ខេត្តស្វាយរៀង៖ នៅថ្ងៃសុក្រ ៥រោច ខែផល្គុន ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី២៩ ខែមីនា ឆ្នាំ២០២៤ឯកឧត្តម ប៉េង ពោធិ៍សា អភិបាលនៃគណៈអភិបាលខេត្តស្វាយរៀងបានអនុញ្ញាតឱ្យលោក ស៊ូម សារឿន ប្រធានសមាគមរាជសីហ៍ និងសមាជិកសមាជិកាសមាគម ចូលជួបសម្តែងការគួសម និងពិភាក្សាការងារ។ឯកឧត្តម ស៊ូម សារឿន បានលើកឡើងអំពីចក្ខុវិស័យរបស់សមាគម គឺមានគោលបំណងផ្តល់ក្តីសង្ឃឹមទៅដល់ជនងាយរងគ្រោះមានដូចជាកុមារកំព្រា ចាស់ជរាគ្មានទីពឹង និងស្ត្រី មេម៉ាយក្រីក្រ ជាដេីម។ ទន្ទឹមនោះ បេសកម្ម នៃការប្រមូលមូនិធិដែលជាជំនួយមនុស្សធម៌របស់សប្បុរសជនក្នុង និងក្រៅប្រទេស និងប្រើប្រាស់មូលនិធិទាំងនេះសម្រាប់សកម្មភាពមនុស្សធម៌ និងសប្បុរសធម៌ ព្រមទាំងកែលម្អគុណភាពជីវិតរបស់ជនងាយរងគ្រោះនៅក្នុងសង្គមតាមរយៈការផ្តល់នូវក្តីស្រលាញ់ ការខ្វាយខ្វល់ និងការយកចិត្តទុកដាក់ទៅដល់ពួកគាត់ដោយមិនគិតពីវប្បធម៌ សាសនា និន្នាការនយោបាយអ្វីឡេីយ។ឯកឧត្តមបន្តថា ក្នុងនាមប្រធានសមាគម រាជសីហ៍ និងសមាជិកសមាជិការសមាគមទាំងអស់ សូមថ្លែងនូវការអរគុណចំពោះឯកឧត្តមអភិបាលខេត្តដែលបានអនុញ្ញាឲ្យសមាគមនិងសមាជិក មាជិការ បានចូលជួបសម្តែងការគួសម និងផ្តលឱកាសដល់សមាគមរាជសីហ៍បានរាយការណ៍អំពីសមិទ្ធផលការងារមនុស្សធម៌ដែលសម្រេចបានកន្លងមក។មានប្រសាន៍ក្នុងឱកាសនោះដែរ ឯកឧត្តអភិបាលខេត្តបានថ្លែងនូវការគាំទ្រចំពោះសមាគមរាជសីហ៍ ទិសដៅសកម្មភាពមនុស្សធម៌តាមរយៈការផ្តល់នូវក្តីស្រលាញ់ ការខ្វាយខ្វល់ និងការយកចិត្តទុកដាក់ទៅដល់ជនងាយរងគ្រោះ គ្រួសារក្រ និងសកម្មភាពមនុស្សធម៌ផ្សេងៗជាច្រេីនទៀតនៅក្នុងខេត្តស្វាយរៀង។ឯកឧត្តមអភិបាលខេត្តក៏បាន ថ្លែងអំណរគុណចំពោះ សមាគមរាជសីហ៍ដែលបានឧបត្ថម្ភំណោយមួយចំនួនដូចជា៖ អង្ករចំនួន១០០០ គីឡូ,មី៥០កេស ,ទឹកបរិសុទ្ធវីតាល់១០០កេស,ទឹកត្រី៥០យួរ,ទឹកស៊ីអ៊ីវ៥០យួរ និងត្រីខកំប៉ុង ចំនួន៥០ដុំ ផ្តល់ជូនដល់រដ្ឋបាលខេត្តស្វាយរៀងសម្រាប់ប្រេីប្រាស់ក្នុងសកម្មភាពការងារមនុស្សធម៌ផងដែរ៕
ព័ត៌មានគួរចាប់អារម្មណ៍
រដ្ឋមន្ត្រី នេត្រ ភក្ត្រា ប្រកាសបើកជាផ្លូវការ យុទ្ធនាការ «និយាយថាទេ ចំពោះព័ត៌មានក្លែងក្លាយ!» ()
រដ្ឋមន្ត្រី នេត្រ ភក្ត្រា ៖ មនុស្សម្នាក់ គឺជាជនបង្គោល ក្នុងការប្រឆាំងព័ត៌មានក្លែងក្លាយ ()
អភិបាលខេត្តមណ្ឌលគិរី លើកទឹកចិត្តដល់អាជ្ញាធរមូលដ្ឋាន និងប្រជាពលរដ្ឋ ត្រូវសហការគ្នាអភិវឌ្ឍភូមិ សង្កាត់របស់ខ្លួន ()
កុំភ្លេចចូលរួម! សង្ក្រាន្តវិទ្យាល័យហ៊ុន សែន កោះញែក មានលេងល្បែងប្រជាប្រិយកម្សាន្តសប្បាយជាច្រើន ដើម្បីថែរក្សាប្រពៃណី វប្បធម៌ ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ()
កសិដ្ឋានមួយនៅស្រុកកោះញែកមានគោបាយ ជិត៣០០ក្បាល ផ្ដាំកសិករផ្សេង គួរចិញ្ចឹមគោមួយប្រភេទនេះ អាចរកប្រាក់ចំណូលបានច្រើនគួរសម មិនប្រឈមការខាតបង់ ()
វីដែអូ
ចំនួនអ្នកទស្សនា