ថ្ងៃព្រហស្បតិ៍ ទី០៣ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
សម្ដេចតេជោស្វាគមន៍លោក សាម អ៊ីន ចូលរួមជីវភាពជាមួយគណបក្សប្រជាជនកម្ពុជា និងគ្រោងតែងតាំងជារដ្ឋលេខាក្រសួងបរិស្ថាន
Mon,03 April 2023 (Time 08:36 AM)
ដោយ ៖ (ចំនួនអ្នកអាន: 307នាក់)

ភ្នំពេញ៖ ប្រធានគណបក្សប្រជាជនកម្ពុជា សម្ដេចតេជោ ហ៊ុន សែន បានប្រកាសស្វាគមន៍បណ្ឌិត សាម អុីន ស្នើសុំចូលរួមជីវភាពជាមួយគណបក្សប្រជាជនកម្ពុជា។ ការស្វាគមន៍នេះគឺបន្ទាប់ពីលោក សាម អ៉ីន បានផ្ញើលិខិតមួយច្បាប់ស្នើសុំចុះចូលជាមួយនឹងគណបក្សប្រជាជននៅល្ងាចថ្ងៃទី២ ខែមេសា ឆ្នាំ២០២៣នេះ។

សម្ដេចតេជោ ហ៊ុន សែន បានសរសេរនៅលើបណ្ដាញសង្គមរបស់សម្ដេចថា៖ «មុននេះបន្តិចខ្ញុំបានទទួលលិខិតពីបណ្ឌិត សាម អុីន ស្នើសុំចូលរួមជីវភាពជាមួយគណបក្សប្រជាជនកម្ពុជា។ ក្នុងនាមគណបក្សប្រជាជនកម្ពុជាខ្ញុំសូមស្វាគមន៍យ៉ាងកក់ក្តៅចំពោះបណ្ឌិត សាម អុីន ដើម្បីចូលរួមជាមួយគណបក្សប្រជាជនកម្ពុជា។ ក្នុងនាមរាជរដ្ឋាភិបាលខ្ញុំនឹងស្នើសុំព្រះរាជ្យក្រិត្យតែងតាំងបណ្ឌិត សាម អុីន ជារដ្ឋលេខាធិការក្រសួងបរិស្ថានដើម្បីឲ្យស្របតាមជំនាញដែលគាត់មាននិងអាចធ្វើបាន»។

ក្នុងលិខិតស្នើសុំចូលរួមជីវភាពនយោបាយជាមួយគណបក្សប្រជាជនកម្ពុជា លោក សាម អ៉ីន បានលើកឡើងថា ការស្នើសុំរបស់លោកគឺដោយសារលោកបានស្វែងយល់អំពីគោលនយោបាយចតុកោណរបស់រាជរដ្ឋាភិបាលដែលដឹកនាំដោយសម្ដេចជាពិសេស គោលនយោបាយទាក់ទងនឹងការអភិវឌ្ឍប្រកបដោយចីរភាព និងបរិយាបន្ន ទាំងការងារជួយគាំទ្រសហគមន៍ តំបន់ការពារធម្មជាតិ ដែលរួមចំណែក យ៉ាងសំខាន់ដល់កិច្ចការពារធនធានធម្មជាតិ និងការកាត់បន្ថយភាពក្រីក្រនៅតំបន់ជនបទដាច់ស្រយាល បទពិសោធន៍ និងភាពពេញចិត្តលើកិច្ចការទាំងនេះ។

លោកថា៖ «ខ្ញុំបាទមានទឹកចិត្តចង់ចូលរួមជួយការងារក្រសួងបរិស្ថាន ដោយសារខ្ញុំបាទមានជំនាញ ចំណេះដឹង បទពិសោធន៍ និងភាពពេញចិត្តលើកិច្ចការទាំងនេះ»។

សូមជម្រាបថា មុនស្នើសុំចូលបក្សប្រជាជន លោក សាម អ៉ីន មានតួនាទីប្រធានគណៈកម្មាធិការនាយក (ស្តីទី) និងពីសមាជិកភាព គណបក្សប្រជាធិបតេយ្យមូលដ្ឋាន៕

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()

ព័ត៌មានគួរចាប់អារម្មណ៍

កុំភ្លេចចូលរួម​! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ​ ()

ព័ត៌មានគួរចាប់អារម្មណ៍

កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()

វីដែអូ

ចំនួនអ្នកទស្សនា

ថ្ងៃនេះ :
1926 នាក់
ម្សិលមិញ :
1033 នាក់
សប្តាហ៍នេះ :
5719 នាក់
ខែនេះ :
29177 នាក់
3 ខែនេះ :
113465 នាក់
សរុប :
1094894 នាក់