ចូលឆ្នាំ ៣ថ្ងៃ ខេត្តបន្ទាយមានជ័យមានភ្ញៀវទេសចរជាង ៦៥ម៉ឺននាក់
ខេត្តបន្ទាយមានជ័យ៖ ក្នុងរយៈពេល ៣ថ្ងៃ នៃពិធីបុណ្យចូលឆ្នាំថ្មីប្រពៃណីជាតិខ្មែរ ប្រជាពលរដ្ឋ ភ្ញៀវទេសចរណ៍ មកចូលរួមលេងកម្សាន្តនៅក្នុងខេត្តបន្ទាយមានជ័យ មានចំនួន ៦៥០ ០១៣នាក់ ក្នុងនោះភ្ញៀវជាតិចំនួន ៦៤៨ ៤៧១នាក់ ភ្ញៀវបរទេសចំនួន ១ ៥៤២នាក់។ នេះបើតាមការបញ្ជាក់របស់ប្រធានមន្ទីរទេសចរណ៍ខេត្តបន្ទាយមានជ័យ លោក ឈឿន សេរីវុធ។
លោកប្រធានមន្ទីរទេសចរណ៍បន្តថា ថ្ងៃទី១៤ ខែមេសា (ថ្ងៃទី១) មានភ្ញៀវទេសចរសរុបចំនួន ១០៨ ៥១៤នាក់ ក្នុងភ្ញៀវជាតិមានចំនួន ១០៨ ១៨៤នាក់ ភ្ញៀវបរទេសចំនួន ៣៣០នាក់ ភាគច្រើនជនជាតិចិន ជនជាតិថៃ ជនជាតិឥណ្ឌូណេស៊ី នៅតំបន់ប៉ោយប៉ែត។
នៅថ្ងៃចូលឆ្នាំទី២ គឺថ្ងៃទី១៥ ខែមេសា មានភ្ញៀវទេសចរសរុបចំនួន ២២០ ៥៧៧នាក់ ភ្ញៀវជាតិមានចំនួន ២២០ ០៤២នាក់ ភ្ញៀវបរទេសចំនួន ៥៣៥នាក់ ភាគច្រើនជនជាតិចិន ជនជាតិថៃ ជនជាតិឥណ្ឌូណេស៊ីនៅតំបន់ប៉ោយប៉ែត។ ចំណែកនៅថ្ងៃចូលឆ្នាំទី៣ គឺថ្ងៃទី១៦ ខែមេសា មានភ្ញៀវទេសចរសរុបចំនួន ៣២០ ៩២២នាក់ ភ្ញៀវជាតិមានចំនួន ៣២០ ២៤៥នាក់ ភ្ញៀវបរទេសចំនួន ៦៧៧នាក់ ភាគច្រើនជនជាតិចិន ជនជាតិថៃ ជនជាតិឥណ្ឌូណេស៊ីនៅតំបន់ប៉ោយប៉ែត។
បើតាមលោក ឈឿន សេរីវុធ បានអះអាងថា ក្នុងរយៈពេល ៣ថ្ងៃ ភ្ញៀវទេសចរមកលេងកម្សាន្តច្រើនជាងគេ គឺនៅសួនមានជ័យ ក្រុងសិរីសោភ័ណ ប្រាសាទបន្ទាយឆ្មារ ស្រុកថ្មពួក ក្រុងប៉ោយប៉ែត រួមនឹងទីតាំងផ្សេងៗទៀត៕
