ក្រសួងមហាផ្ទៃ តម្រូវឱ្យអង្គការ CPCS បញ្ឈប់ជាបន្ទាន់នូវកិច្ចប្រជុំរបស់ខ្លួន
ភ្នំពេញ៖ ក្រសួងមហាផ្ទៃបានតម្រូវឱ្យអង្គការមជ្ឈមណ្ឌលសិក្សាបណ្តុះបណ្តាលកសាងសន្តិភាព និងដោះស្រាយទំនាស់ (CPCS) បញ្ឈប់ជាបន្ទាន់នូវកិច្ចប្រជុំមួយដែលកំពុងធ្វើនៅខេត្តសៀមរាបដោយថាបានជ្រៀតជ្រែកកិច្ចការផ្ទៃក្នុងរបស់រដ្ឋសមាជិកអាស៊ាន។
ក្នុងលិខិតផ្ញើទៅកាន់ប្រធាន CPCS លោក សុត ថ្ងាយង៉ាម រដ្ឋលេខាធិការក្រសួងមហាផ្ទៃ លោក ប៊ុន ហ៊ុន បានលើកឡើងថាកិច្ចប្រជុំស្ដីពី Review of Current Humanitarian Efforts and Seeking Effective Ways Forward ដែលប្រព្រឹត្តទៅនៅថ្ងៃទី៣០-៣១ ខែឧសភា ឆ្នាំ២០២៣ នៅខេត្តសៀមរាប របស់អង្គការ CPCS អាចជាការជ្រៀតជ្រែកកិច្ចការផ្ទៃក្នុងរបស់រដ្ឋសមាជិកអាស៊ាន ដែលផ្ទុយនឹងធម្មនុញ្ញអាស៊ាន ច្បាប់ស្តីពី សមាគមនិងអង្គការមិនមែនរដ្ឋាភិបាល និងលក្ខន្តិកៈដែលបានតម្កល់ទុកនៅក្រសួងមហាផ្ទៃ។
តម្រូវឱ្យអង្គការ CPCS បញ្ឈប់សកម្មភាពជាបន្ទាន់នូវកិច្ចប្រជុំរបស់ខ្លួន និងព្រមានថាប្រសិនជានៅបន្តកិច្ចប្រជុំនេះក្រសួងនឹងចាត់វិធានការតាមផ្លូវច្បាប់៕
