ខេត្តកំពត៖ ឯកឧត្តមបណ្ឌិត ម៉ៅ ធនិន អភិបាលខេត្តកំពត នាព្រឹកថ្ងៃទី១៨ ខែសីហា ឆ្នាំ២០២៣បានអញ្ជើញអធិបតីក្នុងពិធីប្រកាសចូលកាន់មុខតំណែងមន្រ្តីរាជការសាលាខេត្តកំពតចំនួន២៥រូប ដែលពិធីនេះប្រព្រឹត្តធ្វើឡើងនៅសាលាខេត្តកំពត ដោយមានការចូលរួមជាអធិបតីផងដែរពីលោកបណ្ឌិតសាស្ត្រាចារ្យ ញ៉ូវ សាឯម ប្រធានក្រុមប្រឹក្សាខេត្ត និងជួរថ្នាក់ដឹកនាំ មន្ត្រីរាជការ កងកម្លាំងប្រដាប់អាវុធ អាជ្ញាធរ និងអ្នកពាក់ព័ន្ធជាច្រើនរូប។ថ្លែងក្នុងឱកាសនោះ ឯកឧត្តមបណ្ឌិត ម៉ៅ ធនិន បានលើកឡើងថា ក្នុងយន្តការនៃការចាត់តាំង និងតែងតាំងមន្រ្តី គឺត្រូវពិនិត្យបច្ច័យ និងជ្រើសរើសយកមន្ត្រីដែលមានសមត្ថភាព មានចរិកការងារច្បាស់លាស់ក្នុងការដឹកនាំ និងប្រកបទៅដោយក្រមសីលធម៌ក្នុងការដឹកនាំ។ឯកឧត្តមថា «ប្រសិនបើកន្លែងមួយ អង្គភាពមួយ មានថ្នាក់ដឹកនាំដែលពោពេញទៅដោយសមត្ថភាព ចរិកការងារច្បាស់លាស់ និងមានក្រមសីលធម៌ច្បាស់លាស់ គឺកន្លែងនោះ ឬអង្គភាពនោះ នឹងទទួលបានប្រសិទ្ធិភាពការងារ ខ្ពស់»។ឯកឧត្តមអភិបាលខេត្ត បានបន្តថា «គ្រប់ការងារដែលមានការចាត់តាំងក្នុងអណត្តិ របស់លោកផ្ទាល់ គឺផ្តោតសំខាន់ទៅលើអ្នកដែលមានសមត្ថភាព ហើយអ្នកមានសមត្ថភាព គឺត្រូវតែទទួលបានការតែងតាំង និងផ្តល់តួនាទីជូន ដើម្បីចូលរួមក្នុងការដឹកនាំ។ ប្រសិនបើអ្នកដែលមានលទ្ធភាព តែពុំមានសមត្ថភាព គឺមិនអាចទទួលបាននូវការចាត់តាំង ដែលជាអំណាចរដ្ឋ និងអំណាចបក្សបានដាច់ខាត និយាយជារួមគឺមិនអាចយកលុយមកទិញ តួនាទីបាននោះទេ»។សូមបញ្ជាក់ថា រដ្ឋបាលខេត្តកំពត បានតែងតាំង សម្រួល និងប្រគល់ភារកិច្ចជូនមន្ត្រីរាជការក្នុងរចនាសម្ព័ន្ធសាលាខេត្តកំពត ចំនួន ២៥រូប ក្នុងនោះ ស្រី៥រូប៕
ព័ត៌មានគួរចាប់អារម្មណ៍
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
កុំភ្លេចចូលរួម! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ()
កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()
វីដែអូ
ចំនួនអ្នកទស្សនា