ភ្នំពេញ៖ ឯកឧត្តម ហ៊ុន ម៉ានិត នាល្ងាចថ្ងៃទី២៤ ខែមិថុនា ឆ្នាំ២០២៣នេះ បានជួបសំណេះសំណាល និងទទួលទានអាហារសាមគ្គីជាមួយក្រុមការងារយុវជនគណបក្សប្រជាជនកម្ពុជា-បញ្ញវន្តក្មេងវត្ត ដោយបានបញ្ជាក់ថា យើងគ្រប់គ្នានៅទីនេះមានការងារ និងមកពីកន្លែងផ្សេងៗគ្នា តែយើងមានឆន្ទៈតែមួយ មានគោលដៅរួមគ្នា ដើរលើផ្លូវរួមគ្នា ថែរក្សាសុខសន្តិភាព ការពារ ផលប្រយោជន៍ជាតិ និងជំរុញការអភិវឌ្ឍ។ក្រោយមតិស្វាគមន៍របស់លោកបណ្ឌិត ម៉ិញ បានកុសល ប្រធានក្រុមការងារយុវជនគណបក្សប្រជាជនកម្ពុជា បញ្ញវន្តក្មេងវត្ត, ឯកឧត្តម ហ៊ុន ម៉ានិត បានលើកឡើងថា តាមរយៈការដឹកនាំរបស់គណបក្សប្រជាជនកម្ពុជា ប្រជាជនមកពីគ្រប់មជ្ឈដ្ឋាន និងគ្រប់ទិសទី រួមទាំងយុវជន សុទ្ធតែទទួលបានផ្លែផ្កា និងទាញយកផលប្រយោជន៍ពីសុខសន្តិភាព។ឈរលើគោលការណ៍គុណធម៌ សច្ចធម៌ ព្រហ្មវិហារធម៌ សូមកុំជាន់នរណាម្នាក់ ដើម្បីតែផលប្រយោជន៍ផ្ទាល់ខ្លួន។ ជាយុវជនម្នាក់ ត្រូវខំប្រឹងប្រែងដោយខ្លួនឯង បង្កើនសមត្ថភាពរបស់ខ្លួន បង្កើនមិត្តភាព និងសាមគ្គីភាព ចាប់ដៃគ្នា ដើម្បីផលប្រយោជន៍ជាតិ និងសង្គម។ឯកឧត្តមបន្តថា ក្នុងនាមជាយុវជន សូមយើងចងចាំឱ្យច្បាស់ថា នៅពេលដែលយើងគ្រប់គ្នាបានរីកលូតលាស់ទៅមុខហើយនោះ សូមកុំបំភ្លេចអ្នកដែលធ្លាប់ជួយយើង ធ្លាប់ដើរជាមួយយើង រួមសុខរួមទុក្ខ និងបង្ហាត់បង្ហាញផ្លូវឱ្យយើង នៅក្នុងដំណាក់កាលដ៏កម្សត់កម្រ។ក្នុងឱកាសនោះ ឯកឧត្តមបានអរគុណដល់ក្រុមការងារយុវជន គណបក្សប្រជាជនកម្ពុជា-បញ្ញវន្តក្មេងវត្តទាំងអស់ ចំពោះការចូលរួមអនុវត្តគោលនយោបាយ និងមាគ៌ាគណបក្ស ខិតខំប្រឹងប្រែងបម្រើប្រជាពលរដ្ឋតាមរយៈសកម្មភាពមនុស្សធម៌ផ្សេងៗ ហើយតែងតែគាំទ្រ ជឿទុកចិត្ត និងបោះឆ្នោតជូនគណបក្សប្រជាជនកម្ពុជា៕
ព័ត៌មានគួរចាប់អារម្មណ៍
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()
វីដែអូ
ចំនួនអ្នកទស្សនា