ខេត្តកណ្ដាល៖ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានណែនាំឱ្យក្រសួងការងារ និងបណ្តុះបណ្តាលវិជ្ជាជីវៈពិនិត្យតាមដានឱ្យបានម៉ត់ចត់បំផុត ចំពោះកម្មករកម្ពុជាដែលកំពុងធ្វើការនៅប្រទេសថៃ ក្រោយបក្សឈ្នះឆ្នោតនៅថៃ ប្រកាសគំរាមថា បើលោកឡើងធ្វើជានាយករដ្ឋមន្រ្តី នោះនឹងបណ្តេញកម្មករកម្ពុជា និងកម្មករឡាវ ចេញឱ្យអស់ពីប្រទេសថៃ។ថ្លែងនៅក្នុងពិធីជួបជាមួយនឹងកម្មករជាង ១ម៉ឺន៧ពាន់នាក់ នៅសួនឧស្សាហកម្មខេមតុន (CAMTON INDUSTRIAL PARK) ក្នុងស្រុកពញាឮ ខេត្តកណ្ដាល សម្ដេចតេជោ ហ៊ុន សែន បានលើកឡើងថានយោបាយដែលបណ្ដេញកម្មករបរទេសចេញពីប្រទេសខ្លួនគឺកំពុងតែបង្កើតនូវភាពគ្រោះថ្នាក់មួយដល់រោងចក្រ និងសេដ្ឋកិច្ចរបស់ប្រទេសនោះ។ជាមួយគ្នានេះ សម្តេចតេជោនាយករដ្ឋមន្ត្រីកម្ពុជាសង្ឃឹមថាអ្នកនយោបាយថៃនឹងគិតមើលឲ្យឆ្ងាយ។ សម្ដេចថា៖ «អ្នកបង្កើតនៅនយោបាយមួយដែលបង្កគ្រោះថ្នាក់ដល់សេដ្ឋកិច្ចមិនត្រឹមតែកម្មករកម្ពុជានិងឡាវទេតែវាខូចខាតដល់សហគ្រាសរបស់ថៃដែលកំពុងប្រើប្រាស់ពលករពីកម្ពុជានិងឡាវហើយមកពីមីយ៉ាន់ម៉ាផងដែរ»។សម្ដេចបន្ថែមថា៖ «មិនទាន់បានធ្វើអីផងគំរាមបណ្ដេញកម្មករកម្ពុជានិងឡាវចេញបណ្ដោយ។ ខ្ញុំគិតថានយោបាយនេះប្រហែលជាមិនទទួលបានការគាំទ្រពីកម្ពុជានិងឡាវទេ»៕
ព័ត៌មានគួរចាប់អារម្មណ៍
មនុស្សប្រុស ស្រីចំនួន០៩នាក់ត្រូវបានសមត្ថកិច្ចនគរបាលឆ្មក់បង្រ្កាបឃាត់ខ្លួនអនុវត្តតាមច្បាប់នៅទីតាំងខារ៉ាអូខេមួយកន្លែងក្នុងក្រុងបាត់ដំបង ()
លោក សីទូច អភិបាលស្រុកកោះញែក រៀបចំពិធីសម្អាតអនាម័យ និងបរិស្ថាន ដេីម្បីឱ្យមានសោភ័ណ្ឌភាពជុំវិញស្រុកកោះញែក ()
ក្រសួងបរិស្ថានសហការជាមួយប្រទេសអាល្លឺម៉ង់ពង្រឹងការអនុវត្តយុទ្ធនាការកាត់បន្ថយការប្រើប្រាស់ប្លាស្ទិកឆ្ពោះទៅភាពស្អាតរបស់កម្ពុជា ()
រដ្ឋបាលខេត្តមណ្ឌលគីរី បើកកិច្ចប្រជុំសាមញ្ញលើកទី០៣ អាណត្តិទី៤ របស់ក្រុមប្រឹក្សាខេត្ត ()
ឧបនាយករដ្ឋមន្រ្តី ស សុខា ៖ អាជ្ញាធរ និងកងកម្លាំងទាំងអស់ មិនត្រូវមើលស្រាលចំពោះផែនការទុច្ចរិតរបស់ក្រុមប្រឆាំងក្រៅច្បាប់ ()
វីដែអូ
ចំនួនអ្នកទស្សនា