ខេត្តស្វាយរៀង ៖សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជាចុះមូលដ្ឋានខេត្តស្វាយរៀង ក៏បានអញ្ជើញចុះសួរសុខទុក្ខ លោកស្រី ធឹម ស្រីនិត និង ចៅស្រីសម្តេចតេជោ ខន សែនចរណៃ នៅឃុំតាសួស ស្រុកស្វាយជ្រំ ខេត្តស្វាយរៀង ដែលសកម្មភាពនេះ បានបង្ហាញឲ្យឃើញពីការយកចិត្តទុក្ខដាក់របស់ថ្នាក់ដឹកនាំគណបក្សក្នុងមូលដ្ឋាន ជាមួយនឹងសមាជិក សមាជិកានៅតាមមូលដ្ឋាន ដោយបានផ្សាភ្ជាប់នូវក្តីស្រឡាញ់ ភាពកក់ក្តៅ និងការគិតគូរសុខទុក្ខប្រជាពលរដ្ឋគ្រប់ពេលវេលា។ការអញ្ជើញចុះសួរសុខទុក្ខ ពីសំណាក់សម្តេចម៉ែន សំអននេះ បន្ទាប់ពីសម្តេចបានចុះជួបសំណេះសំណាលជាមួយសមាជិក សមាជិកា គណបក្សប្រជាជនកម្ពុជា ជាង ៦០០នាក់ នៅឃុំស្វាយធំ ស្រុកស្វាយជ្រំ ខេត្តស្វាយរៀង ដើម្បីផ្សព្វផ្សាយនូវគោលនយោបាយរបស់គណបក្សប្រជាជនកម្ពុជា និង បង្រៀនគូសសន្លឹកឆ្នោត នាព្រឹកថ្ងៃចន្ទ ៨រោច ខែបឋមាសាឍ ឆ្នាំថោះ បញ្ចស័ក ព.ស.២៥៦៧ ត្រូវនឹង ថ្ងៃទី១០ ខែកក្កដា ឆ្នាំ២០២៣ ។គួររំលឹកផងដែរថា លោកស្រី ធឹម ស្រីនិត បានឈឺពោះសម្រាលបានកូនស្រីម្នាក់ កាលពីថ្ងៃទី ២៥ ខែមិថុនា ឆ្នាំ២០២៣ ក្នុងអំឡុងពេលដែលសម្តេចតេជោ ហ៊ុន សែន បានអញ្ជើញ ចុះសាកសួរសុខទុក្ខជាមួយនឹងកម្មករ កម្មការិនី ជាង ២ម៉ឺននាក់ នៅតំបន់សេដ្ឋកិច្ចពិសេស មេនហាតធែន ស្ថិតក្នុងក្រុងបាវិត ខេត្តស្វាយរៀង ។សម្តេចតេជោបាន ដាក់ឈ្មោះឲ្យថា «ខន សែនចរណៃ» និង បានបញ្ជាឲ្យអភិបាលខេត្តនាំយកថវិកាឧបត្ថម្ភជូនស្ត្រីជាម្ដាយ ក្នុងនោះមានថវិការបស់សម្ដេចតេជោ និងសម្ដេចកិត្តព្រឹទ្ធបណ្ឌិតចំនួន៥លានរៀល ថវិកា២០០ដុល្លារ សម្រាប់ស្ត្រីដែល មានផ្ទៃពោះក្នុងកម្មវិធីសំណេះសំណាលជាមួយសម្តេចតេជោ ។សម្តេចកិត្តិសង្គហបណ្ឌិត ក៏បាន ផ្តាំផ្ញើរឲ្យលោកស្រី ធឹម ស្រីនិត ត្រូវតាមសុខភាពរបស់ខ្លួនឲ្យបានជាប់ជាប្រចាំតាមការណែនាំរបស់ គ្រូពេទ្យ ជាពិសេស ការនាំកូនទៅចាក់វ៉ាក់សាំងការពារជំងឺផ្សេងៗ ដើម្បីបង្ការនូវជំងឺឆ្លង ៕
ព័ត៌មានគួរចាប់អារម្មណ៍
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
កុំភ្លេចចូលរួម! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ()
កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()
វីដែអូ
ចំនួនអ្នកទស្សនា