ខេត្តមណ្ឌលគិរី៖ នៅថ្ងៃព្រហស្បត្តិ៍ ១៤រោច ខែស្រាពណ៍ ឆ្នាំថោះ បញ្ចសក័ ព.ស២៥៦៧ ត្រូវនឹងថ្ងៃទី១៤ ខែកញ្ញា ឆ្នាំ ២០២៣ វេលាម៉ោង ១២និង១០មានក្រុមការងារ(វ៉ាយ អេដ) និងក្រុមការងារ នៅចំណុចភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី ក្រោមការដឹកនាំដោយ លោក ហេង គឹមឆាយ រដ្ឋបាលព្រៃឈើ ជាប្រធានក្រុមអន្តរាគមន៍ ។ក្នុងប្រតិបត្តិការកម្លាំងបានចុះបង្ក្រាបបទល្មើសសត្វព្រៃ បានចំនួន២ទីតាំង៖ ទី១/ ចំណុចផ្ទះឈ្មោះ វិះ មុំ ភេទប្រុស អាយុ ៣៥ឆ្នាំ ជនជាតិព្នង មានទីលំនៅភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី សម្ភារចាប់បានរួមមាន៖ ១ សត្វឈ្លូសចំនួន ២ក្បាល ទម្ងន់ ២៧.៥គីឡូ។ ២ ស្នែងឈ្លូសចំនួន ៤ក្បាល។ ៣ ស្នែងទន្សោងចំនួន១ ក្បាល។ ៤ ទ្រូងអណ្ដើកចំនួន ៤ ទម្ងន់ ០.៥គីឡូ ។ ទីតាំងទី២/ ចំណុចផ្ទះឈ្មោះ ស្រឹ អ៊ួង ភេទស្រី អាយុ ៦៨ឆ្នាំ ជនជាតិ ព្នង មានទីលំនៅភូមិស្រែហ៊ុយ ឃុំស្រែហ៊ុយ ស្រុកកោះញែក ខេត្តមណ្ឌលគិរី សម្ភារៈចាប់បានរួមមាន៖ ១ ជ្រូកព្រៃចំនួន ៤ក្បាល ទម្ងន់៨១គីឡូ។ ២ ឈ្លូសចំនួន ១ក្បាល ទម្ងន់១៣គីឡូ។ ៣ សំពោច ១ក្បាល ទម្ងន់ ២គីឡូ។ ៤ សត្វស្វារស់ចំនួន ៣ក្បាល។ក្រុមការងារចម្រុះ បានដឹកជញ្ជូនសម្ភារៈ និងវត្ថុតាងទាំងអស់យកទៅផ្នែករដ្ឋបាលព្រៃឈើកោះញែក ចំណែកជនសង្ស័យទាំង ២នាក់ ក៏បានឱ្យធ្វើកិច្ចសន្យាបញ្ឈប់ និងពិន័យអន្តរៈកាល ដោយឡែកសាច់សត្វព្រៃទាំងអស់ត្រូវបានក្រុមការងារដុតបំផ្លាញចោល៕
ព័ត៌មានគួរចាប់អារម្មណ៍
រដ្ឋមន្ត្រីក្រសួងព័ត៌មាន ដឹកនាំកិច្ចិភាក្សាលើសេចក្តីព្រាង «ធម្មនុញ្ញវិជ្ជាជីវៈសារព័ត៌មាន» ដែលផ្តោតទៅលើការទទួលខុសត្រូវលើវិជ្ជាជីវៈសារព័ត៌មាន ()
អាជ្ញាធរស្រុកកោះញែក រៀបចំវេទិកាសាធារណៈថ្នាក់ជាតិ ដើម្បីដោះស្រាយបញ្ហាប្រឈម និងតម្រូវការរបស់ប្រជាពលរដ្ឋនៅមូលដ្ឋាន ស្ថិតនៅក្នុងឃុំស្រែហ៊ុយ ()
សម្តេចតេជោ ៖ អ្នកបំផុសព័ត៌មានក្លែងក្លាយ រឿងកាត់ខេត្ត៤ឲ្យវៀតណាម គឺមិនអាចអន់ឱនឲ្យបានទេ ()
សម្តេចតេជោ ៖ ករណីបង្កើតព័ត៌មានក្លែងក្លាយ អំពីការកាត់ខេត្ត៤ឲ្យវៀតណាម គឺបានចាប់ខ្លួន មនុស្ស៣នាក់ហើយ ()
សម្ដេចតេជោស្នើដល់តុលាការឱ្យកាត់ទោសអ្នកដែលប្រឌិតរឿងថាកម្ពុជាកាត់ដីឱ្យវៀតណាមឱ្យដល់កម្រិតអតិប្បរមានៃទោស ()
វីដែអូ
ចំនួនអ្នកទស្សនា