ថ្ងៃព្រហស្បតិ៍ ទី០៣ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
ឆ្នាំទស្សនាកម្ពុជា២០២៣ ខេត្តកែបយកប្រធានបទ កែបឋានសួគ៌លម្ហែ ដើម្បីកៀរគរអ្នកទេសចរ
Tue,27 June 2023 (Time 01:10 PM)
ដោយ ៖ (ចំនួនអ្នកអាន: 224នាក់)

ខេត្តកែប ៖ ជាមួយការដង្ហែក្បួននៅជុំវិញទីក្រុងកែប ដែលមានមនុស្សប្រមាណជាង១,០០០នាក់ បានចូលរួម ក្នុងការផ្សព្វផ្សាយពាក្យស្លោក “កែបឋានសួគ៌លម្ហែ” (KEP THE PARADISE) ក្នុងយុទ្ធនាការ ឆ្នាំទស្សនាកម្ពុជា ២០២៣ ដើម្បីធ្វើឲ្យមានការចាប់អារម្មណ៍ទាក់ទាញសមាណចិត្តភ្ញៀវទេសចរជាតិ និងបរទេស ចូលមកសម្រាកលម្ហែកម្សាន្តមកខេត្តកែបកាន់តែច្រើនថែមទៀត។ ពិធីនេះបានប្រព្រឹត្តទៅរយៈពេលកន្លះថ្ងៃ នាថ្ងៃទី២៦ ខែមិថុនា ឆ្នាំ២០២៣។

ឯកឧត្តមបណ្ឌិត សោម ពិសិដ្ឋ អភិបាលខេត្តកែប បានឲ្យដឹងថា ឆ្នាំទស្សនាកម្ពុជា២០២៣ នេះ ជាយុទ្ធនាការថ្នាក់ជាតិដែលរៀបចំដោយរាជរដ្ឋាភិបាល តាមរយៈក្រសួងទេសចរណ៍ ក្នុងគោលដៅដើម្បីបង្កើនការផ្សព្វផ្សាយទេសចរណ៍ និងលើកកម្ពស់កិត្តិនាមរបស់កម្ពុជា ក្នុងនោះដើម្បីជំរុញវិសាលភាពវិស័យទេសចរណ៍ខេត្តកែបឲ្យកាន់តែទាក់ទាញទៀតនោះ រដ្ឋបាលខេត្តបានជំរុញនិងបំផុសចលនាមហាជនឲ្យចូលរួម ដើម្បីបង្កើតបរិយាកាសសប្បាយរីករាយផង និងដើម្បីបញ្រ្ជាបការយល់ដឹងពីយុទ្ធនាការនេះផង។

ឯកឧត្តមបញ្ជាក់ថា ការរៀបចំឲ្យមានឡើងនូវព្រឹត្តិការណ៍នេះ ចង់បំផុសមនុស្សគ្រប់រូបតាំងពីកុមារដល់មនុស្សពេញវ័យ អោយយល់ដឹងពីសារៈសំខាន់នៃភាពជាម្ចាស់ផ្ទះ ក្នុងការទាក់ទាញបាននូវភ្ញៀវទេសចរ កាលណាពលរដ្ឋរស់នៅស្អាតមានអនាម័យ នាំឲ្យមានភូមិស្អាត ស្រុកស្អាត ខេត្តស្អាត ជាហេតុធ្វើឲ្យភ្ញៀវទេសចរមកលេងច្រើន នាំប្រាក់ចំណូលឲ្យពលរដ្ឋក្នុងមូលដ្ឋាននោះវិញ។

តាមរយៈយុទ្ធនាការនេះ ឯកឧត្តម អំពាវនាវអោយបងប្អូនដែលអញ្ជើញមកលេងខេត្តកែប សូមចូលរួមបន្តវេចខ្ចប់ទុកដាក់កាកសំណល់អោយបានល្អ ដើម្បីបន្តភាពស្អាតរបស់ខេត្ត ក្រោយតែពីការខិតខំរបស់អាជ្ញាធរក្នុងការកែលម្អ បង្កើនសោភ័ណ្ឌភាពនៅតាមទីតាំងរមណីយដ្ឋាននានានៅទូទាំងខេត្តកែប។

គួរបញ្ជាក់ថា ខេត្តកែបត្រូវបានរាជរដ្ឋាភិបាលកំណត់យកជាគោលដៅទេសចរណ៍ឆ្នេរសមុទ្រធម្មជាតិសម្រាក កម្សាន្តបែបប្រណីតកម្រិតខ្ពស់ ប្រកបដោយសុវត្ថិភាព ភាពទាក់ទាញ និងភាពប្រកួតប្រជែងខ្ពស់លើឆាកអន្តរជាតិ នៅក្នុងសេចក្ដីព្រាងផែនការមេសម្រាប់ការអភិវឌ្ឍវិស័យទេសចរណ៍ខេត្តកែប ឆ្នាំ២០២៣-២០៣៥។ ក្នុងនោះខេត្តកែបក៏តែងទទួលបាននូវពានរង្វាន់នានា ដែលជាប់ជាខេត្តដែលមានខ្យល់ស្អាត ទឹកស្អាត ដីស្អាត ផងដែរ៕

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()

ព័ត៌មានគួរចាប់អារម្មណ៍

កុំភ្លេចចូលរួម​! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ​ ()

ព័ត៌មានគួរចាប់អារម្មណ៍

កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()

វីដែអូ

ចំនួនអ្នកទស្សនា

ថ្ងៃនេះ :
1541 នាក់
ម្សិលមិញ :
1033 នាក់
សប្តាហ៍នេះ :
5334 នាក់
ខែនេះ :
28792 នាក់
3 ខែនេះ :
113080 នាក់
សរុប :
1094509 នាក់