា ត្រូវរួមគ្នាដើម្បីជួយប្រទេសជាតិឱ្យរីកចម្រើន។ សម្ដេចបញ្ជាក់ថា ភាពខុសគ្នានៃសាសនា និងជាតិសាសន៍ មិនជាឧបសគ្គនៅកម្ពុជានោះទេ។ភាពសុខុដុមនៃសាសនានៅកម្ពុជាក៏ទទួលបានការកោតសរសើរពីនាយករដ្ឋមន្ត្រីម៉ាឡេស៊ី Anwar ផងដែរនិងសង្ឃឹមថាប្រទេសដែលកំពុងអនុវត្តន៍នយោបាយរើសអើសជាតិសាសន៍ ពិសេសលោកខាងលិចដែលអះអាងជាប្រទេសប្រជាធិបតេយ្យនិងសិទ្ធិមនុស្សឱ្យមើលពីគំរូនៃភាពដឹកនាំរបស់សម្ដេចតេជោ ហ៊ុន សែន ដែលនាំសន្ដិភាព និងសុខដុមសាសនាក្នុងប្រទេសកម្ពុជា៕
ព័ត៌មានគួរចាប់អារម្មណ៍
រដ្ឋមន្រ្តី ឆាយ ឫទ្ធិសែន ដឹកនាំកិច្ចប្រជុំស្តីពីយុទ្ធសាស្ត្រផ្គត់ផ្គង់ទឹកស្អាត និងអនាម័យនៅជនបទ ដើម្បីកម្ពុជាឈានទៅសម្រេចឱ្យបាន១០០% នៅឆ្នាំ២០៣០ ()
សម្តេចតេជោ ជឿជាក់ថាព្រឹទ្ធសភានឹងដំណើរការល្អបន្ទាប់ពីសម្តេចជួបសន្ទនាជាមួយសមាជិកព្រឹទ្ធសភា មកពីគណបក្សឆន្ទៈខ្មែរ ()
កម្ពុជាអរគុណ សាធារណរដ្ឋកូរ៉េ ចំពោះកិច្ចសហការ យ៉ាងល្អលើវិស័យការងារ ()
ក្រសួងបរិស្ថានគ្រោងបង្កើតរបៀងគោលដៅលំហែបៃតងនៅក្នុងឧទ្យានជាតិព្រះជ័យវរ្ម័ន-នរោត្តម«ភ្នំគូលែន» ()
សម្តេចធិបតី៖ កិច្ចការពារជាតិ ត្រូវធ្វើជាប់ជាប្រចាំ ដែលទាមទារឲ្យយកចិត្តទុកដាក់ លើគុណភាពធនធានមនុស្ស ()
វីដែអូ
ចំនួនអ្នកទស្សនា