ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាអំពាវនាវឱ្យពលរដ្ឋមានការប្រុងប្រយ័ត្នចំពោះបញ្ហាឆបម្រែបម្រួលអាកាសធាតុដែលកំពុងកើតមាន និងសម្តែងការព្រួយបារម្ភដោយមិនដឹងថា បញ្ហានេះអាចបញ្ចប់នៅពេលណានោះទេ។សម្តេចតេជោបានលើកឡើងបែបនេះនៅក្នុងពិធីចែកវិញ្ញាបនបត្រ និងសញ្ញាបត្រជូនដល់សិក្ខាកាម និងនិស្សិតវិទ្យាស្ថានជាតិពាណិជ្ជសាស្ត្រ (NIB) ជាង ៦ពាន់នាក់ នាព្រឹកថ្ងៃទី៣០ ខែមីនា ឆ្នាំ២០២៣។សម្ដេចតេជោ ហ៊ុន សែន មានប្រសាសន៍ថា៖ «ឥឡូវនេះ ពីមួយថ្ងៃទៅមួយថ្ងៃ ការប្រែប្រួលអាកាសធាតុបានធ្វើឱ្យមានការផលប៉ះពាល់ធំទូលាយណាស់»។សម្តេចតេជោក៏បានលើកពីបាតុភូតដែលកើតឡើងនៅខេត្តសៀមរាប មានភ្លៀង និងខ្យល់កន្ត្រាក់បណ្តាលឱ្យមានអ្នកស្លាប់ និងរបួស ខណៈឆ្នាំនេះកម្ពុជាបានជួបប្រទះនឹងទឹកជំនន់ខែប្រាំង ដែលមិនធ្លាប់មានពីមុនមក។សម្ដេចតេជោ ហ៊ុន សែន បានឱ្យដឹងទៀតថា នៅប្រទេសថៃក៏កំពុងតែរងគ្រោះដោយខ្យល់កខ្វក់បោកបក់ទៅលើខេត្តមួយចំនួន ហើយនៅឥណ្ឌាខ្យល់កខ្វក់ក៏កើតមាន រីឯនៅរដ្ឋមួយក្នុងសហអាមេរិកក៏មានខ្យល់គួចកើតឡើងផងដែរ។សម្តេចក៏បានគូសបញ្ចាក់ថា ក្នុងពិភពលោកបញ្ហាប្រែប្រួលអាកាសធាតុគឺជាបញ្ហាធំណាស់ដែលទាមទារឱ្យមានការប្រុងប្រយ័ត្ន ខណៈបញ្ហាបម្រែបម្រួលនេះមិនអាចដឹងថានឹងនាំផលអាក្រក់អ្វីខ្លះនោះទេ៕
ព័ត៌មានគួរចាប់អារម្មណ៍
រដ្ឋមន្ត្រីក្រសួងព័ត៌មាន ដឹកនាំកិច្ចិភាក្សាលើសេចក្តីព្រាង «ធម្មនុញ្ញវិជ្ជាជីវៈសារព័ត៌មាន» ដែលផ្តោតទៅលើការទទួលខុសត្រូវលើវិជ្ជាជីវៈសារព័ត៌មាន ()
អាជ្ញាធរស្រុកកោះញែក រៀបចំវេទិកាសាធារណៈថ្នាក់ជាតិ ដើម្បីដោះស្រាយបញ្ហាប្រឈម និងតម្រូវការរបស់ប្រជាពលរដ្ឋនៅមូលដ្ឋាន ស្ថិតនៅក្នុងឃុំស្រែហ៊ុយ ()
សម្តេចតេជោ ៖ អ្នកបំផុសព័ត៌មានក្លែងក្លាយ រឿងកាត់ខេត្ត៤ឲ្យវៀតណាម គឺមិនអាចអន់ឱនឲ្យបានទេ ()
សម្តេចតេជោ ៖ ករណីបង្កើតព័ត៌មានក្លែងក្លាយ អំពីការកាត់ខេត្ត៤ឲ្យវៀតណាម គឺបានចាប់ខ្លួន មនុស្ស៣នាក់ហើយ ()
សម្ដេចតេជោស្នើដល់តុលាការឱ្យកាត់ទោសអ្នកដែលប្រឌិតរឿងថាកម្ពុជាកាត់ដីឱ្យវៀតណាមឱ្យដល់កម្រិតអតិប្បរមានៃទោស ()
វីដែអូ
ចំនួនអ្នកទស្សនា