ថ្ងៃអាទិត្យ ទី៣១ ខែសីហា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
អាជ្ញាធរខេត្តមណ្ឌលគិរីប្រារព្ធពិធីខួបអនុស្សាវរីយ៍លើកទី៧៤ទិវាកុមារអន្តរជាតិ ដើម្បីលើកស្ទួយសិទ្ធិសេរីភាពកុមារ
Fri,02 June 2023 (Time 09:57 AM)
ដោយ ៖ (ចំនួនអ្នកអាន: 303នាក់)

ខេត្តមណ្ឌលគិរី៖ នៅថ្ងៃទី០១ ខែមិថុនា ឆ្នាំ២០២៣ អាជ្ញាធរខេត្តមណ្ឌលគិរីប្រារព្ធពិធីខួបអនុស្សាវរីយ៍លើកទី៧៤ទិវាកុមារអន្តរជាតិ ១មិថុនា ឆ្នាំ២០២៣ ជាមួយនិងកុមារ ព្រមទាំងលោកគ្រូ អ្នកគ្រូ សិស្សានុសិស្ស និងប្រជាពលរដ្ឋ សរុបប្រមាណជាង ៤០០នាក់ ដើម្បីលើកស្ទួយសិទ្ធិកុមារឲ្យមានគ្រប់ទីកន្លែងទាំងអស់ ដែលកម្មវិធីប្រព្រឹត្តទៅ នៅបរិវេណសាលាបឋមពូឡា ស្ថិតនៅក្នុងភូមិពូហ្យាម ឃុំសែនមនោរម្យ ស្រុកអូរាំង ខេត្តមណ្ឌលគីរី។

ឯកឧត្តម យ៉ង់ សែម ប្រធានគណៈកម្មការសិទ្ធិមនុស្ស ទទួលពាក្យបណ្ដឹង និងអង្កេតនៃព្រឹទ្ធសភា បានលើកឡើងថា រាជរដ្ឋាភិបាលកម្ពុជាបានប្រារព្ធទិវាកុមារអន្តរជាតិ និងទិវាកុមារកម្ពុជា ០១មិថុនា ដើម្បីសម្ដែងនូវការគាំទ្រដល់សិទ្ធិកុមារ ក្រៅពីនេះក៏មានគោលនយោបាយជាច្រើនរបស់រាជរដ្ឋាភិបាលក្នុងការលើកស្ទួយសិទ្ធិកុមារ ជាពិសេសគោលនយោបាយជាតិស្ដីពីការគាំពារ និងអភិវឌ្ឍន៍កុមារតូចៗ តាមរយៈការបង្កើនមណ្ឌលសុខភាព និងសាលារៀនបន្ថែមទៀតដល់តំបន់ដាច់ស្រយាលនៅទីជនបទ ដើម្បីឲ្យកុមារបានទទួលសេវាសុខាភិបាល និងការអប់រំ ។

ឯកឧត្តម មានប្រសាសន៍បន្ថែមថា ក្រោយពីបានសម្រេចបង្កើត ទិវាកុមារអន្តរជាតិ អង្គការអន្តរជាតិបានទទួលស្គាល់ជាផ្លូវការលើកុមារទាំងអស់ដោយមិន ប្រកាន់ពូជសាសន៍ ពណ៌សម្បុរ ឬភេទ ជំនឿសាសនា ដើមកំណើត ហើយត្រូវមានសិទ្ធិទទួលការស្រឡាញ់ថ្នាក់ថ្នម មានម្ហូបអាហារគ្រប់គ្រាន់ បានទទួលការថែទាំសុខភាព ការអប់រំរៀនសូត្រ ដោយមិនគិតថ្លៃ ការការពារប្រឆាំងនឹងការជួញដូរគ្រប់បែបយ៉ាងក្នុង បរិយាកាសសន្តិភាពជាសកលនឹងភាទរភាព។

ឯកឧត្តម ថង សាវុន អភិបាលខេត្តមណ្ឌលគិរី មានប្រសាសន៍ដែរថា គោលបំណងនៃការប្រារព្ធ ទិវាកុមារអន្តរជាតិ ០១ មិថុនា នេះឡើង គឺដើម្បីអបអរសាទរ ផ្សព្វផ្សាយ និងលើកតម្កើងសិទ្ធិសេរីភាពរបស់កុមារទាំងនៅទីក្រុង ជនបទ និងតំបន់ដាច់ស្រយាល ដែលក្នុងនោះសូម្បីកុមារជនជាតិដើមភាគតិចក៏ត្រូវបានលើកស្ទួយសិទ្ធិសេរីភាពពេញលេញដូចគេឯងផងដែរ ។

សូមបញ្ជាក់ដែរថា ឯកឧត្តម យ៉ង់ សែន និងឯកឧត្តម ថង សាវុន ក៏បាននាំយកថវិកា និងសម្ភារៈការិយាល័យសិក្សាមួយចំនួន ចែកជូនដល់អាណាព្យាបាល លោកគ្រូ អ្នកគ្រូ និងសិស្សានុសិស្សនៅទីនោះផងដែរ៕

ព័ត៌មានគួរចាប់អារម្មណ៍

ឯកឧត្តម សុខ ពុទ្ធិវុធ អញ្ជើញស្វាគមន៍ដំណើរទស្សនកិច្ចរបស់អ្នកផលិតមាតិកាមកកាន់ស្ថាប័នផ្សព្វផ្សាយអប់រំកម្ពុជា (EBC) ()

ព័ត៌មានគួរចាប់អារម្មណ៍

ឯកឧត្តម ជីវ ស៊ុនហេង អញ្ជើញចូលរួមកិច្ចប្រជុំពិនិត្យវឌ្ឍនភាពការងារយុវជនគណបក្សនៅតាមក្រសួង-ស្ថាប័ន ()

ព័ត៌មានគួរចាប់អារម្មណ៍

ឧបនាយករដ្ឋមន្រ្តីប្រចាំការ វង្សី វិស្សុត បន្តចុះពិនិត្យកន្លែងចិញ្ចឹមត្រី និងសិប្បកម្មកែច្នៃត្រីនៅស្រុកស្ទោង ក្នុងបេសកកម្មជំរុញវិស័យវារីវប្បកម្មក្នុងខេត្តកំពង់ធំ ()

ព័ត៌មានគួរចាប់អារម្មណ៍

ឧត្តមសេនីយ៍ទោ ឡោ សុខា អញ្ជើញដឹកនាំកិច្ច​ប្រ​ជុំ​ត្រួតពិនិត្យការ​ងារ​ប្រចាំខែសីហា ឆ្នាំ២០២៥ និងលើកទិសដៅបន្ត របស់ស្នង​ការដ្ឋាន​នគរបាលខេត្តមណ្ឌលគិរី ()

ព័ត៌មានគួរចាប់អារម្មណ៍

ខេត្តមណ្ឌលគិរី ត្រូវបានប្រកាសទទួលស្គាល់ជាផ្លូវការ ជាខេត្តទី២៤ ទទួលបានជ័យលាភីបញ្ចប់ការបន្ទោបង់ពាសវាលពាសកាល (ODF) ()

វីដែអូ

ចំនួនអ្នកទស្សនា

ថ្ងៃនេះ :
2657 នាក់
ម្សិលមិញ :
2159 នាក់
សប្តាហ៍នេះ :
11729 នាក់
ខែនេះ :
55843 នាក់
3 ខែនេះ :
130539 នាក់
សរុប :
1286660 នាក់