ខេត្តកំពត៖ ឯកឧត្តម ម៉ៅ ធនិន អភិបាលខេត្ត បានលើកឡើងថា អតីតយុទ្ធជនមានគុណបំណាច់ដ៏ធំធេងក្នុងការស្វែងរកសុខសន្តិភាពជាមួយសម្តេចតេជោ ហើយពួកគាត់បានលះបង់សាច់ស្រស់ឈាមស្រស់ កាយសម្បទាក្នុងការចូលរួមជាមួយសម្តេចតេជោ ដើម្បីទាមទារយកមកនូវសុខសន្តិភាពជូនជាតិជូនប្រជាជន ដូច្នេះអាជ្ញាធរត្រូវយកចិត្តទុកដាក់បម្រើថែទាំ និងមិនត្រូវភ្លេចគុណពួកគាត់ឡើយ។ថ្លែងក្នុងពិធីជួបសំណេះសំណាលជាមួយអតីតយុទ្ធជន និងអាជ្ញាធរមូលដ្ឋានមកពីឃុំចំនួន៣ គឺតេជោអភិវឌ្ឍន៍ ឃុំត្រពាំងភ្លាំង និងឃុំតាកែន ក្នុងស្រុកឈូក ខេត្តកំពត នាថ្ងៃទី២៥ ខែមិថុនា ឆ្នាំ២០២៣ នៅឃុំតេជោអភិវឌ្ឍន៍ ស្រុកឈូក ខេត្តកំពត។ជាមួយគ្នានវ ឯកឧត្តម ម៉ៅ ធនិន បានគូសបញ្ជាក់ថា អតីតយុទ្ធជនគឺជាអ្នកដែលមានគុណបំណាច់ដ៏ធំធេងក្នុងការចូលរួមជាមួយសម្តេចតេជោ ហ៊ុន សែន ក្នុងការទាមទារយកមកវិញនូវសុខសន្តិភាពពីរបបប្រល័យពូជសាសន៍ ពល ពត។ ហើយក្រោយពីប្រទេសជាតិមានសន្តិភាពពេញលេញ សម្តេចតេជោតែងតែគិតគូជានិច្ចចំពោះគុណបំណាចរបស់ពួកគាត់ ដោយបានផ្តល់នូវអ្វីគ្រប់យ៉ាង ដើម្បីតបស្នងសងគុណដល់អតីតយុទ្ធជនពលី និងពិការ។ឯកឧត្តមអភិបាលខេត្តក៏បានផ្តាំផ្ញើដល់អាជ្ញាធរមូលដ្ឋានក្នុងឃុំទាំង៣ខាងលើ ត្រូវធ្វើយ៉ាងណាយកចិត្តទុកដាក់បម្រើអតីតយុទ្ធជនឱ្យអស់ពីលទ្ធភាព ត្រូវស្គាល់សុខ ស្គាល់ទុក្ខ របស់ពួកគាត់។ ក្នុងនាមជាអ្នកមានតួនាទី ដែលរាជរដ្ឋាភិបាល គណបក្សបានផ្តល់ឱ្យ គឺយើងត្រូវតែបំរើពលរដ្ឋដោយមានទំនួលខុសត្រូវ ស្គាល់ខុស ស្គាល់ត្រូវ មានសីលធម៌ល្អ ហើយរួមសុខទុក្ខជាមួយប្រជាពលរដ្ឋ។សូមបញ្ជាក់ថា នេះជាលើកទី៣ហើយ ដែលលោកអភិបាលខេត្តកំពតបានចុះមកជួបសំណេះសំណាលជាមួយអតីតយុទ្ធជនក្នុងស្រុកឈូក ដែលមានអតីតយុទ្ធជនចូលរួមប្រមាណជាង៨០០នាក់។ ក្នុងពិធីនេះដែរ លោកអភិបាលខេត្តក៏បាននាំយកអំណោយរបស់សម្តេចតេជោ ហ៊ុន សែន នាយករដ្ឋមន្ត្រី ផ្តល់ជូនដល់អតីតយុទ្ធជនដែលបានចូលរួម ក្នុងម្នាក់ៗទទួលបានអង្ករ៥០គីឡូក្រាម មី១កេស ត្រីខ១យួរ ទឹកត្រី១យួរ និងសារុង១ផងដែរ៕
ព័ត៌មានគួរចាប់អារម្មណ៍
ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()
ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()
ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()
ឧត្តមសេនីយ៍ទោ ឡោ សុខា អញ្ជើញដឹកនាំកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តមណ្ឌលគិរី ()
ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()
វីដែអូ
ចំនួនអ្នកទស្សនា