ថ្ងៃព្រហស្បតិ៍ ទី០៣ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
ព្រះមហាក្សត្រយាងសួរសុខទុក្ខ និងប្រោសព្រះរាជទានព្រះរាជអំណោយ ជូនបងប្អូនប្រជាកសិករ ចំនួន ៤១០គ្រួសារ នៅក្នុងខេត្តក្រចេះ
Tue,27 June 2023 (Time 01:12 PM)
ដោយ ៖ (ចំនួនអ្នកអាន: 258នាក់)

ខេត្តក្រចេះ៖ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យស្តេចយាងសួរសុខទុក្ខ និងប្រោសព្រះរាជទានព្រះរាជអំណោយ ជូនបងប្អូនប្រជាកសិករដែលមានជីវភាពទីទ័លក្រ និងជនជាតិដើមភាគតិចមាន ខ្មែរ គួយ ព្នង ឌោញ រស់នៅភូមិទ្រាប និងភូមិសណ្តាយ ឃុំថ្មី ស្រុកចិត្របុរី ខេត្តក្រចេះ នាព្រឹកថ្ងៃទី២៦ ខែមិថុនា ឆ្នាំ២០២៣។

ពិធីនេះ មានការចូលរួមពីសំណាក់ ថ្នាក់ដឹកនាំខេត្ត ក្នុងមាន ឯកឧត្តម ហឿ សុីយ៉ែម ប្រធានក្រុមប្រឹក្សាខេត្ត, ឯកឧត្តម វ៉ា ថន អភិបាលនៃគណៈអភិបាលខេត្តក្រចេះ , លោក មេបញ្ជាការ មេបញ្ជាការរងនៃកងកម្លាំងទាំងបីប្រភេទរួមនិង លោក លោកស្រី ជាអភិបាលរងនៃគណៈអភិបាលខេត្ត និងមន្រ្តីរាជការនៃសាលាខេត្ត ព្រមទាំងប្រជាពលរដ្ឋ ជាង៥០០នាក់ ។

ក្នុងឱកាសនោះ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា បានមានព្រះរាជបន្ទូលកោតសរសើរជាខ្លាំង​ចំពោះការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា។

ក្នុងព្រះរាជដំណើរយាងសួរសុខទុក្ខប្រជាពលរដ្ឋនៅខេត្តក្រចេះ នាព្រឹកថ្ងៃទី២៦ ខែមិថុនា ឆ្នាំ២០២៣នេះ ព្រះករុណាជាអម្ចាស់ជីវិតតម្កល់លើត្បូង បានមា​ន​ព្រះ​រាជបន្ទូលកត់សម្គាល់ថា ក្រោមការដឹកនាំរបស់សម្តេចតេជោ និងសម្តេចកិត្តិព្រឹទ្ធ​បណ្ឌិត បានធ្វើឱ្យជាតិកម្ពុជាមានការរីកចម្រើនជឿនលឿន ហើយប្រជាពលរដ្ឋរស់នៅក្នុងសេចក្តីសុខក្សេមក្សាន្ត។

ក្នុងឱកាសដ៏វិសេសវិសាលនោះ ព្រះមហាក្សត្រខ្មែរ ក៏បានមានព្រះរាជបន្ទូលកោតសរសើរដល់ថ្នាក់ដឹកនាំ និងអាជ្ញាធរខេត្តក្រចេះ ដែលបានប្រឹងប្រែងអស់កម្លាំងកាយចិត្តក្នុងការបម្រើប្រជាពលរដ្ឋ ក៏ដូចជាអភិវឌ្ឍន៍ឱ្យមានការរីកចម្រើនលូតលាស់។

ព្រះអង្គក៏បានសព្វព្រះរាជហឫទ័យស្តេចយាងសួរសុខទុក្ខ និងប្រោសព្រះរាជទាន អំណោយជូនដល់លោកគ្រូអ្នកគ្រូ និងសិស្សានុសិស្ស ចំនួន ១៥៧នាក់។

នៅក្នុងឱកាសនោះ ព្រះមហាក្សត្រ បានប្រោសព្រះរាជទានព្រះរាជអំណោយ ជូនប្រជារាស្ត្រ ក្នុងមួយគ្រួសារៗ ទទួលបាន៖

* អង្ករ ចំនួន ១ បាវ
* ឃីត ចំនួន ១ កញ្ចប់ (មុង ១, ភួយ ១, ក្រមា ១, សារុង១)
* មី ចំនួន ២ កេស
* ត្រីខ ចំនួន ១ យួរ
* តង់កៅស៊ូ ចំនួន ១
* ស្បែកជើងផ្ទាត់ ចំនួន ១ គូ
* អាវយឺត មានផ្លាកព្រះរាជអំណោយ ព្រះករុណា ព្រះបាទសម្តេច ព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ចំនួន ១
* អាវរងារ ចំនួន ១
* ថវិកាចំនួន ២០០.០០០ រៀល។

បន្ថែមពីលើនោះ លោកគ្រូអ្នកគ្រូ និងសិស្សានុសិស្ស បានក្រាបបង្គំទូលថ្វាយ​សំណើ​សូម​សាលារៀនថ្មី សង់ពីបេតុងចំនួន ១ខ្នង ៥បន្ទប់ និងបន្ទប់ទឹក​ចំនួន ៤បន្ទប់៕

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()

ព័ត៌មានគួរចាប់អារម្មណ៍

កុំភ្លេចចូលរួម​! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ​ ()

ព័ត៌មានគួរចាប់អារម្មណ៍

កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()

វីដែអូ

ចំនួនអ្នកទស្សនា

ថ្ងៃនេះ :
1948 នាក់
ម្សិលមិញ :
1033 នាក់
សប្តាហ៍នេះ :
5741 នាក់
ខែនេះ :
29199 នាក់
3 ខែនេះ :
113487 នាក់
សរុប :
1094916 នាក់