ខេត្តព្រះសីហនុ៖ លោកឧកញ៉ា ទៀ វិចិត្រ ប្រធានគណៈកម្មាធិការគណបក្សមូលដ្ឋាន ភ្នាក់ងារដឹកជញ្ជូនទេសចរណ៍ជលយាន ខេត្តព្រះសីហនុ បានបញ្ជូនអូប័រពេទ្យល្បឿនលឿន ទៅទទួលយកបុរសមួយរូប ដែលមានអាការៈឈឺ ទឹកនោមផ្អែម និង លើសឈាម ស្ថានភាពកំរើកមិនរួច ក្នុងក្រុងកោះរ៉ុង យកមកខេត្តព្រះសីហនុ ដើម្បីសង្គ្រោះបន្ទាន់នៅមន្ទីរពេទ្យនៅព្រឹកថ្ងៃទី២០ ខែឧសភា ឆ្នាំ២០២៣។លោកឧកញ៉ា ទៀ វិចិត្រ បានមានប្រសាសន៍ថា បុរសខាងលើមានឈ្មោះ ថាច់ សាមន្ដ ភេទប្រុស អាយុ៥៩ឆ្នាំ អតីតជានាយរងប៉ុស្តិ៍នគរបាលកោះរ៉ុងសន្លឹម បច្ចុប្បន្ន ជាអនុភូមិកោះរ៉ុងសន្លឹម រស់នៅ ភូមិកោះរ៉ុងសន្លឹម (សារ៉ាសាន់បេ) សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ។បុរសរងគ្រោះ ត្រូវបានលោកឧកញ៉ា រួមនឹងក្រុមការងារ របស់លោកឧកញ៉ា បញ្ជូនតាមអូប័រពេទ្យល្បឿនលឿន មកកាន់កំពង់ផែនៅក្រុងព្រះសីហនុដោយសុវត្ថិភាព នឹងបន្តដឹកតាមរថយន្តសង្គ្រោះក្រមហ៊ុន GTVC របស់លោកឧកញ៉ា យកទៅសង្គ្រោះបន្ទាន់នៅមន្ទីរពេទ្យ ក្នុងខេត្តព្រះសីហនុ។លោកឧកញ៉ាបានឲ្យដឹងបន្តទៀតថា នៅពេលមកដល់មន្ទីរពេទ្យ ក្រុមគ្រូពេទ្យបានព្យាយាមជួយសង្គ្រោះដែរ ប៉ុន្តែគួរឲ្យសោកស្តាយ បុរសរងគ្រោះដោយស្ថានភាពធ្ងន់ធ្ងរពេក ក៏ទទួលមរណភាពទៅ។ក្រុមគ្រូពេទ្យ បានប្រឹងប្រែងអស់ពីលទ្ធភាពហើយ នៅមិនអាចជួយជីវិតជនរងគ្រោះបានឡើយ លោកឧកញ៉ា ទៀ វិចិត្រសោកស្តាយចំពោះអ្នកជំងឺមួយរូប ដែលបានទទួលមរណភាពទៅហើយ បើទោះបីជាក្រុមការងាររបស់លោកឧកញ៉ា ខិតខំដឹកជញ្ជូនយកមកជួយសង្គ្រោះនៅមន្ទីរពេទ្យយ៉ាងណាក៏ដោយហើយលោកឧកញ៉ាក៏សូមចូលរួមរំលែកទុក្ខដ៏ក្រៀមក្រំដល់គ្រួសារនៃសពផងដែរ៕
ព័ត៌មានគួរចាប់អារម្មណ៍
ទំព័រដើម ព័ត៌មានជាតិ ព័ត៏មានអន្តរជាតិ ព័ត៌មានសន្តិសុខសង្គម ព័ត៌មានស៊ើបអង្កេត ព័ត៌មានថ្មីបំផុត ឯកឧត្តម នាយឧត្តមសេនីយ៍ ស ថេត ផ្ញើសារលិខិតគោរពជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសចម្រើនជន្មាយុ **|** ឯកឧត្តម នាយឧត្តមសេនីយ៍ ស ថេត ផ្ញើសារលិខិតគោរពជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសចម្រើនជន្មាយុ ()
សម្តេចមហាបវរធិបតី ហ៊ុន ម៉ាណែត រៀបចំពិធីលៀងសាយភោជន ជូននាយករដ្ឋមន្ត្រីឡាវ និងគណៈប្រតិភូ ()
ឧបនាយករដ្ឋមន្ត្រី ប្រាក់ សុខុន ចែករំលែកបទពិសោធន៍សន្តិភាពរបស់កម្ពុជា ()
ព្រឹកនេះ សម្តេចមហាបវរធិបតី ហ៊ុន ម៉ាណែត អញ្ជើញបើកកិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន ()
សម្តេចបវរធិបតី ហ៊ុន ម៉ាណែត៖ ទឹកដីកម្ពុជា ធ្លាប់ជាវាលមីន ឥឡូវក្លាយជាដីមានជីជាតិ សម្រាប់ធ្វើកសិកម្ម ()
វីដែអូ
ចំនួនអ្នកទស្សនា