ភ្នំពេញ៖ ឯកឧត្តម បណ្ឌិត ហ៊ុន ម៉ាណែត បេក្ខជនបន្ដវេនជានាយករដ្ឋមន្ដ្រីនៅថ្ងៃអនាគត របស់គណបក្សប្រជាជនកម្ពុជា បានបង្ហោះនូវវីដេអូខ្លីមួយ ដោយលោកបញ្ចេញទស្សនៈមួយជ្រុង ចំពោះអ្នកសារពត៌មាន។តាមរយៈបណ្តាញទំនាក់ទំនងសង្គម Telegram និង Facebook ផ្លូវការ នៅព្រឹកថ្ងៃទី១៤ ខែកក្កដា ឆ្នាំ២០២៣នេះ បណ្ឌិត ហ៊ុន ម៉ាណែត បានលើកឡើងពីសារៈសំខាន់នៃការចូលរួមរបស់សារព័ត៌មាន ដែលបានជួយនាំយកនូវព័ត៌មានរបស់រាជរដ្ឋាភិបាល ដែលបានដាក់ចេញ ទៅចែកជូនដល់ប្រជាជន ដើម្បីបានជ្រួតជ្រាប និងក៏នាំឱ្យព័ត៌មានពីប្រជាពលរដ្ឋ ដល់រាជរដ្ឋាភិបាល ដើម្បីដោះស្រាយជូនពួកគាត់បានភ្លាមៗ។ឯកឧត្តម បណ្ឌិតលើកឡើងថា រាជរដ្ឋាភិបាលដែលដឹកនាំគណបក្សប្រជាជនកម្ពុជា នឹងបន្តលើកទឹកចិត្ត និងចាត់ទុកសារព័ត៌មានជាដៃគូយ៉ាងសំខាន់ក្នុងការចូលរួមបង្កើនភាពវិជ្ជមាន និងកាត់បន្ថយភាពអវិជ្ជមានក្នុងសង្គម។ឯកឧត្តម បណ្ឌិត ឡើងថា កន្លងមកសម្តេចតេជោ ហ៊ុន សែន នៅពេលជួបជាមួយអ្នកសារព័ត៌មាន បានផ្តល់នូវការលើកទឹកចិត្តដល់សារព័ត៌មាន ឱ្យបន្តជួយផ្តល់ព័ត៌មាន ដើម្បីកាត់បន្ថយនូវចំណុចខ្វះខាត លើការអនុវត្តន៍ការងាររបស់រាជរដ្ឋាភិបាល។ ជាងនេះ សម្តេចក៏បានចាត់ឱ្យមេធាវីជួយការពារអ្នកសារព័ត៌មាន ដែលហ៊ានបញ្ចេញព័ត៌មានពិត និងមានព័ត៌មានគ្រប់ជ្រុងជ្រោយ តែមិនសម្រាប់អ្នកព័ត៌មានដែលបង្កើតព័ត៌មានមិនពិតនោះទេ។ឯកឧត្តម បណ្ឌិតបន្ថែមទៀតថា «រាជរដ្ឋាភិបាលដឹកនាំដោយគណបក្សប្រជាជនកម្ពុជា ទៅមុខទៀតនឹងបន្តលើកទឹកចិត្តដើម្បីឱ្យប្រជាពលរដ្ឋទាំងអស់ ជាពិសេសការចែករំលែកព័ត៌មានចូលរួមដើម្បីបង្កើនភាពវិជ្ជមានក្នុងសង្គម និងកាត់បន្ថយភាពអវិជ្ជមានក្នុងសង្គម នេះជាកិច្ចការគោលដៅដែលយើងចង់បាន»៕
ព័ត៌មានគួរចាប់អារម្មណ៍
ទំព័រដើម ព័ត៌មានជាតិ ព័ត៏មានអន្តរជាតិ ព័ត៌មានសន្តិសុខសង្គម ព័ត៌មានស៊ើបអង្កេត ព័ត៌មានថ្មីបំផុត ឯកឧត្តម នាយឧត្តមសេនីយ៍ ស ថេត ផ្ញើសារលិខិតគោរពជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសចម្រើនជន្មាយុ **|** ឯកឧត្តម នាយឧត្តមសេនីយ៍ ស ថេត ផ្ញើសារលិខិតគោរពជូនពរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ក្នុងឱកាសចម្រើនជន្មាយុ ()
សម្តេចមហាបវរធិបតី ហ៊ុន ម៉ាណែត រៀបចំពិធីលៀងសាយភោជន ជូននាយករដ្ឋមន្ត្រីឡាវ និងគណៈប្រតិភូ ()
ឧបនាយករដ្ឋមន្ត្រី ប្រាក់ សុខុន ចែករំលែកបទពិសោធន៍សន្តិភាពរបស់កម្ពុជា ()
ព្រឹកនេះ សម្តេចមហាបវរធិបតី ហ៊ុន ម៉ាណែត អញ្ជើញបើកកិច្ចប្រជុំកំពូលសៀមរាប-អង្គរ ស្តីពីពិភពលោកមួយដែលគ្មានមីន ()
សម្តេចបវរធិបតី ហ៊ុន ម៉ាណែត៖ ទឹកដីកម្ពុជា ធ្លាប់ជាវាលមីន ឥឡូវក្លាយជាដីមានជីជាតិ សម្រាប់ធ្វើកសិកម្ម ()
វីដែអូ
ចំនួនអ្នកទស្សនា