ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានថ្លែងថា ប្រទេសកម្ពុជាជួបភាពអកុសលដែលផ្ដល់ឱ្យដោយប្រទេសដែលតាំងខ្លួនជាអ្នកប្រជាធិបតេយ្យ តែក៏បានបញ្ហាពីសមត្ថភាពដោះស្រាយរបស់ខ្លួនផងដែរ។ សម្ដេចបញ្ជាក់ថា ទណ្ឌកម្មលើកម្ពុជាគ្មានប្រសិទ្ធភាពនោះទេ តែផ្ដាំថាកុំសាងកំហុសទី៣លើកម្ពុជា។

ថ្លែងក្នុងពិធីចែកសញ្ញាបត្រជូនដល់គរុសិស្សនៃវិទ្យាស្ថានជាតិអប់រំព្រឹកថ្ងៃទី២៥ ខែមេសា ឆ្នាំ២០២៣ នេះ សម្ដេចតេជោ ហ៊ុន សែន បានរម្លឹកថាប្រទេសដែលតាំងខ្លួនជាប្រទេសប្រជាធិបតេយ្យបានសាងកំហុសទី១ លើកម្ពុជាគឺការគាំទ្ររដ្ឋប្រហារទម្លាក់សម្ដេចព្រះ នរោត្តម សីហនុ និងកំហុសទី២ នោះគឺការគាំទ្រខ្មែរក្រហមពីឆ្នាំ១៩៧៩ ដល់ឆ្នាំ១៩៩១ ដោយប្រទេសទាំងនោះមិនដែលបង្ហាញពាក្យ «សុំទោស» ឬ «សោកស្ដាយ» ណាមួយចំពោះប្រជាជនកម្ពុជានោះទេ។

សម្ដេចនាយករដ្ឋមន្ត្រីដែលបានដឹកនាំកម្ពុជាតាំងពីឆ្នាំ១៩៧៩ មកបានលើកឡើងថាកម្ពុជាជួបភាពអកុសលតែបង្ហាញពីសមត្ថភាពដោះស្រាយបញ្ហារបស់កម្ពុជាផងដែរ។ សម្ដេចថា៖ «ទណ្ឌកម្មរបស់ពួកអ្នកឯងគ្មានប្រសិទ្ធភាពទេ មិនអាចរារាំងប្រជាជនកម្ពុជាបានទេ»។

ទោះជាយ៉ាងណាសម្ដេចបានផ្ដាំទៅប្រទេសដែលតាំងខ្លួនជាអ្នកប្រជាធិបតេយ្យទាំងនោះកុំសាងកំហុសទី៣ ដល់កម្ពុជាឱ្យសោះ ព្រោះកម្ពុជាមិនដែលភ្លេចនោះទេ។

សម្តេចពន្យល់ថា កំហុសទី១.ពួកអ្នកឯង បានធ្វើ គឺពួកអ្នកឯងតាំងខ្លួនជា អ្នកប្រជាធិបតេយ្យ ប៉ុន្តែអ្នកឯងបានគាំទ្រខ្មែរក្រហមហើយគាំទ្ររបប លន់ ណុល ធ្វើរដ្ឋប្រហារផ្ដួលរំលំសម្ដេចព្រះនរោត្ត មសីហនុ។ ហើយចង់អ្នកឯងថា ម៉េច គឺវាជារឿងនៅលើមាត់របស់អ្នកឯង។

កំហុសទី២. គឺអ្នកឯងបានគាំទ្រខ្មែរក្រហម តាំងពីឆ្នាំ១៩៧៩ រហូតដល់ឆ្នាំ ១៩៩១ នៅពេលដែលអ្នកឯងដឹងថា ខ្មែរក្រហម បានកាប់សម្លាប់ប្រជាជន កម្ពុជា ។

សម្តេចតេជោ បានបន្តថាៈ “សម្តេចបានដាស់តឿនថា សូមអ្នកឯងកុំធ្វើ​កំហុស ទីបី សម្រាប់ប្រទេសរបស់ខ្ញុំ អ្នកឯងតាំងខ្លួន ជាអ្នកប្រជាធិបតេយ្យ ប៉ុន្តែប្រជាធិប តេយ្យរបស់អ្នកឯង គឺគាំទ្រដល់ប្រហារយោធា, ទី២. គឺគាំទ្រអ្នកដែលសម្លាប់ ប្រជាជនកម្ពុជា ហើយអ្នកឯងថា អ្នកឯងជាប្រទេសប្រជាធិបតេយ្យ និងគោរព សិទ្ធិមនុស្ស ។

សម្តេចតេជោ បានបន្តថាៈ ការរំលឹកចំណុចនេះឡើង គឺចង់បង្ហាញថា វាជារឿងមួយ អកុសលសម្រាប់យើង ក៏ប៉ុន្តែវាក៏បានបង្ហាញអំពី សមត្ថភាពនៃ ការដោះស្រាយរបស់ប្រជាជាតិយើងផងដែរ៕