ខេត្តសៀមរាប៖ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងសហការី នារសៀលថ្ងៃទី១៤ ខែមិថុនា ឆ្នាំ២០២៣ បាននាំយកថវិកាដែលបានពីការរៃអង្គាសពីកម្មវិធីរត់អង្គរសង្ក្រាន្ត និងជិះកង់អង្គរសង្ក្រាន្ត ចំនួន៤១,៨០០,០០០រៀល ជូនមន្ទីរពេទ្យកុមារអង្គរ នៅមន្ទីរពេទ្យកុមារអង្គរ ខេត្តសៀមរាប។កម្មវិធីរត់អង្គរសង្ក្រាន្ត និងជិះកង់អង្គរសង្ក្រាន្ត បានរៀបចំឡើងក្នុងគោលបំណងអបអរសាទរខួប១០ឆ្នាំ នៃព្រឹត្តិការណ៍អង្គរសង្រ្កាន្ត និងកៀគរថវិកាពីសប្បុរសជននានា ឲ្យចូលរួមបរិច្ចាគដល់មន្ទីរពេទ្យកុមារអង្គរ-Angkor Hospital for Children ដែលសកម្មភាពនេះ គឺជាសកម្មភាពមួយក្នុងចំណោមសកម្មភាពមនុស្សធម៌ផ្សេងៗទៀតរបស់ស.ស.យ.ក.ដែលកន្លងមកធ្លាប់បានធ្វើជាច្រើនលើក។ផ្សាភ្ជាប់ជាមួយសកម្មភាពខាងលើ កម្មវិធីមួយនេះក៏បានបំផុសឲ្យប្រជាពលរដ្ឋចូលរួមលេងកីឡាប្រកបដោយសាមគ្គីភាព និងមោទនភាព ក្នុងនាមជាមហាគ្រួសារខ្មែរ រួមទាំងបានផ្តល់ឱកាសដល់អត្តពលិកក្នុងការបង្ហាញទេពកោសល្យ និងសមត្ថភាពបច្ចេកទេសរបស់ពួកគេលើកកម្ពស់ និងលើកស្ទួយអត្តពលិកកម្ពុជាយើងឲ្យកាន់តែមានសក្ដានុពល។សូមជម្រាបជូនថា កម្មវិធីរត់ និងជិះកង់អង្គរសង្ក្រាន្ត បានប្រព្រឹត្តទៅកាលពីថ្ងៃទី៨-៩ ខែមេសា ឆ្នាំ២០២៣កន្លងទៅ ក្រោមកិច្ចសហការរវាងសហភាពសហព័ន្ធយុវជនកម្ពុជា និងសហព័ន្ធកីឡាអត្តពលកម្មកម្ពុជា នៅទីតាំងខាងមុខប្រាសាទអង្គរវត្ត ដោយទទួលបាននូវការចូលរួមយ៉ាងច្រើនកុះករ ពីសំណាក់អនុប្រធាន ស.ស.យ.ក សមាជិក សមាជិកា ស.ស.យ.ក និងសាធារណជនប្រមាណ១,៤០០នាក់៕
ព័ត៌មានគួរចាប់អារម្មណ៍
ក្រសួងជូនដំណឹងស្តីពីការបើកទទួលចុះឈ្មោះស្នើសុំបណ្ណសារព័ត៌មានសម្រាប់ឆ្នាំ២០២៥ និងបញ្ចប់សុពលភាពបណ្ណឆ្នាំ២០២៤ ()
សម្ដេចកិត្ដិព្រឹទ្ធបណ្ឌិត អញ្ជើញសំណេះសំណាល និងចែកអំណោយជូនពលរដ្ឋជាង ១ពាន់ គ្រួសារនៅក្រុងរុនតាឯក ()
សម្ដេចមហាបវរធិបតី ហ៊ុន ម៉ាណែត ទទួលជួបសមាគមឧកញ៉ាកម្ពុជា និងសមាគមអ្នកអភិវឌ្ឍន៍លំនៅដ្ឋានកម្ពុជា ()
ទំព័រដើម ព័ត៌មានជាតិ ព័ត៏មានអន្តរជាតិ ព័ត៌មានសន្តិសុខសង្គម ព័ត៌មានស៊ើបអង្កេត ព័ត៌មានថ្មីបំផុត ឯកឧត្តម នាយឧត្តមសេនីយ៍ ស ថេត ផ្ញើសារលិខិតគោរពជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសចម្រើនជន្មាយុ **|** ឯកឧត្តម នាយឧត្តមសេនីយ៍ ស ថេត ផ្ញើសារលិខិតគោរពជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសចម្រើនជន្មាយុ ()
សម្តេចមហាបវរធិបតី ហ៊ុន ម៉ាណែត រៀបចំពិធីលៀងសាយភោជន ជូននាយករដ្ឋមន្ត្រីឡាវ និងគណៈប្រតិភូ ()
វីដែអូ
ចំនួនអ្នកទស្សនា