ថ្ងៃព្រហស្បតិ៍ ទី០៣ ខែមេសា ឆ្នាំ២០៥០
ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!
តំបន់ប្រតិបត្តិការសឹករងមណ្ឌលគិរី យោធភូមិភាគទី១ រៀបចំពិធីប្រកាសតែងតាំងមុខតំណែង មេបញ្ជាការរង និងជានាយសេនាធិការ០១រូប
Wed,27 September 2023 (Time 03:59 PM)
ដោយ ៖ (ចំនួនអ្នកអាន: 364នាក់)

ខេត្តមណ្ឌលគិរី៖ នៅរសៀលថ្ងៃអង្គារទី២៦ ខែកញ្ញា ឆ្នាំ២០២៣ ឯកឧត្តម ឧត្តមសេនីយ៍ទោ លី សុរ៉ារិទ្ធ មេបញ្ជាការ យោធភូមិភាគទី១ បានអញ្ជើញជាអធិបតីក្នុងពិធីប្រកាសតែងតាំង មុខងារ មេបញ្ជាការរង និងជានាយសេនាធិការ តំបន់ប្រតិបត្តិការសឹករងមណ្ឌលគិរី ។

ក្នុងឱកាសនោះដែល លោកឧត្តមសេនីយ៍ទោ សាន គឹមអឿន មេបញ្ជាការតំបន់ប្រតិបត្តិការសឹករងមណ្ឌលគិរី បានមានមតិស្វាគមន៍ រាយការណ៍អំពីសភាពការណ៍ និងការងារអនុវត្តន៍បានជូន ឯកឧត្តម មេបញ្ជាការយោធាភូមិភាគទី១ ។

ឯកឧត្ដម មេបញ្ជាការ បានធ្វើការកោតសរសើរ និងវាយតម្លៃខ្ពស់ចំពោះ នាយទាហាន នាយទាហានរង និងពលទាហាន ទាំងអស់ ជាពិសេស លោកមេបញ្ជាការតំបន់ប្រតិបត្តិការសឹករងមណ្ឌលគិរី ដែលបាន ខិតខំបំពេញភារកិច្ចបានល្អ ដោយមានការទទួលខុសត្រូវ និងយកចិត្តទុកដាក់ខ្ពស់បំផុត។

ឯកឧត្តម មេបញ្ជាការ យោធភូមិភាគទី១ បានក្រើនរំឮកដល់ នាយសេនាធិការ ដែលទទួលតំណែងថ្មី ត្រូវបន្តយកចិត្តទុកដាក់ក្នុងការអនុវត្តន៍ជាប្រចាំ ប្រកាន់ភ្ជាប់នូវគោលការណ៍ បទវិន័យទូទៅ លក្ខន្តិកៈ និង ៥ខ្លឹមសារប្រឡងប្រណាំងរបស់កងយោធពលខេមរភូមិន្ទ។ ទន្ទឹមគ្នានោះ ក៏ត្រូវបន្តយកចិត្តទុកដាក់អនុវត្តន៍ឲ្យបានដាច់ខាតនូវរាល់បទបញ្ជា និងសារាចរណ៍ណែនាំ របស់ប្រមុខរដ្ឋាភិបាល ក្រសួងការពារជាតិ អគ្គបញ្ជាការ កងទ័ពជើងគោក ដែលបានដាក់ចុះ ចូលរួមសហការជាមួយអាជ្ញាធរមូលដ្ឋានក្នុងការអនុវត្តគោលនយោបាយភូមិ ឃុំមានសុវត្ថិភាព និងភាពសុខដុមជូនប្រជាពលរដ្ឋ ។

លោកវរសេនីយ៍ឯក ធី ឆៃវិន ដែលទើបទទួលដំណែង ជាមេបញ្ជាការរង និងជានាយសេនាធិការ តំបន់ប្រតិបត្តិការសឹករងមណ្ឌលគិរី បានធ្វើសេចក្ដីប្តេជ្ញាចិត្ត ទទួលភារកិច្ច អនុវត្តភារកិច្ចអោយបានល្អប្រសើរ អនុវត្តន៍តាមផែនការរបស់ថ្នាក់ដឹកនាំ ហ៊ានពលិកម្មគ្រប់បែបយ៉ាង ការពារបូរណភាពទឹកដីការពាររដ្ឋាភិបាល ដឹកនាំដោយសម្ដេចអធិបតី ហ៊ុន ម៉ាណែត នាយករដ្ឋមន្ត្រី។ ខិតខំប្រឹងពង្រឹងចរន្តការងារឲ្យកាន់តែប្រសើរសាមគ្គីផ្ទៃក្នុងល្អគ្មានបក្សពួកនិយម គ្មានការលំអៀងជាពិសេសគិតប្រយោជន៍រួមជាធំ៕

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()

ព័ត៌មានគួរចាប់អារម្មណ៍

រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()

ព័ត៌មានគួរចាប់អារម្មណ៍

អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()

ព័ត៌មានគួរចាប់អារម្មណ៍

កុំភ្លេចចូលរួម​! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ​ ()

ព័ត៌មានគួរចាប់អារម្មណ៍

កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()

វីដែអូ

ចំនួនអ្នកទស្សនា

ថ្ងៃនេះ :
2876 នាក់
ម្សិលមិញ :
1033 នាក់
សប្តាហ៍នេះ :
6669 នាក់
ខែនេះ :
30127 នាក់
3 ខែនេះ :
114415 នាក់
សរុប :
1095844 នាក់