KNP

ថ្ងៃអង្គារ៍ ទី០៧ ខែឧសភា ឆ្នាំ២០៥០

ផ្សព្វផ្សាយព័ត៌មានពិត គ្រប់ទីកន្លែងជាមួយ គេហទំព័រ កោះញែកប៉ុស្តិ៍!

ទំព័រដើម ព័ត៌មានជាតិ ព័ត៌មានអន្តរជាតិ ព័ត៌មានអន្តរជាតិ ព័ត៌មានសន្តិសុខសង្គម

ព័ត៌មានថ្មីបំផុត

ការធ្វើបច្ចុប្បន្នភាពដី និងចុះពិនិត្យទីតាំងសម្បទានដីសង្គមកិច្ចក្នុងភូមិសាស្រ្តខេត្តស្ទឹងត្រែង មានសារៈសំខាន់បំផុតក្នុងការរួមចំណែកអនុវត្តទៅតាមគោលនយោបាយយុទ្ធសាស្រ្តបញ្ចកោណ **|**

ខេត្តស្ទឹងត្រែង៖ ក្រុមការងារគណៈកម្មការសម្បទានដីសង្គមកិច្ចថ្នាក់ជាតិពិភាក្សាស្តីពីការធ្វើបច្ចុប្បន្នភាពដី និងចុះពិនិត្យទីតាំងដីសម្បទានសង្គមកិច្ចក្នុងភូមិសាស្រ្តខេត្តស្ទឹងត្រែងគឺមានសារៈសំខាន់បំផុតក្នុងការរួមចំណែកអនុវត្តទៅតាមគោលនយោបាយរបស់រាជរដ្ឋាភិបាលក្រោមការដឹកនាំពីសំណាក់ សម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដែលបានដាក់ចេញនូវយុទ្ធសាស្ត្របញ្ចកោណ ដំណាក់កាលទី១ ។

នេះបើតាមប្រសាសន៍របស់ឯកឧត្តម ស្វាយ សំអ៊ាង អភិបាល នៃគណៈអភិបាលខេត្តនាព្រឹកថ្ងៃទី១៩ ខែមីនា ឆ្នាំ២០២៤ នៅសាលាខេត្តស្ទឹងត្រែង ក្នុងកិច្ចប្រជុំពិភាក្សាជាមួយ ឯកឧត្តម សូ ខនឫទ្ធីគុណ រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់ ដែលមានមន្ទីរអង្គភាពពាក់ព័ន្ធចូលរួម ។

ឯកឧត្តម អភិបាលខេត្តបានថ្លែងថា៖ការជំរុញទៅលើវិស័យដីធ្លីឱ្យកាន់តែមានប្រសិទ្ធភាព ហើយក្នុងនោះក៏ជាការអនុវត្តស្មារតីគោលនយោបាយសម្បទានសង្គមកិច្ច ជូនដល់គ្រួសារកងទ័ព គ្រួសារអតីតយុទ្ធជន និងគ្រួសារមានការខ្វះខាតដីពិតប្រាកដ នៅក្នុងក្របខណ្ឌទូទាំងប្រទេស ក៏ដូចជាសម្រាប់ក្នុងខេត្តស្ទឹងត្រែង គឺមាននៅក្នុងយុទ្ធសាស្រ្តបញ្ចកោណដំណាក់កាលទី១ដែលបានដាក់ចេញ ។

ឯកឧត្តមអភិបាលខេត្តបន្តថា៖ខេត្តស្ទឹងត្រែង យើងមានគោលដៅ៥ ដែលជាគោលដៅសម្បទានដីសង្គមកិច្ចសម្រាប់ជូនគ្រួសារអតីតយុទ្ធជន, គ្រួសារកងទ័ពនៅតាមតំបន់ព្រំដែន ក៏ដូចជាប្រជាពលរដ្ឋដែលខ្វះខាតដីពិតប្រាកដ ដែលការចុះបញ្ជីធ្វើយ៉ាងណាអនុវត្តតាមគោលការណ៍ណែនាំ និងតាមនីតិវិធី ៕