ខេត្តរតនគីរី៖ ឯកឧត្តម គិត ទ្រី អ្នកតំណាងរាស្រ្តមណ្ឌលរតនគិរី នាព្រឹកថ្ងៃទី ១១ ខែកញ្ញា ឆ្នាំ២០២៣ បានអញ្ជើញចុះសួរសុខទុក្ខ និងនាំយកអំណោយចែកជូនបងប្អូនប្រជាពលរដ្ឋនៅតាមខ្នងផ្ទះដែលមានជីវភាពខ្វះខាតចំនួន១៥គ្រួសារ ស្មើ២ភូមិ គឺភូមិលំផាត់ និងភូមិដីឡូស្ថិតនៅស្រុកលំផាត់ខេត្តរតនគិរី នឹងក៏មានការអញ្ជើញចូលរួមពី លោក នូ ថេរ អភិបាលស្រុកលំផាត់និងមន្រ្តីរាជការសាលាស្រុក និងលោកមេឃុំ មេភូមិផងដែរ។ក្នុងឱកាសចុះសួរសុខទុក្ខផ្ទាល់ជាមួយប្រជាពលរដ្ឋ ឯកឧត្តមបានមានប្រសាសន៍ ទៅកាន់បងប្អូនប្រជាពលរដ្ឋថា សូមថែរក្សាសុខភាពអោយបានល្អ ជាពិសេសត្រូវបន្តរក្សាអនាម័យដោយពិសារទឹកស្អាតឬទឹកដាំពុះ ចម្អិនអាហារឱ្យបានឆ្អិនល្អ និងត្រូវលាងដៃនិងសាប៊ូឱ្យបានជាប់ជានិច្ច។ ឯកឧត្តម បន្ថែមថា បើទោះបីអំណោយដែលចែកជូននាពេលនេះមិនច្រើនពិតមែន តែនឹងអាចជួយដោះស្រាយជាស្បៀងសម្រាប់ក្រុមគ្រួសារពុកម៉ែបងប្អូនបានមួយរយៈផងដែរ។ឯកឧត្តមក៏បានថ្លែងអំណរគុណចំពោះពុកម៉ែ បងប្អូនប្រជាពលរដ្ឋ ក្នុងខេត្តទាំងអស់ ដែលបានអញ្ជើញទៅបោះឆ្នោតជ្រើសតាំងតំណាងរាស្រ្ត នីតិកាលទី៧ នាថ្ងៃទី២៣ ខែកក្កដា ឆ្នាំ២០២៣ ថ្មីៗនេះប្រកបដោយស្មារតីគាំទ្រជាមួយទំនុកចិត្តសប្បាយរីករាយ និងដោយគ្មានការបង្ខិតបង្ខំនាំឲ្យការបោះឆ្នោតប្រព្រឹត្តទៅដោយសេរី ត្រឹមត្រូវ និងយុត្តិធម៌។សូមបញ្ជាក់ថាអំណោយចែកជូនប្រជាពលរដ្ឋ រួមមាន៖ អង្ករ ២៥ គីឡូ,មីមួយកេស,ត្រីខ១យួរ, មុង១,ភួយ១ផងដែរ៕
ព័ត៌មានគួរចាប់អារម្មណ៍
រដ្ឋមន្ត្រីក្រសួងព័ត៌មាន ដឹកនាំកិច្ចិភាក្សាលើសេចក្តីព្រាង «ធម្មនុញ្ញវិជ្ជាជីវៈសារព័ត៌មាន» ដែលផ្តោតទៅលើការទទួលខុសត្រូវលើវិជ្ជាជីវៈសារព័ត៌មាន ()
អាជ្ញាធរស្រុកកោះញែក រៀបចំវេទិកាសាធារណៈថ្នាក់ជាតិ ដើម្បីដោះស្រាយបញ្ហាប្រឈម និងតម្រូវការរបស់ប្រជាពលរដ្ឋនៅមូលដ្ឋាន ស្ថិតនៅក្នុងឃុំស្រែហ៊ុយ ()
សម្តេចតេជោ ៖ អ្នកបំផុសព័ត៌មានក្លែងក្លាយ រឿងកាត់ខេត្ត៤ឲ្យវៀតណាម គឺមិនអាចអន់ឱនឲ្យបានទេ ()
សម្តេចតេជោ ៖ ករណីបង្កើតព័ត៌មានក្លែងក្លាយ អំពីការកាត់ខេត្ត៤ឲ្យវៀតណាម គឺបានចាប់ខ្លួន មនុស្ស៣នាក់ហើយ ()
សម្ដេចតេជោស្នើដល់តុលាការឱ្យកាត់ទោសអ្នកដែលប្រឌិតរឿងថាកម្ពុជាកាត់ដីឱ្យវៀតណាមឱ្យដល់កម្រិតអតិប្បរមានៃទោស ()
វីដែអូ
ចំនួនអ្នកទស្សនា