KNP

ថ្ងៃអង្គារ៍ ទី០១ ខែកក្កដា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

ប្រជាពលរដ្ឋភូមិស្រែតាចាន់ក្នុងស្រុកសេសាន ទទួលបានស្ពានជាចំណងដៃថ្មី **|**

ប្រជាពលរដ្ឋភូមិស្រែតាចាន់ក្នុងស្រុកសេសាន ទទួលបានស្ពានជាចំណងដៃថ្មី

ខេត្តស្ទឹងត្រែង៖ ប្រជាពលរដ្ឋប្រមាណជិត១០០គ្រួសារ រស់នៅក្នុងភូមិស្រែតាចាន់ ក្នុងឃុំក្បាលរមាស ស្រុកសេសាន ទទួលបានស្ពានថ្មីប្រភេទបេឡេ បានសម្រួលដល់ការធ្វើដំណើរទៅមកបានងាយស្រួលលែងលំបាកដូចមុន ពេលភ្លៀងខ្លងទឹកលិច និងហូរកាត់ផ្តាច់ផ្លូវធ្វើឲ្យស្ទះការធ្វើដំណើរទាំងការរកស៊ី ។

ក្នុងសកម្មភាពចុះពិនិត្យស្ថានភាពសាងសង់ស្ពាន នៅថ្ងៃទី១៧សីហា នេះ លោក សុវណ្ណ ពិសេដ្ឋ អភិបាលស្រុកសេសានបានបញ្ជាក់ឲ្យដឹងថាៈទីតាំងនេះជាផ្លូវលេខ៧៨ចាស់ក៏ជាបណ្តាញតភ្ជាប់គ្នារវាងចំណុចស្រែតាចាន់មកទីប្រជុំជនភូមិច្រប់ ដែលជាផ្លូវលេខ៧៨ថ្មី ដោយមួយផ្នែកទៅខេត្តរតនគិរី និងមួយផ្នែកទៀតឆ្ពោះចូលទៅកាន់ទីរួមខេត្តស្ទឹងត្រែង ។ ហើយក្រោយទទួលបានស្ពានថ្មីនេះ ប្រជាពលរដ្ឋនឹងមានភាពងាយស្រួលក្នុងការធ្វើដំណើរព្រោះស្ពានថ្មីនេះត្រូវបានសាងសង់ឡើងក្នុងស្ថានភាពខ្ពស់ផុតទឹក ជាកត្តាដែលអាចផ្តល់អំណោយដល់ស្ពានមិនទទួលរងនូវការខូចខាតដោយសារលិចនារដូវវស្សានេះ ។

សូមបញ្ជាក់ថាស្ពានថ្មីនេះ ជាប្រភេទដែកបេឡេ មានទទឹង៦ម៉ែត្រ និង បណ្តោយ២៨ម៉ែត្រ នឹងត្រូវបានដាក់ឲ្យប្រើប្រាស់ នៅចុងខែសីហានេះសាងសង់ដោយមន្ទីរសាធារណការ និងដឹកជញ្ជូនខេត្តស្ទឹងត្រែង ក្រោមការដឹកនាំនិងជំរុញពីសំណាក់ឯកឧត្តម ស្វាយ សំអ៊ាង អភិបាលខេត្ត ដើម្បីជាប្រយោជន៍រួមដល់ប្រជាជនក្នុងមូលដ្ឋាន ៕